Sunny Hill, mbrëmja e parë e festivali ndërkombëtar në Tiranë! Pas Prishtinës, Sunny Hill mbërriti për herë të parë në Tiranë. Yjet vendas e ndërkombëtarë të muzikës lajmëruan dje ardhjen në Shqipëri përmes rrjeteve sociale. Ndër të parët ishte artistja Dafina Zeqiri që postoi një video me të dashurin e saj dixhej Geek, duke evidentuar destinacionin: Në Tiranë!
“Sapo kemi mbërritur në Tiranë, në Shqipëri. Jemi bashkë me Tananain, dhe ju presim në Sunny Hill sot”, lajmëroi Fedez në një video të postuar në Instagramin e tij ku ndiqet nga 14,3 milionë dashamirës të tij.
Organizatori Dukagjin Lipa nuk e fsheh entuziazmin që shikon të rinjtë e Shqipërisë e Kosovës, që bashkohen në një ngjarje të tillë të muzikës. Premtimit të tij se këto net do të jenë fantastike iu bashkua edhe kreu i bashkisë Erion Veliaj…
I menduar për tri netë radhazi me pjesëmarrjen e 40 artistëve të ftuar nga këngëtarja Dua Lipa, Sunny Hill Festival, nisi të gjallërojë atmosferën pranë Liqenit të Tiranës. ditën e premte që prej orës 15.00 pas mesdite, me të rinj që vinin jo vetëm nga trojet shqiptare por edhe jashtë saj.
Dikush zgjodhi të hyjë përmes Portës Lindore e të tjerë në atë Perëndimore. Për t’u argëtuar krahas performancave që priteshin në skenë, ofroheshin një sërë lojërash të improvizuara edhe me zonën dedikuar fëmijëve, me lojra digjitale por edhe tradicionale.
Një aplikacion i thjeshtë lejonte konsumin e pijeve e ushqimeve , përmes kodit të marrë bashke me biletën, organizatorët ishin kujdesur të reklamonin edhe disa nga produktet e trojeve shqiptare.
Pa mbërritur ora 20.00, publiku iu bashkua ritmeve të hiteve të artistëve shqiptarë si Dafina Zeqiri, Dren Abazi, Capital T, Art Lokaj dhe Art Halilli. Një festë muzikore që solli personazhe të njohur nga skenat ndërkombëtare. Kështu afroi reperin e moderatorin amerikan Action Bronson, në vendin e tij të origjinës. Kantautorë e këngëtarë, nga Italia fqinje iu bashkuan festivalit artistët Tananai e Fedez, bashkëshorti blogeres së njohur Chiara Ferragni, të cilët interpretuan ‘kuajt e tij tyre të betejës’ në skenën e improvizuar.
Krahas performancës së Sancet, CryJaxx nga Tirana, improvizuan një gamë të larmishme zhanresh nga hip hop, dance pop etj., duke përfshirë në një valë kërcimi e entuziazmi të rinjtë ditës së parë të Sunny Hill. Nata e parë e Festivalit, duke ruajtur atmosferën e gjallëruar deri në fund, uli siparin rreth orës 4.00 të mëngjesit.
Ndërsa mbrëmjen e sotme, fjala kryesore u takon kryesisht artistëve ndërkombëtar, por nuk do të mungojnë as tingujt e përzgjedhur të muzikës vendase. Fjalën në performancat artistike të natës së dytë të Sunny Hill e marrin, Hardwell, Afrojack, Regard, Merk&Kremont, Drop G, Kamela, Ampov dhe Vin Veli.
Sunny Hill është Festivali më i madh që mbahet në Kosovë prej vitit 2018. I organizuar nga Dua Lipa dhe babai i saj, me qëllim humanitar, promovimin e Kosovës, artistëve shqiptarë, dhe afrimin e të huajve me artin, por edhe turizmin në vendin tonë.
Kjo hapësirë e Parkut të Liqenit, në Kryeqytetin Evropian të Rinisë, po mendohet të kthehet nga Bashkia Tiranë në një skenë të qëndrueshme, ku të organizohen aktivitete të ngjashme.
Komente
Lajme të tjera
-
Pas përfundimit të festivalit Sunny Hill, reagon Dua Lipa
29 Korrik, 15:57 -
Nis festivali ndërkombëtar i muzikës ‘Sunny Hill’ në Kosovë! Bebe Rexha këndon me tupana, e pranishme edhe Dua Lipa
26 Korrik, 18:39 -
Pse nuk performoi Dua në ‘Sunny Hill Festival’ në Tiranë?! Ja si përgjigjet Dukagjin Lipa
10 Shtator 2022, 15:22 -
Frrok Çupi: Drapri i antikomunistëve leninistë në Tiranë, që vranë e vodhën për 3 muaj më shumë se komunistët për 40 vjet
31 Gusht 2022, 09:27
-
Ylli që trazoi rrjetin dhe opozitën
30 Gusht 2022, 11:10
-
Flamuri me yllin komunist në 'Sunny Hill'! Opozita: Kërkoni ndjesë! Veliaj: Kënga, satirë ndaj regjimit! Luftoni me të njëjtin zell sekretarin e PPSH në krye të PD
29 Gusht 2022, 11:11 -
Mbyllet ‘Sunny Hill Festival’ pa Dua Lipën, Rama njofton surprizën e radhës: Ja kur do të performojë ylli botëror në Tiranë
29 Gusht 2022, 09:07 -
Semi Jaupaj pranë këngëtarit italian: Ne jemi të martuar por ky akoma nuk e di
29 Gusht 2022, 07:30 -
Sonte nata e fundit e ‘Sunny Hill’, reperi i famshëm britanik Stormzy dhe gjithë artistët e tjerë që do performojnë në festival
28 Gusht 2022, 13:48 -
Revista amerikane shkruan për ‘Sunny Hill’ në Prishtinë: Dua Lipa ylli botëror që frymëzon të rinjtë, festivali thirrje për liberalizmin e vizave të Kosovës
28 Gusht 2022, 11:20 -
DJ-të me famë botëror 'ndezin' skenën e Sunny Hill në natën e dytë, FOTO nga festivali
27 Gusht 2022, 22:35 -
FOTO nga Sunny Hill, të rinjtë shijojnë festivalin ndërkombëtar të muzikës në Tiranë
27 Gusht 2022, 19:02
Civilizim kulturë emancipim liri modernizim europianizim perëndimor modë e kohës.Përgëzime Erion velias.Tirana qyteti i ëndrave dhe i të ardhmes europiane.
PërgjigjuMe vjen mire qe edhe te rinjtë shqiptar kan mundsi me shiju keto shfaqje si koleget e tyre europian
Përgjigju