POP 5

Lajmet më të lexuara të 5 minutave të fundit

Sport

Napoli ul pretedimet në 15 milionë euro, Hysaj pranë Altetico Madrid

Napoli ul pretendimet ekonomike për Elseid Hysaj dhe Atletico Madrid është gati të afrojë në skuadër futbollistin shqiptar. Mediat spanjolle bëjnë me dije se nga 25 mln euro që Napoli kërkonte fillimisht për 25 vjeçarin është gati ta lërë të lirë për 15 mln euro dhe skuadra spanjolle do ta paguajë këtë shifër. Vendimtare për negociatat do jetë java e ardhshme.

Napoli ul pretedimet në 15 milionë euro, Hysaj pranë Altetico Madrid

Elseid Hysaj do Atletico Madrid dhe klubi madrilen duket se e ka seriozisht për të afruar mbrojtësin e djathtë shqiptar. Telenovela Hysaj-Atletico Madrid vijon dhe tashmë jemi në një kapitull të ri që mund të jetë i fundit.

Napoli ka ulur pretendimet ekonomike për shqiptarin dhe ky është një rast i mirë për skuadrën e Diego Simeones për të afruar një mbrojtës loë cost. Atletico ka një muaj që është interesuar për Hysaj por pretendimet e Napolit ishin të larta fillimisht deri në 25 mln euro.

Tashmë prestigjozja spanjolle As bën me dije se Napoli i ka ulur pretendimet financiare për Hysjan deri në 15 mln euro plus bonuset dhe kjo ka bërë që klubi spanjoll të kishte kontakte gjatë ditëve të fundit dhe mësohet se javën e ardhshme do të ketë disa takime të drejtuesve të Atleticos me menaxherin e futbollistit të Kombëtares.

Hysaj edhe pse i është bashkuar Napolit në grumbullim nuk do të qëndrojë tek të kaltërit. Fillimisht ai u lidh me një kalim tek Juvja e Sarrit por kjo nuk ndodhi. Zbulohet se ka pasur edhe një ofertë nga gjermanët e Schalke 04 por nuk e ka bindur 25 vjeçarin që dëshiron të vihet nën urdhrat e Simeones. Java e ardhshme do të jetë vendimtare për të ardhmen e mbrojtësit të djathtë. Napoli e lë të lirë për 15 mln euro dhe Atletico është e gatshme ta paguajë këtë shifër për futbollistin shqiptar. /Përgatiti Andi Kapxhiu

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08