Nano: President?
PS s'ka vdekur akoma

TIRANE- Ish kryetari i Partisë Socialiste i cili vetëm pak ditë më parë vetëshpalli kandidaturën e tij për president, beson se do të gjejë mbështetje në radhët e Partisë Socialiste.

Pyetjes së mediave  nëse ka apo jo njerëz në Partinë Socialiste që e mbështesin në garën për President të ardhshëm, Nano u përgjigj "ju mendoni se Partia Socialiste ka vdekur?.. Nuk besoj se jam në garë për të kaluarën , por me idetë dhe përfaqësuesit që janë të interesuar për shpejtimin e integrimit të Shqipërisë".

I pranishëm në ambasadën çeke, në Tiranë për të zhvilluar homazhe për nder të ish-Presidentit Vaclav Havel, ish- kryeministri ka folur dhe për crregjistrimin e Kastriot Islamit nga PS, duke e cilësuar “ gabim” por ka shtuar se shpreson që PS-ja ta korrigjojë gabimin për të.

Nano i ka dhënë përgjigje edhe në lidhje me padinë e ngritur ndaj tij nga kreu i LDK-së, Nikollë Lesi, i cili pretendon se ka marrë mesazhe kërcënuese nga Nano, për shkak të lobimit të Lesit kundër kandidaturës së tij për president. “Nuk e kam kërcënuar Nikollë Lesin”, ka qenë përgjigja e Nanos.

TAG:
• lobimi