PE të prerë: Zgjedhjet janë të njohura dhe pranuara! Opozita po gabon, s'ka qeveri tranzitore (VIDEO)

Sa i përket ndryshimit të Kodit Zgjedhor, Kut Fleckenstein tha se delegacioni i Parlamentit Evropian, nuk arriti në një amendament të përbashkët për shkak se mungon vullneti politik.

"Në fund do të shohim nëse do kemi një ligj të ri zgjedhor dhe do të presim për këtë gjë. Do të ishte shumë mirë nëse opozita dhe maxhoranca do kishin arritur në dakordësi".

Ndërkohë, ambasadorit i BE-së në Tiranë, Luigi Soreca u ndal tek një tjetër reformë e rëndësishme.

"Reforma në drejtësi është në rrugën e duhur. Mendoj që reforma në drejtësi po progreson. Kjo duhet të bëhet me një ritëm më të shpejtë. Loja është e hapur. Ende ka shpresë për çeljen e negociatave. Ky duhet të jetë një parim themelor për ata që kanë përgjegjësi në këtë", tha kryesuesi i delegacionit të bashkimit Evropian në Tiranë, gjatë konferencës të përmbylljes së vizitës që delegacioni i Parlamentit Evropian pati në Shqipëri.

Ndërkombëtarët nuk e shohin mundësinë e krijimit të një qeverie tranzitore. Parlamenti është legjitim - theksoi raportuesi për Shqipërinë në PE, Knut Fleckenstein, dhe se një qeveri e përkohshme tranzitore do të pengonte negociatat. Kështu ndërkombëtarët dalin jo vetëm kundër mjeteve të përdorura nga opozita, djegia e mandateve dhe dhuna në protestë, por edhe kundër kauzës së tyre, vjedhjes së pretenduar të votave. Delegacioni i PE-së thanë njëzëri se zgjedhjet e 2017-ës janë të njohura dhe të pranura. Ndaj një mund të ketë sipas tyre jnë qeveri tranzitoredhe zgjedhje të parakohshme.

Pyetje: E shikoni si zgjidhje krijimin e një qeverie tranzitore pa Ramën?

Fleckeshtein-Ne e kemi diskutuar këtë ide. Parlamenti është zgjedhur në mënyrë të ligjshme. Ju keni një qeveri legjitime dhe mendoj se një qeveri e përkohshme do dëmtonte hapjen e negociatave. Në asnjë mënyrë.

Cristian Preda i partive Popullore Evropiane, një nga përfaqësuesit e PE-së tha se është e pakonceptueshme se si mund të vihen në diskutim përfundimet e tyre për legjitimitetin e zgjedhjeve, kur vetë PE ka pasur monitorues dhe vëzhgues në Shqipëri, të cilët i afirmuan zgjedhjet si të korrekte.

Preda: "Bojkoti për ne është i papranueshëm. Ne jemi parlamentarë dhe kemi përgjegjësitë tona. Përfundimet tona janë që zgjedhjet e fundit shkuan mirë. Dyshimet mbi përfundimet tona më mërzisin pak. Është çudi të dëgjoj nga politikanët tuaj që zgjedhjet e 2017 kanë qenë të këqija. Duhet të hapen negociatat por fillimisht duhet të negocioni me njëri tjetrin",

Kryesuesi i delegacionit të Parlamentit Evropian, Tunne Kelam, i Partive Popullore Evropiane, thotë se zgjedhjet e 2017-ës janë legjitime, dhe se ky është një konkluzion që e kanë arritur edhe vëzhguesit e PE-së në Tiranë.

I pyetur nga gazetarët për akuzat e pretenduara ng aopozita për vjedhje votash në zgjedhjet parlamentare te 2017-ës që sollën në pushtet në mandatin e dytë qverinë Rama, Kelam tha se "raste të izoluar anuk ndikojnë rezultatin e zgjedhjeve". 

"Kolegët e mi që kanë vëzhuar zgjedhjet i konsideruan zgjedhjet legjitime. Unë nuk mendoj se rastet e izoluara kanë ndikim në rezultatet e zgjedhjeve. Megjithatë tani për tani mendoj se duhet të vazhdojmë me këtë parlament", u shpreh Kelam në konferencën përmbyllëse të vizitës së delegacionit të PE-së në Tiranë.

A do të negociojnë ndërkombëtarët për zgjidhjen e krizës politike në Shqipëri?! Knut Fleckenstein thotë se është koha që politika t'i zgjidhë vetë problemet. Në të njëtën linjë ishte edhe kryesuesi i delegacionit, i Partive Popullore Evropiane Tunne Kelam.

"Mendoj që ka ardhur koha që ky vend t'i zgjidhë vet ë problemet e veta. Sot jemi 30 vite nga rënia e regjimit. Nëse palët do kërkonin ndihmë ne do i mbështesim por problemi mund të zgjidhet vetëm brenda vendit. Sa i takon ndërmjetësimit ju keni shumë ndërmjetësim ndërsa tani është problem i brendshëm i juaj. Ne e dimë se 90% të shqiptarëve duan të futen në BE dhe ky është një mesazh për liderët politikë që të diskutojnë me njëri tjetrin", tha raportuesi për Shqipërinë në PE, gjatë konferencës përmbyllëse të delegacionit të Parlamentit Evropian në Tiranë.

Raportuesi për Shqipërinë në parlamentin Evropian, Knut Fleckenstein, foli me tone të ashpra për kryetaren e Lëvizjes Socialiste për Integrim, Monika Kryemadhi, në takimin që ka pasur dje me të dhe liderin e opozitës Basha, si pjesë e delegacionit të PE-së në Tiranë.

Fleckenstein në konferencën përmbyllëse të vizitës së delegacionit në Shqipëri, tha se  në takim foli vetëm kryedemokrati Lulzim Basha, por Kryemadhi tha vetëm një fjali në fund të takimit.

"Dje patëm disa shkëmbime me disa ish-deputetë. Zoti Basha foli me ne. Ne i bëmë të qartë se i kuptojmë nga njëra amë se ne i kuptojmë problemet e tij por bojkoti nuk i zgjidh ato. U zhgënjeva shumë nga kryetarja e LSI, për arsye se ajo tha vetmë një fjali në fund të tkaimit, se e kanë marrë vendimin e tyre, që në Shqipëri ka nevojë për ndërrim pushteti,  dhe në rast se ne nuk e kuptojmë këtë gjë nuk është problemi i tyre. Ky ësht ënjë mesazh i qartë dhe besoj se ata në bruksel dhe ata që janë Shqipëri duhet t akuptojnë se në cilën anë ndodhet secili prej nesh", tha ai.

Sa i përket protestave të dhunshme të opozitës, Fleckenstein tha se opozita duhet të mbajë përgjegjësi.

"Ata që organizojnë protesta duhet të kujdesen për të parandaluar dhunën. Ata që organizojnë protesta duhet të mbajnë përgjegjësi. Nuk mund të organizosh protesta dhe të thuash nuk është dhuna ime. Pamjet e dhunës do të kenë pasojë për diskutimet që do të organizohen në qershor", u shpreh ai.

Raportuesi për Shqipërinë në parlamentin Evropian thotë se djegia e mandateve nuk është mënyra e duhur për t'i zgjidhur problemet politike. "Ne presim që deputetët të shkojnë në punë" - tha Fleckenstein.

Megjithatë, Fleckenstein tha se nuk ka asnjë diskutim që Parlamenti do të funksionojë, qoftë edhe pa anëtarë të rinj. Fleckenstein tha se do të shikojnë se si do të vijojë procesi, pra nëse kandidatët e tjerë në lista do të pranojnë mandatin.

Raportuesi për Shqipërinë tha në takimin e Këshillit Evropian në qershor, do të raportojnë për ecurinë e Shqipërisë, që padyshim sipas tij, duhet dhënë drita jeshile për çeljen e negociatave.

"Nuk kemi dyshim që ky parlament do të vazhdojë rrugëtimin e vet, ndoshta edhe me anëtarë të rinj, do të shikojmë se cili do të jetë vendimi i qershorit. Opinioni ynë me një mazhorancë shumë të madhe ka qenë i qartë si kristali, dhe nuk ka arsye pse duhet ndryshua ky vendim", tha ai

Shefi i delegacionit të Parlamentit Evropian në Tiranë, Tunne Kelam thotë se është i interesuar që Shqipëria të hapë zyrtarisht negociatat, dhe shpreson në këtë. Por ai bën një apel për bashkëpunim të brendshëm mes palëve politike, duke e konsideruar jetike.

"Zgjedhjet janë të njohura, janë pranuar, dhe duhet aderuar në institucione. Bojkotimi i Kuvendit, në vetvete përbën një sinjal shumë të keqe, cënon besueshmërinë e kombit dhe të shtetit. Ne nuk jemi dakord që bojkotimi i Kuvendit do të ishte gjëja e duhur për tu bërë. Nuk mund të gjesh dot një arsye, një pretendim për të penguar anëtarësimin, nga interesa partiake", theksoi ai.

Për protestat Kelam tha se është absolutisht kundër dhunës, si një mënyrë jo demokratike për zgjidhjen e problemeve, e po ashtu kundër nxitësve politikë të dhunës.

"Shoqëria duhet të ushtrojë presion në mënyrë që ata të bashkohen me njëri-tjetrin", theksoi ai.

"Kemi ardhur këtu në atomosferën e shpresë. Ne jemi të interesuar që Shqipëria të hapë negociatat. Ky është një objektiv i rëndësishëm. Të gjitha problemet mund të zgjidhen brenda BE. Nuk duhet të ketë asnjë mosmarrëveshje për shkak të problemeve kombëtare. Ne na intereson po aq sa juve që të bëheni pjesë e BE-së. Ju keni bërë progres në shumë fusha. vëmendja jonë shkon në reformën në drejtësi dhe vettingun. E rëndësishme është dhe pjesa e zbatimit. Për të qenë të gatshëm për të nisur negociatat nevojitet bashkëpunimi i brendshëm. Sinjali më i keq që jep vendi juaj është se ka ndasi politike. Ne dimë shumë raste kur kombe edhe më të vogla janë bërë pjesë e BE. Ajo që është e rëndësishme është se duhen kaluar ndasitë politike. Nëse Shqipëria është demokraci dhe nëse zgjedhjet janë mbajtur dhe nëse ato janë pronuar është e rëndësishme të aderojmë në institucionet politike. Bojkotimi i parlamentit nuk është gjëja e duhur për t'u bërë. I bëjmë thirrje partive politike të bëjnë presion mbi partitë e tjera për bashkëpunim. Demonstratat dhe protestat qe kanë ndodhur, nuk duhet të kthehen në tubime të dhunshme. Kjo është kundër stabilitetit të vendit

Pasi jemi takuar me shumë përfaqësues të shoqërisë civile përfundimi është se Shqipëria ka nevojë për shumë më tepër hapësirë, dhe organizatat e shoqërisë civile duhet të kenë akses në vendimmarrje. Arsimi i lartë për të rinjtë është dhënia e aftësisë për të shmangur idetë për t'u larguar nga vendi. Është në interes kombëtar të merret parasysh zëri i studentëve", u shpreh Kelam.

Ndërkombëtarët këmbëngulin se vendi i opozitës është në Kuvend. Vendimi për djegien e mandateve është drastik, dhe pengon çeljen e negociatave, mbi të gjitha kur i bashkohen edhe protestat e dhunshme që opozita ka mbajtur kundër qeverisë.

Delegacioni i Parlamentit Evropian, thotë se opozita duhet ta shfrytëzojë mundësinë për tu rikthyer në parlament, madje sipas tyre duhet të ndodhë sa më shpejt. "Pas 10 ditësh do të jetë vonë", është shprehur sot në takimin me kryeparlamentarin Gramoz Ruçi, përfaqësuesi i PE-së, Cristian Preda. Ndërkombëtarët thonë se kauza e opozitës për zgjedhje të vjedhura nuk qëndron, pasi siç ata shprehen, "i kanë monitoruar vetë zgjedhjet, dhe ishin korrekte". Raportuesi për Shqipërinë në PE, Kut Fleckenstein ndalen edhe në emra konkretë, kur thotë se Monika Kryemadhi, kryetarja e LSI-së, nuk duhet të pengojë negociatat. "Zonja e Parë", - shprehet ai, duke ju referuar faktit që Kryemadhi është bashkëshorte e presidentit Ilir Meta, emërtim që ajo gjithmonë ka refuzuar ta pranojë. "Po humbas durimin nga qëndrimi i deputetëve të opozitës. Protestat të ruajnë qetësinë. Pamjet e protestave vonojnë integrimin", u shpreh ai.

Edhe kryesuesi i delegacionit të PE-së, pret sinjale pozitive, që palët të jenë ulur në bisedime për të zgjidhur krizën. "Arrini konsensus dhe na dërgoni një sinjal pozitiv për negociatat", theksoi Tunne Kelam.

DETAJET E TAKIMIT

Pas takimeve të veçanta me kryeministrin Edi Rama, dhe liderët e forcave opozitare, këtë mëngjes, delegacioni i Parlamentit Evropian, ka takuar në Tiranë, kreun e Kuvendit, Gramoz Ruçi.

Sipas një njoftimi të Kuvendit të Shqipërisë, thuhet se kryeparlamentari është shprehur mbi ecurinë e reformave në vend, duke vlerësuar progresin me reformën në drejtësi.

"Objektivat për integrimin drejt përmbushjes. Reforma në drejtësi po ecën me shumë sukses. Vettingu, jetik për drejtësinë dhe Shqipërinë. Në qershor, organet e reja të sistemit në funksion të plotë. Reforma ka mbështetjen e 99% të shqiptarëve. Reforma elektorale, paketa e depozituar në Kuvend", mësohet të jetë shprehur Ruçi.

Sa i përket djegies së mandateve nga opozita, Ruçi është shprehur se parlamenti është legjitim edhe vetëm me mazhorancës, pasi "vjen nga zgjedhje të ndershme".

"Zgjedhjet e 2017 janë të certifikuara nga 100% e numëruesve  të opozitës, Zgjedhjet kanë probleme, por ato zgjidhen në Kuvend", është shprehur ai. Ruçi ka theksuar se Kuvendi ka qenë në dispozicion të opozitës.

"Opozita gëzon të drejta që unë si opozitar nuk i ëndërroja. Basha ka fol dy orë më shumë se Kryeministri. Opozita ka folur tre orë më shumë se maxhoranca, por ka refuzuar të përdorë kontrollin parlamentar", tha kryeparlamentari.

Ndërkohë, kryesuesi i delegacionit të PE-së, Tunne Kelam, e quajti situatën aktuale politike në Shqipëri, si një përpjekje për të vonuar çeljen e negociata për integrimin në Bashkimin Evropian.

"PE mbetet mbështetës i madh i anëtarësimit të Shqipërisë. Përpjekjet për të vonuar çeljen e negociatave nuk kanë mbështetjen tonë. Reforma në drejtësi, thelbësore për qeverisjen dhe besimin e qytetarëve", mësohet të jetë shprehur Kelam, duke theksuar se delegacioni "ikën me përshtypje pozitive për arritjet e qeverisë".

E ka vlerësuar negative, ndarjen politike dhe mungesën e bashkëpunimit, duke thënë se "është përgjegjësia e të gjithëve të bashkëpunojnë për interesin kombëtar"

"Arrini konsensus dhe na dërgoni një sinjal pozitiv për negociatat", theksoi Kelam.

Ndërkohë, raportuesi për Shqipërinë Knut Fleckenstein, e ka humbur durimin me opozitën nga vendimi për djegien e mandateve dhe dhuna në protestat që ka mbajtur deri më tani opozita e bashkuar kundër qeverisë. Ka një mesazh personalisht edhe për Monika Kryemadhit, kryetaren e Lëvizjes Socialiste për Integrim, kur thotë se" Zonja e parë e vendit nuk duhet të pengojë negociatat"

"Po humbas durimin nga qëndrimi i deputetëve të opozitës. Protestat të ruajnë qetësinë.  Pamjet e protestave vonojnë integrimin", tha Fleckenstein.

Nuk mungoi edhe një thirrje e Fleckenstein drejtuar Këshillit Evropian, për të vlerësuar arritjet e Shqipërisë.

Ndërkohë, sipa një njoftimi të Kuvendit të Shqipërisë, që ka zbardhur atë se çfarë është diskutuar në takimin e Ruçit me delegacionin e PE-së, Cristian Preda thotë se opozita ka ende mundësi të kthehet në Kuvend, "pas 10 ditësh do të jetë vonë", theksoi ai.

Preda është shprehur se "i ka vëzhguar zgjedhjet e 2017 dhe ishin korrekte"

Përfaqësuesi i delegacionit të PE-së, Preda theksoi se në 5 mars do të informojë Parlamentin Evropian për arritjet e Shqipërisë.