POP 5

Lajmet më të lexuara të 5 minutave të fundit

Kronikë

Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!

Nëna e një fëmije 11-vjeç në Lushnje denoncoi në media se dy persona të panjohur kanë tentuar t’i rrëmbejnë fëmijën pasdite, teksa ai kthehej nga mesimi, turn i ditë. Policia e Fierit ka hetuar rastin dhe bën të ditur për Report TV, se fëmija mund të jetë trembur pasi në zonë nuk u konstuan persona të dyshimtë.

LUSHNJE- Një nënë e re në fshatin Golem të Lushnjes, shtrytëzoi protestën e komunitetit të banorëve, për të shprehur para medias shqetësimin e saj për të birin. Pasditen e së premten, tha ajo, dy persona të panjohur kanë tentuar t’i rrëmbejnë të birin, por policia nuk i ka zbuluar autorët.

“Te premten në darkë (15 nëntor) kanë tentuar të më marrin fëmijën dy veta. Kam lajmëruar drejtoreshën e shkollës dhe policinë. Nuk u verifikuan se ata kishin ikur. Dhe fëmija ka ardhur në shtëpi shumë i shqetësuar, shumë i trembur me mendimin se do ta grabisin”, u shpreh ajo para kamerave.

Menjehere pas kësaj deklarate, Report TV u interesua pranë Drejtorisë së Policisë së Fierit, që mbulon dhe Lushnjen, ku mësoi se fëmija mund të jetë trembur, pasi nga hetimet nuk rezulton të ketë pasur tentativë rrëmbimi.

“Më datë 15 nëntor drejtoresha e shkollës 9-vjecare “Foto Puka” në Lushnje telefonon policinë për të njoftuar se prindi i një fëmijë të mitur, 11 vjeç është trembur pasi duke u kthyer në banesë bashkë me një tjetër kanë konstatuar një furgon të dyshimtë”, thuhet në përgjigjen e policisë për Report TV.

Me tej policia sqaron se “nuk rezulton të ketë element të veprës penale, si kanosje apo rrëmbim pasi personat nuk kanë bërë asnjë komunikim me të miturin”.

Denoncimi u bë gjatë protestës së zhvilluar në fshatin Golem të Lushnjes për mësimin me turne, shkaktuar nga vonesa në rindërtimin e shkollës.

R.D/Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56