POP 5

Lajmet më të lexuara të 5 minutave të fundit

Bota

NASA teknologji për gjetjen e të mbijetuarve nën rrënoja! ‘Spinoff’ u dërgua në Turqi e Siri për njerëzit e bllokuar! Aparatura zbulon rrahjet e zemrës nën rrënoja

Pjesa me e vështirë në katastrofa është gjetja e të mbijetuarve, jeta e të cilëve vihet në pikëpyetje nga momenti në moment. NASA njoftoi se pas tërmeteve shkatërruese, dërgoi në Turqi dhe Siri një aparaturë që zbulon njerëzit akoma gjallë nën rrënoja

Një teknologji e projektuar nga NASA u aplikua pas tërmeteve shkatërruese në Turqi dhe Siri për të ndihmuar lokalizimin e të bllokuarve nën rrënoja.

Agjencia hapësinore tha se grupeve të shpëtimit në Turqi iu dërgua një teknologji e ashtuquajtur ”spinoff” e NASA-s që mund të zbulojë njerëzit e bllokuar nën rrënoja.

Prototipat e njësive, u ndërtuan fillimisht nga Laboratori Jet Propulsion i NASA-s në bashkëpunim me Departamentin e Sigurisë Kombëtare të SHBA-së përpara se t’i licensonin ato në SpecOps.

Njësitë punojnë duke përdorur një radar me mikrovalë për të zbuluar lëvizjet e vogla të trupit të shkaktuara nga procese të tilla si rrahjet e zemrës ose frymëmarrja.

“Trupi juaj lëviz një milimetër kur zemra juaj rreh. Për shkak se vetë rrënojat nuk lëvizin, ne mund t’i ndajmë ato lëvizje nga njëra-tjetra”, tha Jim Lux, i cili ishte menaxher i detyrave në prototipat FINDER.

“Pastaj, ne shikojmë të shohim nëse lëvizja tregon rrahje zemre dhe frymëmarrje”, theksoi ai.

NASA tha se po punonte gjithashtu për të ndarë pamjet e saj ajrore dhe të dhënat nga hapësira për të mbështetur punonjësit e ndihmës. Kërkimi për të mbijetuar vazhdoi pas dy tërmeteve të fuqishëm që goditën rajonin kufitar turko-sirian me disa orë larg një jave më parë, pavarësisht shpresave në pakësim e sipër.

Tërmeti i parë regjistroi një magnitudë prej 7,7 ballë më 6 shkurt dhe i dyti, më vonë po atë ditë, regjistroi një magnitudë prej 7,6 ballë Rihter.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tensionet në Kosovë, si e vlerësoni qëndrimin e ndërkombëtarëve?

Lajme të tjera



×

Lajmi i fundit

VIDEO/ Budapesti flet spanjisht, Sevilla fiton Europa League! 120 minuta, 2 gola dhe 7 penallti në finalen kundër Romës

VIDEO/ Budapesti flet spanjisht, Sevilla fiton Europa League! 120 minuta, 2 gola dhe 7 penallti në finalen kundër Romës

31 Maj, 23:59