Problemi i ndryshimeve klimatike, pavarësisht se duket se është kthyer një temë monotone, ajo sa vjen e bëhet edhe më serioze, pasi sipas raporteve po përkeqësohet çdo vit e më shumë.
Së fundmi, ekspertë dhe shkencëtarë të ndryshëm kanë përsëritur thirrjet e tyre për reflektim, përsa i përket ndotjes mjedisore e shkatuar në mënyra të ndryshme.
Të ashtuquajturat “Shenjat Vitale” , të cilat konsiderohen si tregues të gjendjes “shëndetësore” të Tokës, janë në një pikë kritike.
Këto tregues tregojnë krizën klimatike duke përfshirë emetimet e gazeve serrë, temperaturat globale dhe rritjen e nivelit të detit, si dhe përfshijnë gjithashtu numrin e popullsisë së njerëzve dhe kafshëve.
Sipas medias prestigjoze “The Guardian”, një raport i publikuar së fundmi në lidhje me krizën klimatike tregon se 20 nga 35 “shenjat vitale” paraqesin një bilanc tejet negativ, duke paralajmëruar kështu se vitet në vazhdim do të jenë sprovuese për njerëzimin nëse nuk reflektohet në kohë.
Pasojat kanë qënë prezente dhe këtë vit, ku ne kemi parë mot të paqëndrueshëm dhe temperatura tepër të larta.
Sipas disa analizave, temperatura më e lartë e regjistruar ndonjëherë ishte në korrik të këtij viti dhe konsiderohet si më e nxehta që ka përjetuar planeti në 100,000 vjet.
Si ndër fatkeqësitë më prezente në të gjithë botën gjatë verës që lamë pas, shkencëtarët nuk mund të linin pa theksuar zjarret e shumta.
Sipas tyre, vetëm nga zjarret në Kanada janë prodhuar emetime të jashtëzakonshme të dioksidit të karbonit duke arritur në 1 miliard ton CO 2 , e barabartë me të gjithë prodhimin vjetor të Japonisë, e cila është ndotësi i pestë më i madh në botë.
Dr Christopher Ëolf, nga Universiteti Shtetëror i Oregonit (OSU) në SHBA dhe një autor kryesor i raportit, është shprehur se tashmë situate duhet të merret më seriozisht se kurrë.
“Pa veprime që adresojnë problemin rrënjësor të njerëzimit duke marrë më shumë nga Toka sesa mund të japë me siguri, ne jemi në rrugën drejt kolapsit të mundshëm të sistemeve natyrore dhe socio-ekonomike dhe një bote me nxehtësi të padurueshme dhe mungesa të ushqimit dhe ujit. Deri në vitin 2100, rreth 3 miliardë deri në 6 miliardë njerëz mund të gjenden jashtë rajoneve të jetueshme të Tokës, që do të thotë se ata do të përballen me nxehtësi të madhe, disponueshmëri të kufizuar ushqimore dhe nivele të larta të vdekshmërisë.”-është shprehur ai.
Po ashtu, professor Ëilliam Ripple, gjithashtu në OSU, ka deklaruar se nga ky raport u vu re që përpjkjet e njërëzimit për të përmirësuar “shëndetin” e Tokës ishin minimale dhe të papërfillshme.
“Jeta në planetin tonë është qartësisht nën rrethim. Tendencat statistikore tregojnë modele thellësisht alarmante të variablave dhe fatkeqësive të lidhura me klimën. Ne gjetëm gjithashtu pak përparim për të raportuar sa i përket njerëzimit që lufton ndryshimet klimatike. Qëllimi ynë është të komunikojmë faktet klimatike dhe të bëjmë rekomandime për politikat. Është një detyrë morale e shkencëtarëve dhe institucioneve tona të paralajmërojnë njerëzimin për çdo kërcënim të mundshëm ekzistencial dhe të tregojnë lidership në marrjen e veprimeve.”-ka deklaruar ai.
Ky studim i publikuar në revistën Bioscience, është një përditësim i një raporti të vitit 2019 që është miratuar nga 15,000 shkencëtarë.
Komente
Lajme të tjera
-
2024 pritet të jetë viti më i nxehtë në histori
10 Nëntor, 20:12 -
Maqedoni e Veriut/ Guvernatori Gent Sejko paralajmëron: Ndryshime klimatike sfidë serioze për bankat dhe ekonominë
1 Tetor, 20:35
-
Zbulim befasues, Toka do bëhet me Hënë të dytë të përkohshme, Asteroidi që do e orbitojë për 2 muaj! A ka rrezik për përplasje, çfarë thotë NASA??
23 Shtator, 07:40 -
“Veç vullkan nuk kemi pasur!” Në Krujë ndryshimet klimatike shtuan zjarret e përmbytjet
22 Qershor, 15:46
-
Toka goditet nga stuhia diellore! Aurorat ndriçojnë qiellin gjatë stuhisë së rrallë diellore
11 Maj, 10:45 -
Ministria e Jashtme dorëzon në GJND deklaratën mbi ndryshimet klimatike
28 Mars, 14:23 -
Studimi: Ndryshimet klimatike sjellin thatësirën rekord të pyjeve tropikale të Amazonës
25 Janar, 10:45 -
Popullsia e botës u rrit me 75 milionë në 2023, duke arritur në mbi 8 miliardë banorë
29 Dhjetor 2023, 16:35 -
‘Krijimi i hartave të nxehtësisë’, Banka Botërore prezanton nismën në Vlorë, Tiranë dhe Shkodër: Kontribuon në politikat ndaj ndryshimeve klimatike
14 Dhjetor 2023, 15:22 -
Si po e sëmurin botën ndryshimet klimatike
5 Dhjetor 2023, 07:33 -
Raporti i OKB-së: Po rrezikohet e ardhmja e planetit
2 Nëntor 2023, 21:31 -
FMN: Ndryshimet klimatike mund të rrisin rastet e vdekjeve
30 Gusht 2023, 17:47
Shume te verteta ato qe thuhen ne artikull por problemi qendron se kur do reagojme qe te mos jete teper vone
Përgjigju