Naftëtarët e Ballshit vendosën që këtë të hënë të hyjnë në grevë urie për shkak se nuk kanë pasur një përgjigje nga kompania për rifillimin e punës si dhe për pagat e prapambetura.
Fillimisht ata u mblodhën përpara uzinës në formën e protestës ndërkohë që ishin në pritje të një përgjigje.
10 persona janë futur në një ambient pranë uzinës. Kjo është greva e dytë që naftëtarët zhvillojnë.
Me konsensus, naftëtarët kanë vendosur që në grevë të hyjnë vetëm meshkuj, ndërkohë që dhe disa prej grave të cilat ishin mbledhur përpara uzinës, kërkonin të futen në grevë.
Kreu i sindikatës së naftëtarëve të pavarur, Sokol Dautaj u shpreh për kamerat se kjo është mënyra e vetme pasi sipas tij ka pasur një indiferencë nga institucionet shtetërore.
"Ne jemi përpjekur me të gjitha mënyrat, greva e parë e urisë, protesta të vazhduezhme përpara rafinerisë, bashkisë e prefekturës. Ditët e fundit shkuam dhe në kryeministri. Indiferenca e këtyre është tallëse dhe fyese. Ne kemi dhënë dy opsionet tona, të fillojë puna me njerëzit e duhur në mënyrë që pas 6 muajsh mos dalim sërish në rrugë. Opsioni i dytë është që të mbyllet rafineria dhe të na jepen paratë prapa. Greva e urisë nuk është politike, është vetëm ekonomike. Këta janë tallur rëndë me ne. Ne madje nënshkruam dhe kontratat përpara dy javësh dhe ajo ishte tallja më e madhe" - tha Dautaj.
Naftëtarët e Ballshit vijojnë grevën e tyre të urisë, pasi nuk morën asnjë zgjidhje nga kompania dhe institucionet përgjegjëse.
Pas protestave të herë pas hershme duket se kërkesat e tyre shkuan në vesh të shurdhët dhe hapi i tyre i radhës ishte nisja e grevës së urisë.
Në videot e siguruara nga Report Tv, naftëtarët të rraskapitur janë shtrirë në ambientet e përshtatura për të kaluar natën.
Që prej mëngjesit ata janë të pa ngrënë dhe pafuqia duket edhe në fytyrat e tyre. Pavarësisht nisjes së grevës, deri në këto momente nuk ka reaguar asnjë institucion për t'u dhënë një zgjidhje këtyre punëtorëve që kanë 1 vit pa marrë rrogat e tyre.
Ata kanë paralajmëruar se do të qëndrojnë në grevë derisa shteti t'u japë një zgjidhje.
Një prej naftëtarëve u shpreh për Report Tv se kanë vendosur të futen në grevë urie me konsensus dhe se gratë nuk pranohen. Aktualisht janë 10 naftëtarë që janë strehuar në një godinë pranë uzinës dhe që kërkojnë ndihmën e shtetit për situatën e tyre.
"Në radhë të parë jemi futur në grevë urie për shkak të pagave të prapambetura. Shteti nuk po lëviz fare. Ne po vijmë për ushqimin e fëmijëve. Kemi 15 muaj pa rroga. Ne po vuajmë për bukën e gojës. Aktualisht në grevë urie jemi futur 10 persona. Të vijë shteti të na japë rrugëzgjidhje. Ne morëm një vendim së bashku që gratë të mos futen në grevë urie. Të vdesi naftëtari për bukën e gojës nuk ka ku të shkojë më keq. Ne nuk dalim që këtej pa marrë zgjidhje" - tha një prej naftëtarëve.
Ndërsa kreu i sindikatës së naftëtarëve, Sokol Dautaj u shpreh se mosfunksionimi i rafinerisë vendos në vështirësi të gjithë Mallakastrën.
"Unë jam i zhgënjyer. U detyruam të marrim këtë akt ekstrem. Palët duhet të marrin vendime sa më parë në ndihmën tonë. Mos funksionimi i rafinerisë së Ballshit vendos në vështirësi të gjithë Mallakastrën. Statusi që ata miratuan nuk u fut i plotë. Protestat tona kanë qenë pafund. Në Tiranë ne donim një zgjidhje, nuk morëm përgjigje ndaj dolëm sërish në protestë e tashmë jemi në grevë" tha Dautaj.
Kreu i sindikatës së naftëtarëve të pavarur, Sokol Dautaj u shpreh për kamerat se kjo është mënyra e vetme pasi sipas tij ka pasur një indiferencë nga institucionet shtetërore.
Ai thotë se indiferenca e tyre është tallëse.
"Ne jemi përpjekur me të gjitha mënyrat, greva e parë e urisë, protesta të vazhduezhme përpara rafinerisë, bashkisë e prefekturës. Ditët e fundit shkuam dhe në kryeministri. Indiferenca e këtyre është tallëse dhe fyese. Ne kemi dhënë dy opsionet tona, të fillojë puna me njerëzit e duhur në mënyrë që pas 6 muajsh mos dalim sërish në rrugë. Opsioni i dytë është që të mbyllet rafineria dhe të na jepen paratë prapa. Greva e urisë nuk është politike, është vetëm ekonomike. Këta janë tallur rëndë me ne. Ne madje nënshkruam dhe kontratat përpara dy javësh dhe ajo ishte tallja më e madhe" - tha Dautaj.
Naftëtarët e Ballshit vendosën të futen në grevë urie. 10 persona kanë hyrë brenda një ambienti pranë uzinës. Kjo është greva e dytë që kanë zhvilluar protestuesit.
Komente
Lajme të tjera
-
Zyrtare/ Emmanuel Egbo largohet nga Bylis, ballshiotët emërojnë në stol Nevil Deden
25 Shtator, 13:11 -
Ballsh/ Përfshihet nga flakët magazinë pranë ish-uzinës së përpunimit të naftës
18 Gusht, 20:09
-
Zyrtare/ Shpalli Tiranën kampione, Emmanuel Egbo rikthehet si trajner në Superligë
3 Korrik, 18:32 -
Ballsh/ Shpërthen një depozitë me mbetje nafte bruto
1 Mars, 17:25 -
Aksident në aksin Fier-Ballsh, përplasen dy makina, njëra përfundon në kanal! Plagoset babai me vajzën 12 vjeçe (VIDEO)
13 Shkurt, 09:42 -
Edhe vdekja di të jetë e bukur!
17 Shtator 2023, 10:07
-
E rëndë në Ballsh/ Pranë varrit të bashkëshortes, mësuesi i jep fund jetës me medikamente
16 Shtator 2023, 20:16 -
Naftëtarët e Gorishtës në protestë kundër Albetrol! Pezullohet puna, 300 punëtorë kërkojnë rritjen e pagave
24 Korrik 2023, 16:28
-
Sherr në Ballsh, 24-vjeçari goditet me gërshërë, arrestohet autori
17 Korrik 2023, 22:10 -
ZYRTARE/ Eksod në Ballsh, Bylis largon 13 futbollistët kryesor të ekipit
31 Maj 2023, 17:49 -
Banorët në Ballsh kërkojnë rijetësimin e ish-stacionit stacionit hekurudhor: Dikur gëlonte puna, sot kanë mbetur vetëm disa vagonë të amortizuar
26 Shkurt 2023, 18:50
-
VIDEO/ Tirana përmbys Laçin në transfertë dhe i bën presion Partizanit, 'Demat' i mposht Vllaznia në kryeqytet! Bylis dhe Kukësi ndajnë pikët
13 Janar 2023, 18:10
Eshte kompani private, nuk jua jep rrogat qeveria o njerez. Ne momentin qe i kerkoni qeverise, kjo behet politike pastaj dhe nuk ka lidhje me hallet tuaja.
Përgjigju