Fluksi i emigrantëve për Vitin e Ri, ministri Hoxha inspekton Kakavijën: Greqia mori masa për lehtësim kalimi në kufi! Proda-vartësve: S'dua pengesa artificiale!

Nga Kakavija, ministri i Brendshëm Ervin Hoxha, ku ishte për të inspektuar hyrje-daljet për festa, deklaroi se konstatoi që pala greke këtë vit ka marrë masa më të mira, ndryshe nga vitet e tjera.

I shoqëruar edhe nga kryepolici Ilir Proda, ai pati takime me përfaqësues të palës greke, ndërsa përmendi edhe një takim me ambasadoren greke disa ditë më parë, të cilës sipas tij i kërkoi më shumë vëmendje për lehtësimin e fluksit për festa. 

“Sot bashkarisht me drejtorin e përgjithshëm të Policisë së Shtetit dhe drejtorin e departamentit të Policisë Kufitare vizituam pikën kufitare të Kakavijës. Në inspektim pata mundësinë të takoja edhe drejtuesit e policisë greke që ndava disa shqetësime. Javën e kaluar pata një bisedë me ambasadoren greke mbi planin e masave për të përballuar fluksin e qytetërëve shqiptar në pikën kufitare Kakavijë dhe pikat e tjera. Masat janë marrë në përballimin e këtij fluksi.

LEXO EDHE:
Ndërrimi i viteve, shefi i Rendit Publik për Report Tv: Prani të shtuar të efektivëve në sheshe, qendra tregtare dhe banka! Patrullim dhe në lokalet ku do të bëhen festime

Bashkë me drejtuesin e policisë greke vizituam edhe qendrën e kordimimit, e cila është ngritur në zbatim të marrveshjeve ndërqeveritare, funskionon si e tillë në bashkëpunim me forcat greke dhe shqiptare. Falënderoj përfaqësuesit e Frontex-it. Në bazë të marrëveshjes që kemi nënshkruar me Frotenx-in dhe qeverisë shqiptare për migracionin e paligjshëm. Kemi pasur suksese në nivele shumë të mira, emigracioni i paligjshëm është ulur deri në 60%", tha Hoxha.

Më tej Hoxha bëri thirrje që të gjithë qytetarët të zbatojnë udhëzimet e policisë së shteetit gjatë kalimit në pikat kufitare.

“Bashkëpunimi midis policive është i ndërsjelltë ka prioritet lehtësimin e lëvizjes së qyterarëve. Ketë vit kemi një përmirësim sa i përket menaxhimit të kalimit të qytetarëve në pikat kufitare", shtoi ai.

Teksa u pyet për shpërblimin e Policisë për festat e fundvitii Ministri nënvizoi se beson se Këshilli i Ministrave do të miratojë këtë projekt-vendim nesër (30 dhjetor)                 

“Ministria e Brendshme ka bërë një propozim për heqjen e kritereve dhe përjashtimit të policisë së shtetit për sa i pëtket një kriteri i cili që vitet e tjera nuk ka qenë për shkak të buxhetit. Të hënën Këshilli i Ministrave do të miratojë projekt-vendimin të cilin kemi propëzuar për shpërblimin e Policisë së Shtetit. Orët shtesë dhe suplementare janë të përfshira", përfundoi ai.

Edhe kryepolici Proda pati një takim me kreun e Kufirit të janinës, të cilit i kërkoi që të punohej me numër të njëjtë sportelesh në hyrje e dalje të Greqisë, si në kufirin shqiptar. Gjithashtu dha porosi për vartësit që të mos krijonin vonesa artificiale për qytetarët dhe të lehtësonin lëvizjen me shërbimin në kohë.

“Të gjithë në detyrë; asnjë pengesë artificiale nuk dua të vijë nga strukturat tona. Vlerësim maksimal, çfarë të kemi mundësi tua lehtësojmë lëvizjen. Bashkëpunoni me homologët, që lëvizja të jetë e njëtrajtshme nga të dyja anët e kufirit", u shpreh kryepolici ndër të tjera.

TAG:
• greqi
• kakavije
• Ervin Hoxha
• Gjirokaster
• policia e shtetit
• emigrante
• ministria e brendshme

Sondazhi i ditës:

Çfarë prisni në vitin 2025?

• Punë

  8.7%

• Shëndet

  72.8%

• Mirëqënia

  18.5%

Vota total: 346

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia