Dikur ishim mësuar që bandat dilnin në rrugë e zhvishnin qytetarët dhe sigurisht, përtej aktivitetit të tyre të paligjshëm, ata jo vetëm nuk ishin e nuk konsideroheshin një model për shoqërinë dhe të rinjtë, por konsideroheshin si një devijancë sociale që dënoheshin nga shoqëria! Kjo ishte shoqëria shqiptare deri në fillimin e viteve dy mijë, edhe pse në tranzicion të plotë, akoma kishte modele të tjera për të ndjekur, siç ishin librat, dëshira për shkollim e dëshira për të bërë karrierë mbi dijen e profesionin!
Nga fillimi i viteve dy mijë e sot, shumë gjëra kanë ndryshuar edhe në shoqërinë tonë e për fat të keq kanë ndryshuar jo për mirë! Rritja e kultivimit të lëndëve narkotike në vend po jep efektet e para edhe në shoqëri, përtej kriminalitetit, duke krijuar modele të rrezikshme për të rinjtë! Nëse kujtojmë fillimet e muzikës rb apo rap në fillim të viteve 90 në Amerikë, sidomos në Kaliforni dhe në New York, na vjen në mendje se këngëtarët e ose bandat e kësaj muzikë ishin jo rrallë herë produkt i rrugës me të gjitha elementet që ajo kishte e madje ka pasur këngë që dëshmonin e reklamonin faktin e konsumimit të lëndëve narkotike siç ishte rasti i frazës "I smoke every day". Shpesh herë nuk kanë munguar rastet ku këto banda që bënin muzikë ishin edhe banda kriminale që në përplasje mes tyre ka pasur edhe të vdekur! Shumë nga këto këngëtar kanë bërë edhe burg për vepra të ndryshme penale!
Ajo që po ndodh sot me muzikën shqiptare është e ngjashme me atë që ndodhte në SHBA në fillim të viteve '90! Edhe në Shqipëri këngëtarët e muzikës rap ose rb, kanë filluar të rrihej rrugëve dhe të kërcënojnë njëri-tjetrin nëpër social media! Kultivimi i lëndëve narkotike e ka përshpejtuar këtë proces edhe në muzikën shqiptare!
Nëse shikojmë klipet e repistave tanë me tekstet e tyre i dedikojnë këngë luksit, ferrarit, benzit, vilave apo rrobave të shtrenjta edhe pse shumë pak kanë ndonjë aktivitet të mirëfilltë pune apo të ardhura legjitime! Këta po krijojnë modelin e dhunës dhe të pasurimit të shpejtë e të lehtë tek të rinjtë duke nxitur kështu e duke stimuluar dëshirën për trafiqe ilegjitime e pse jo edhe për konsumin e lëndëve narkotike! Flasin në këngët e tyre për kilogram e për transporte sikur të ishin kompani të mëdha të transporteve ndërkombëtare! Nuk e di kush mund të jetë zgjidhja, por jam i bindur se janë më së shumti fenomene social, që duke qenë në tranzicion ishin të pashmangshme edhe për shoqërinë tonë duke mbetur thjeshtë si çështje kohe para se të vinin edhe mes nesh!
Lajme të tjera
-
Rama ndoshta është si Hiroito!
1 Nëntor, 18:59
-
Alban Daci: Dy realitete të së njëjtës medalje!
31 Tetor, 19:23
-
Alban Daci: 'Mani Pulite' në Itali! Pak kronologji
30 Tetor, 10:44
-
Alban Daci: Protestë mbarë qytetare pro SPAK!
29 Tetor, 20:43
-
Alban Daci: Pse ka dështuar kjo klasë politike?
24 Tetor, 12:10
-
Alban Daci: Zgjedhjet në Moldavi një model edhe për Shqipërinë
21 Tetor, 17:34
-
Alban Daci: Ku jetojnë këta deputetët tanë?
17 Tetor, 18:56
-
Hapen negociatat për grup kapitullin e parë, Alban Daci: Sot ndër datat më të rëndësishme për shqiptarët! Anëtarësimi në BE brenda 2030, i mundur
15 Tetor, 20:05 -
Alban Daci: Politika dhe SPAK!
8 Tetor, 15:43
-
Alban Daci: Këta janë të gjithë njësoj, modeli krahasues është dështimi për të bërë diferencën!
3 Tetor, 14:14
-
Qytetari shqiptar ka një detyrë shumë të rëndësishme në zgjedhjen që po vijnë!
30 Shtator, 19:53
-
Lulzim Basha dhe modeli i krizës në politikën shqiptare!
30 Shtator, 15:39
