POP 5

Lajmet më të lexuara të 5 minutave të fundit

Sport

Ndeshja e sezonit, Flamurtari-Apolonia përballen në ‘play-off’! Trajneri i vlonjatëve: Kam frikë arbitrin, historia flet për ne

Të mërkurën luhet finalja e ‘play-off’ së kategorisë së parë mes Flamurtarit dhe Apolonisë, teksa në kampin vlonjat i tremben arbitrit në këtë përballje.

Ndeshja e sezonit, Flamurtari-Apolonia përballen në ‘play-off’! Trajneri i vlonjatëve: Kam frikë arbitrin, historia flet për ne

Trajneri i Flamurtarit Eqerem Memushi

Flamurtari që eliminoi Korabin, të mërkurën në orën 16:00, do luajë ndeshjen më të rëndësishme të sezonit deri më tani, teksa do përballet me Apoloninë në finalen e ‘play-of’.

“Takimi që do justifikojë të gjithë investimin e klubit dhe të presidentit,”-u shpreh Eqerem Memushi, trajner i Flamurtarit.

Sfida mes vlonjatëve dhe fierakëve, të cilët më herët eliminuan Vorën, do luhet në stadiumin ‘Elbasan Arena’.

“Do luajnë dy skuadra që thuajse janë derbi me Apoloninë. Do flasë edhe historia sepse ne kemi qenë pothuajse gjithmonë dominant me Apoloninë. Qoftë në Kategorinë e Parë, por edhe në Superiore që quhej atëhere. Flamurtari i ka shumë pozitive bilancet kundër Apolonisë,”-tha Eqerem Memushi, trajner i Flamurtarit.

Këtë sezon Flamurtari pretendon se është dëmtuar jashtëzakonisht shumë nga arbitrat dhe kundër Apolonisë trajneri Memushi i trembet përsëritjes së situatës.

“Gjithmonë … gjithmonë. Mbase në një ndeshje të tillë mos arrijnë ta bëjnë një gjë të tillë. Ta fitojë ai që i takon këtë ndeshje,”-deklaroi Eqerem Memushi, trajner i Flamurtarit.

Fituesi i këtij çifti do përballet me Laçin, që e mbylli në vendin e 8 Superligën për të përcaktuar përfundimisht skuadrën që do marrë pjesë në elitën e futbollit shqiptar për sezonin e ardhshëm.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce