Florenc Çapja, megjithëse në kërkim për vrasje në Shqipëri, prej 12 korriku është një qytetar i lirë në Emiratet e Bashkuara Arabe, dhe nuk është më në mbikqyrje nga autoritetet.
Lajmi është konfirmuar për gazetarin e Report Tv, Sokol Dema, nga avokati i familjes Çapjas, Neshat Fana, i cili thotë se madje ai është edhe punësuar atje. Florenc Çapja kishte leje qëndrimi nga autoritetet e Dubait dhe kishte kërkuar statusin e azilantit politik vetëm pak kohë më parë.
'Ai ka paraqitur arsye të besushme se kërkesa e shtetit shqiptar për arrestim janë të paligjshme sepse ai ka 12 vjet që hetohet dhe s'ka asnjë prove qe e implikon atë dhe se kërkesa është arbitrare. Ai do paraqesë prova që e vërtetojnë pozicionin e pafajshëm te tij në këtë çështje në Dubai", deklaroi avokati i familjes Çapja për Report Tv pak muaj më parë.
Florenc Capja është në kërkim nga drejtësia shqiptare pasi akuzohet si porositës për vrasjen e at e bir, Nezir dhe Gentian Beqiri, ngjarje kjo e ndodhur në Elbasan në vitin 2012. Lidhur me këtë ngjarja është vënë në pranga xhaxhai i tij Ardian Çapja.
Pak ditë më parë Gjykata e Posaçme vendosi të veçojë çështjen ndaj tij dhe Olsi Lekut nga të pandehurit e tjerë me argumentin se Florenc Capja nuk ka marrë dijeni për këtë proces. Ndërkohë sot Florenc Çapja, me një email, i ka kërkuar Gjykatës së Posaçme, që çështja ndaj tij të mos veçohet nga xhaxhai i tij, Ardian Çapja dhe anëtarët e tjerë të grupit të marrë të pandehur.
Si ndodhi vrasja e Gentian dhe Nezir Beqirit? Ata u vranë në banesën e tyre, ku Gentian Beqiri allias Ardian Meta ishte në ‘arrest shtëpie’ dhe ruhej me dy policë në derën e shtëpisë, pasi akuzohej si autor i vrasjes së biznesmenit të njohur Sokol Çapja, ngjarje kjo e ndodhur në dhjetor të vitit 2005, i cili dyshohet se u pagua nga fisi i Çelajve. Vrasja e Gentian Beqirit, është kryer në ambientet e brendshme të banesës së tij, që ndodhet në lagjen “Sporti i vjetër” në Elbasan, ku teksa qëndronte i shtrirë në krevat pasi ishte i paralizuar është qëlluar për vdekje me 7 plumba të një pistolete me silenciator dhe më pas mbytën edhe babanë e tij Nezir Beqiri. Kjo ndodhi ndërkohë që jashtë derës së shtëpisë ruanin dy efektivat e policisë, të cilët u akuzuan më pas për “Shpërdorim detyre”. Të arrestuar për këtë ngjarje janë i penduari dhe bashkëpunëtori i drejtësisë Ervis Bardhi, Olsi Leku, Etjen Cani, Klajdi Dokoli.
Florenc Çapja, i akuzuar si organizator i vrasjes së babë e bir, Gentian dhe Nezir Beqiri, i është drejtuar me një email, Gjykatës së Posaçme, ku kërkon që çështja ndaj tij të mos veçohet nga xhaxhai i tij, Ardian Çapja dhe anëtarët e tjerë të grupit të marrë të pandehur.
Në seancën paraprake, 40-vjeçari Florenc Çapja, në email, thotë se ai ka marrë dijeni për procesin dhe kërkon të gjykohet bashkë me xhaxhanë e tij.
Pas marrjes së kësaj kërkesë gjykata vendosi të shtyjë seancën. Mësohet se SPAK dhe Gjykata e Posaçme do të dërgojnë një letër-porosi në Dubai për verifikimin e email-it, nëse është dërguar nga Florenc Çapja apo jo.
Ndërkohë që Emiratet e Bashkura Arabe, kanë refuzuar kërkesën e SPAK për ekstradimin e Florenc Çapes, i akuzuar për vrasjen e Gentjan dhe Nezir Beqirit, ngjarje e ndodhur në vitin 2021. Ai ka fituar lirinë që prej datës 12 korrik, dhe vijon të jetë në Dubai, ku edhe rezulton që të jetë i punësuar atje.
Komente
Lajme të tjera
-
BE-ja miraton sanksione të reja ndaj Rusisë, përfshin edhe entitete kineze
16 Dhjetor, 14:31 -
Formula 1 mbyll sezonin 2024, McLaren fiton titullin për konstruktorë! Leclerc garë monumentale, Hamilton largohet nga Mercedes
8 Dhjetor, 16:23 -
McLaren dominon provat në Abu Dhabi, Norris dhe Piastri në dy vendet e para! Çmimi për konstruktorë 'në xhep', zhgënjen Leclerc
7 Dhjetor, 16:51 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Me 26 kg kanabis në valixhe nga Dubai, arrestohet në Rinas! 21 vjeçari me banim në Luksemburg
11 Nëntor, 11:25 -
U arrestua për herë të dytë në Dubai, Durim Bami kërkon të mos deportohet në Shqipëri: Më rrezikohet jeta, 16 persona duan të më vrasin
29 Tetor, 13:15 -
Durim Bami arrestohet për herë të dytë në Dubai, pritet të deportohet drejt Shqipërisë! Konfliktet me ish-deputetin Ndoka dhe dosja 'Revanshi'
28 Tetor, 15:08 -
Durim Bami u arrestua sërish në Dubai? Ende s'ka konfirmim zyrtar
27 Tetor, 11:16 -
Sulmi në rezidencën e ambasadorit të Emirateve të Bashkuara në Khartoum, Rama: Shkelje e së drejtës ndërkombëtare
2 Tetor, 16:45 -
U ekstradua nga Dubai, Julian Meçe dëshmon në GJKKO për vrasjen e Vajdin Lames dhe Klodian Saliut
30 Shtator, 13:02 -
Zyrtare/ Vllaznia përfiton 200 mijë euro dhe mban një pjesë të kartonit, Rejan Alivoda bëhet ‘sheik’
24 Shtator, 11:27 -
Vllaznia shet lojtarin e Kombëtares në Arabi, 200 mijë euro në arkat e shkodranëve
20 Shtator, 09:15
Shume mire qe nuk eshte ne mbikqyrje nga policia e Dubait. Hasmi i ka duart e lira. Mbasi ta heqin qafe , lirohet Ardiani sepse vrasja e babe e bir do i ngarkohet Lorencit. Ish prokurori Neshat Thana, tashme avokat i Capajve i di mire keto pune. Pune bq dhe pune skuthash.
Përgjigju