Deputeti i PS, Pjerin Ndreu ngre dyshime se pas grabitjeve të fundit të vlerave monetare mund të jetë dikush që bashkëpunon me grupin e grabitësve nga Banka apo shoqëria përgjegjëse për transportin.
 
Sipas tij, nuk ka sipërmarrje kriminale të këtij lloji pa "sukses" të garantuar.
 
"Duhet investiguar dhe duhet gjetur burimi i rrjedhjes se informacionit, mbi vjedhjen e sasise se vlerave monetare qe po transportoheshin per ne Rinas.
 
Banka apo shoqeria pergjegjese per transportin, mund te kene dike qe bashkepunon me grupin e grabitesve.
 
Nuk ka sipermarrje kriminale te ketij lloji, ne ate vend me dendesi levizjeje te madhe, e me shkalle te larte rreziku, pa "sukses" te garantuar, per vjedhjen sasise se parave qe ndodheshin ne makine" shprehet ai.
 
Sot 4 grabitës arritën që të marrin 2 mln euro të një banke të nivelit të dytë që po transportoheshin drejt Rinasit.



dy.b/shqiptarja.com