TIRANË- COVID- 19 merr një tjetër jetë nga bluzat e bardha. Mjeku Hysni Shkjau ka humbur betejën me koronavirusin, pas disa ditësh "luftë" në spitalin Infektiv ku ishte i shtruar. 69-vjeçari, me 40 vite eksperiencë si mjek, pati vështirësi në frymëmarrje dhe sipas ministrisë së shëndetësisë vuante dhe nga sëmundje të tjera shoqëruese. Report Tv mëson se Shkjau u infektua nga kolegia e tij, e cila kishte ardhur në Tiranë në QSUT për të bërë një konsultë, por që u infektua.
Shkjau ishte specialist pneumolog, por pasi doli në pension punonte si mjek familje. Së fundmi, ai punonte në qendrën shëndetësore Qafë-Mali në Bashkinë Fushë-Arrëz të Pukës dhe ishte në krye të detyrës, deri ditën që u infektua nga COVID-19.
"Ministria e Shëndetësisë njofton me hidhërim të thellë ndarjen nga jeta këtë mëngjes të dr. Hysni Shkjaut, i cili nuk e fitoi dot betejën me virusin e rrezikshëm, megjithë përpjekjet e jashtëzakonshme të stafit të infektivit për kolegun e tyre.
Dr. Hysni Shkjau, 69-vjeçar, me 40 vite eksperiencë, nuk e kishte ndërprerë punën dhe vijonte të shërbente si mjek familje në qendrën shëndetësore Qafë-Mali në Bashkinë Fushë-Arrëz të Pukës. Luftonte prej disa ditësh me COVID19 në spitalin infektiv dhe gjendja e tij u rëndua si pasojë e vështirësisë në frymëmarrje dhe disa sëmundjeve bashkëshoqëruese. Ministria e Shëndetësisë i shpreh ngushëllime famljarëve, miqve dhe kolegëve. Është një humbje e madhe për sistemin shëndetësor, humbja e një mjeku që i ka shërbyer me përkushtim e profesionalizëm për 40 vite komunitetit të tij", njofton Ministria e Shëndetësisë.
Më herët, COVID-i morri një tjetër jetë nga heronjtë me bluzat e bardha. Mjeku i Hematologjisë, Arjan Pushi, i cili ndërroi jetë në spitalin infektiv pavarësisht përpjekjeve të personelit mjekësor për ta mbajtur në jetë. Pushi nuk vuante nga një sëmundje tjetër bashkëshoqëruese.
Kreu i Partisë Demokratike, Lulzim Basha ka shprehur ngushëllimet e tij për ndarjen nga jeta të mjekut Hysni Shkjau për shkak të covid-19 në moshën 69-vjeçare. Basha shprehet se për 40 vite mjeku Shkjau dha kontributin dhe jetën e tij në mbrojtje të qytetarëve dhe se ai gjithmonë do të kujtohet dhe ndërohet për veprën e tij.
"Ndarja nga jeta e dr. Hysni Shkjaut është një dhimbje e madhe për familjen dhe miqtë e tij dhe një humbje e pazëvendësueshme për qytetarët e Pukës, të cilëve ai u shërbeu me përkushtim për 40 vite. E sotmja është një ditë zie për personelin shëndetësor në vend, që mes përballjes të vështirë me pasojat e COVID-19, humbi sot dhe një mjek që jetën dhe profesionin e vuri në mbrojtje të qytetarëve. Ngushëllimet e mia shkojnë sot për familjen e dr. Hysni Shkjaut, mjekut të madh të Pukës që do ta nderojë dhe kujtojë përherë veprën e tij. U prehtë në paqe", shkruan Basha.
Report TV ka mësuar detaje të reja nga vdekja e mjekut të dytë me COVID-19, Hysni Shkjau. Mësohet se Shkjau u infektua nga infermierja e qendrës shëndetësore ku punonte në Pukë, e cila më herët kishte shkuar në QSUT për një konsultë, por që u infektuar. Shkjau kishte qenë specialist pneumolog, por pasi kishte dalë në pension punonte mjek familjeje në Pukë. Ai ishte në detyrë deri ditën që u infektua nga COVID-i.
Për Presidentin, Ilir Meta rritja e rasteve me COVID dhe numrit të viktimave tregon se duhet një strategji e re për të përballuar situatën. Teksa shprehu ngushëllime për vdekjen e mjekut Hysni Shkjau, kreu i shtetit tha se çdo neglizhencë e mëtejshme është jo vetëm e papranueshme, por edhe me kosto tepër të rënda për shëndetin dhe ekonominë.
Meta përsëriti thirrjen për rëndësinë e rritjes së masave mbrojtëse për të gjithë mjekët, infermierët, sanitarët dhe personelin mbështetës, ndërsa kërkoi forcim të bashkëpunimit midis autoriteteve qendrore dhe vendore.
"Ndarja nga jeta këtë mëngjes e Dr.Hysni Shkjaut, i cili për 40 vite u shërbeu me përkushtim dhe profesionalizëm qytetarëve të Pukës, është një tjetër humbje e madhe për sistemin tonë shëndetësor. Ngushëllimet më të sinqerta familjes së Dr.Shkjaut, kolegëve dhe mbarë komunitetit pukian!
Ritmet shqetësuese të shtimit të rasteve të qytetarëve të prekur nga COVID-19 dhe të numrit të viktimave, tregojnë se nevojitet urgjentisht një strategji e re, më efikase dhe transparente, për përballimin e pasojave të rënda të kësaj pandemie të rrezikshme, veçanërisht me afrimin e pikut të sezonit turistik. Çdo neglizhencë e mëtejshme është jo vetëm e papranueshme, por edhe me kosto tepër të rënda për shëndetin dhe ekonominë.
Ndaj përsëris thirrjen e fortë për rëndësinë e rritjes së masave mbrojtëse për të gjithë mjekët, infermierët, sanitarët dhe personelin mbështetës, të cilët janë në vijën e parë të frontit, duke sakrifikuar, deri edhe me jetën e tyre, në mbrojtje të shëndetit të çdo qytetari. Është tepër i domosdoshëm forcimi i mëtejshëm i bashkëpunimit midis autoriteteve qendrore dhe vendore, me qëllim izolimin e përhapjes së mëtejshme të këtyre rasteve dhe ndërgjegjësimin e qytetarëve për respektimin e të gjitha udhëzimeve të bëra publike", shkruan Meta në Facebook.
Ky është mjeku Hysni Shkjau, i cili nuk arriti që të fitonte betejën me COVID-19. Prej 40 vitesh, ai punonte si mjek familjeje, dhe së fundmi ishte në krye të detyrës në qendrën shëndetësore Qafë-Mali në Bashkinë Fushë-Arrëz të Pukës dhe ishte në krye të detyrës, deri ditën që u infektua nga COVID-19. Një humbje të madhe për sistemin shëndetësor, e quajnë kolegët e tij në Pukë, teksa i shprehin ngushëllime familjarëve.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
Ngushellime familjes dhe te afermve.
PërgjigjuNgushellime. Vdekje ka pasur dhe do te kete gjithmon me apo pa corona. Shkruani dhe oren dhe vendin e varrimit se dhe ajo ka ngelur. Tung
Përgjigju