/ATSH/.- Kryeministri i Kosovës Isa Mustafa, do të vizitojë në muajin qershor Berlinin, me ftesë të kancelares gjermane Angela Merkel.
Këtë e ka konfirmuar këshilltari i kryeministrit Valon Murtezaj, i cili tha për Klan Kosova se Merkel i ka dërguar tashmë ftesën kreut të qeverisë së Kosovës.
"Ftesa ka ardhur që në fillim të mandatit të tij", thotë Murtezaj.
Sipas KosovaPress, për natyrën e vizitës ai foli shkurt, duke thënë se ka të bëjë me sundim rendi dhe ligji, si dhe forcim të marrëdhënieve ndërshtetërore./k.s/