Ndërron jetë në moshën 77-vjeçare ish-futbollisti italian i viteve ’60-70, Angelo Pereni. Ish-futbollisti ka punuar edhe si ndihmës i Gianni De Biasit në kombëtaren e Shqipërisë, në vitet 2011-2014. Ka qenë De Biasi ai që ka ndarë lajmin e hidhur duke i dedikuar edhe një postim të ndjerë në rrjetet sociale.
“Lamtumirë Angelo, bashkëpunëtori im në orët e para te kombëtarja shqiptare. U largove në heshtje, ashtu siç ishe mësuar në jetë. Ke qenë gjithmonë një mjeshtër në futboll dhe në jetë. I respektueshëm me të gjithë dhe plot delikatesë në mënyrën e të mësuarit të futbollit. Preferove të qëndroje në shtëpi pas dy viteve që kaluam së bashku te Shqipëria. Nuk dëshirojë më të udhëtoje dhe doja të qëndrojë afër njerëzve të tu të dashur. Ju shpreh familjarëve të tu ngushëllimet e mia më të thella. U prehsh në paqe“, shkruan Gianni De Biasi.
Një njeri fantastik që i donte njerëzit, lojën dhe futbollistët. Kështu e kujton ish-zëvendëstrajnerin e Kombëtares shqiptare gjatë viteve 2011-2014, presidenti i FSHF-së Armand Duka. Me fjalë të ndjera në një postim në rrjetet sociale, Duka vlerëson jo vetëm pikëpamjet e Perenit si njeri, por edhe si profesionist që me urtësi dhe me përgatitje ishte model i mirë edukimi për të rinjtë që ishin pjesë e futbollit në kohën kur punuan me teknikun italian përkrah Gianni De Biasit.
Postimi i plotë i Dukës:
Me trishtim të thellë mora lajmin e ndarjes nga jeta të Angelo Perenit, ish-zëvendëstrajner i Kombëtares shqiptare gjatë viteve 2011-2014 kur kjo skuadër drejtohej nga Gianni De Biasi.
Angelo ishte si vetë emri që mbajti, ishte njeri vërtetë i mençur. Bota e futbollit ka humbur shumë. Angelo e donte lojën, por mbi të gjitha i donte shumë futbollistët. Një njeri fantastik. Kanë mbetur shumë pak “të urtë” në botën e futbollit si Angelo.
Ishte një nder për ne të kishim në stafin teknik një njeri me kaq eksperiencë të gjatë në futboll dhe tejet të përgatitur.
Dua t’i shpreh ngushëllimet më të sinqerta familjes së tij, të afërmve dhe miqve të tij për këtë humbje të madhe. U prehtë në paqe!
Lajme të tjera
-
'Natën e parë në Tiranë vendosa karrigen prapa derës së dhomës', rrëfimi i De Biasit për Shqipërinë
7 Janar, 18:39 -
De Biasi me tjetër teori për shortin e Kombëtares: Shqipëria surpriza e madhe e Euro 2024
6 Dhjetor 2023, 22:15 -
Kosova largoi trajnerin, De Biasi si i papunë: Po kërkoj një tjetër ekip kombëtar, jam në bisedime
22 Nëntor 2023, 17:43 -
Pas 3 vitesh, De Biasi largohet nga skuadra e Azerbajxhanit, nuk pret as përfundimin e kontratës
22 Nëntor 2023, 09:25 -
Na dërgoi në 'Francë 2016', De Biasi s'i harron kuqezinjtë: Shqipëria kualifikohet në Europian si e para në grup
21 Mars 2023, 13:11 -
VIDEO/ Tirana Qyteti Evropian i Sportit, Gianni De Biasi: Një lajm i mrekullueshëm që i jep mundësi të gjithëve për të bërë sport
15 Shkurt 2023, 11:28 -
Pasuesi i Rejës te Kombëtarja? Federata e Azerbajxhanit merr vendimin për De Biasin
4 Tetor 2022, 16:49 -
Eliminimi i Italisë, De Biasi mbron Mancinin: Është mirë të shkosh në dasma, por a është keq të shkosh të varrime?
2 Prill 2022, 13:49 -
‘Lojtarët e Shqipërisë i përzgjidhja nga interneti’, De Biazi: Ndeshja me Serbinë më e vështira në karrierë
26 Mars 2022, 15:54 -
De Biasi-t e nis me humbje aventurën te Azerbajxhani, Luksenburgu e mposht me përmbysje (VIDEO)
6 Shtator 2020, 09:53 -
Gianni de Biasi zyrtarisht trajner i Azerbajxhanit: Sfidë e re e madhe
30 Korrik 2020, 17:03 -
Do drejtojë Azerbajxhanin, Meta uron De Biasi-n: Ne nuk e harrojmë kurrë Ganiun tonë të dashur
13 Korrik 2020, 16:39
