Napoli ka arritur marrëveshje me trajnerin e njohur italian, Massimiliano Allegri. Livornezi vetëm përpara pak ditësh u shkarkua nga Milani, teksa do të ketë mundësi të trajnojë në Champions League.

Pas largimit të Antonio Contes në fund të sezonit, drejtuesit e Napolit kanë lëvizur shpejt për të siguruar pasuesin e tij, duke zgjedhur Allegrin për projektin e ri. Sipas raportimeve të gazetarit të njohur Fabrizio Romano, marrëveshja mes palëve tashmë është e përfunduar dhe trajneri italian ka pranuar të gjitha kushtet e ofruara nga Napoli.

“E kryer, Massimiliano Allegri është trajneri i ri i Napolit. Ish-trajneri i Milanit ka pranuar të gjitha kushtet e ofruara nga Napoli dhe do të nënshkruajë së shpejti”, raportoi Romano.

Allegri rikthehet kështu menjëherë në pankinë, pasi u largua nga Milani në fund të sezonit pas dështimit për të siguruar një vend në Champions League.

Me Allegrin në stol Napoli synon të vazhdojë konkurrencën në elitën e futbollit italian dhe evropian, ndërsa kapiteni i Kosovës, Amir Rrahmani, pritet të mbetet një nga shtyllat kryesore të repartit të mbrojtjes edhe nën drejtimin e trajnerit të ri.

Në anën tjetër, Antonio Conte raportohet se është pranë një aventure të re me Kombëtaren e Italisë. Mediat italiane bëjnë të ditur se ai po pret kontaktin zyrtar nga Federata Italiane për të marrë drejtimin e “të kaltërve”.

Rendit zhvillimet sipas orarit:
Ora 14:12
Allegri - Napoli, kthim në të shkuarën! Në vitin 1998 u rrëzua nga Serie A si futbollist

1780056785_massimilianoallegri.JPG

Për Massimiliano Allegrin, ky do të jetë një rikthim te Napoli. Aventurën e parë nën hijen e Vezuvit ai e pati si lojtar në sezonin 1997-98, kur zhvilloi shtatë ndeshje. Allegri mbërriti në dhjetor nga Padova, me Napolin në vendin e fundit të renditjes dhe tashmë të dënuar për rënie nga kategoria.

Të kaltërit e mbyllën kampionatin me vetëm 14 pikë dhe vetëm dy fitore, duke rënë në Serie B. Për mesfushorin e atëhershëm, ai ishte sezoni i fundit në Serie A (ndeshja e fundit ishte humbja 5-0 ndaj Empolit më 8 shkurt 1998).

Pas Napolit, ai kaloi te Pescara në Serie B, përpara se ta mbyllte karrierën me Pistoiese dhe Aglianese.

Allegri do të jetë kështu ish-lojtari i parë i Napolit që do të drejtojë ekipin në epokën De Laurentiis.

S.Dh/Shqiptarja.com