Ndryshon orari i Superligës, Tirana sërish në 'Air Albania'! Egnatia dhe Partizani luajnë në fushën e tragjedisë (Agjenda)

Superliga shqiptare e futbollit do rikthehet nesër me javën e 13-të. Gjithçka rinis aty ku u ndal, në stadiumin e Rrogozhinës me ndeshjen mes Egnatias dhe Partizanit në orën 13:30. Sfida e programuar për në datën 11 nëntor u luajt vetëm 24 minuta, teksa kapiteni i Egnatias Raphael Dwamena u rrëzua në tokë dhe rrugës për në spital fatkeqësisht humbi jetën. Tanimë futbolli rikthehet aty ku u ndal, në fushën e tragjedisë nga minuta e 24-t.

Gjithashtu të enjte në orën 17:00 luhet Dinamo - Erzeni, ndërsa në 20:00 Tirana me Kukësin përplasen në "Air Albania" duke nisur nga ora 20:00. Pas një kohe të gjatë stadiumi modern hap dyert për klubet e Superligës.

Të premte më 17:00 Superliga ul siparin e javës së 13-të me duelet Vllaznia - Laçi dhe Skënderbeu - Teuta. Egnatia dhe Partizani kryesojnë renditjen me 26 pikë, me "Demat" që kanë një ndeshje më pak. Në fund Teuta dhe Dinamo me 12 pikë.

Superliga - java e 13-të:

E enjte

13:30 Egnatia 1-1 Partizani (Nis nga minuta 24)

17:00 Dinamo - Erzeni

20:00 Tirana - Kukësi

E premte

17:00

Vllaznia - Laçi

Skënderbeu - Teuta

Renditja:

S.Dh/Shqiptarja.com

TAG:
• superliga
• fshf
• dosja partizani