POP 5

Lajmet më të lexuara të 5 minutave të fundit

Negociatat e Maqedonisë së Veriut dhe Shqipërisë për zgjerimin e BE, Varhelyi pesimist: S'ka kornizë negociuese, shpresoj zgjidhje brenda ditësh

Ndryshe nga Charls Michel një ditë më parë, komisioneri i BE-së për zgjerim, Oliver Varhelyi duket pesimist për negociatat e Maqedonisë së Veriut e për rrjedhojë edhe të Shqipërisë.

Ndryshe nga Charles Michel një ditë më parë, komisioneri i BE-së për zgjerim, Oliver Varhelyi duket pesimist për negociatat e Maqedonisë së Veriut e për rrjedhojë edhe të Shqipërisë. Ai u shpreh se nuk ka dijeni për ndonjë kornizë negociuese me Shkupin por foli për ngërç të plotë në Sofje.

“Kaloj pothuajse çdo të martë në atë vend, por pa rezultat. Është e dukshme që politika e brendshme është e aftë të dëmtojë kredibilitetin e BE-së, atje. Nuk ka kornizë negociuese në këtë moment”, tha Varhelyi

Megjithatë komisioneri për Zgjerim i BE-së më pas shtoi se shpreson që pas disa ditësh të mbahet konferenca e parë ndërqeveritare me Maqedoninë e Veriut dhe Shqipërinë.

“Nuk ka arsye për të pritur për shkak të çështjeve të brendshme politike në Bullgari, shpresoj se po flasim për ditë, jo për muaj apo vite kur bëhet fjalë për konferencat e para ndërqeveritare me Maqedoninë e Veriut dhe Shqipërinë”.- shton Varhelyi

Nga ana tjetër, kryeministri i Maqedonisë së Veriut Dimitar Kovaçevski, në ditën e dytë të samitit të Prespës e bëri të qartë se nuk ka lëshime ndaj Bullgarisë.

 “Unë i kam thënë qëndrimet tona, ato janë të përcaktuara shumë qartë në Kuvendin tonë, të cilit i përmbahemi. Nuk flitet për gjuhën maqedonase, identitetin dhe zgjidhja duhet të përmbajë një zgjidhje të përgjithshme dhe të garantojë se me këtë nuk do të ketë më kërkesa për përparimin tonë të mëtejshëm në integrimin në BE”.- Dimitar Kovaçevski

Në panelin e sotëm të samitit, përveç Kovaçevskit mori pjesë edhe kryeministrja serbe Ana Bërnabiq, sekretarja e përgjithshme e Këshillit të bashkëpunimit rajonal Majlinda Bregu, dhe përfaqësues nga vende të tjera.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57