Në kërkim për atentatin ndaj prokurorit Arjan Ndoja, arrestohet në Dubai ish-anëtari i bandës së Durrësit Julian Meçaj

Ish-anëtari i bandës së Durrësit, Julian Meçaj, është arrestuar nga policia në Dubai. Lajmi konfirmohet për Report Tv nga burime pranë Ministrisë së Brendshme, ndërsa lokalizimi është bërë nga autoritetet shqiptare, të cilat kanë njoftuar homologët emiratase për vendndodhjen.

Në vijim pritet nisja e procedurave të tij për ekstradim, edhe pse do të jetë e vështirë për shkak se Shqipëria nuk ka marrëveshje me Emiratet e Bashkuara Arabe. Julian Meçaj ishte shpallur në kërkim në janar 2023 për atentatin ndaj prokurorit Arjan Ndoja më 1 nëntor 2019, ku mbeti i vrarë shoferi i tij Andi Maloku.

Prokuroria e Posaçme, mundi të zbardh atentatin pas mbërritjes nga Franca të komunikimeve në aplikacionin “SkyECC”, ku ishte përgatitur jo vetëm atentati ndaj prokurorit, por edhe disa vrasje të tjera. Në atë kohë u arrestuan Genti Ndërjaku, Marsel Deçka, Endrit Sinani, Julian Pjetri dhe Bashkim Haxhija ndërsa në kërkim u shpall koka që organizoi gjithçka, Plarent Dervishaj, po ashtu i dyshuar se fshihet në Dubai, që drejtonte bandën me miq e familjarë dhe Ramazan Rraja, i arrestuar tashmë nga policia. Julian Meçaj dhe Plaurent Dervishaj i shpëtuan një atentati më 20 qershor 2019 në Durrës.

Në lidhje me ngjarjen e rëndë të atentatit ndaj prokurorit Ndoja, Gjykata e Posaçme dënoi me burg përjetë Redjan Rrajën, si një nga ekzekutorët, ndërsa dënoi me 35 vjet burg Arjol Halilajn, në rolin e ndihmësit. Më 1 nëntor 2019, prokurori Ndoja ishte në automjet me Landi Muharremin apo njohur si Rrumi i Sukthit, dhe me Andi Malokun si shofer, i cili mbeti i vdekur.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jul durrsi: 08/02/2024 16:28

    Jul Mece ka 30 vjet ne banda e vrasje grabitje! Sot e gjetet ta arrestoni.. dhe prap kushedi a do ja arrini Ta sillni ne shqiperi dhe ta burgosni! Ai bashke me banden e tij te durrsit sdihet sa 100 vete kane vra, Ndoshta me shume..

    Përgjigju
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Euro 2024/ Përmbysje e madhe, Holanda mposht 1-2 Poloninë në Grupin D

Euro 2024/ Përmbysje e madhe, Holanda mposht 1-2 Poloninë në Grupin D