POP 5

Lajmet më të lexuara të 5 minutave të fundit

Shumica njeh Alibeajn, Boçi thërret mbledhjen e parë si kryetar grupi me deputetët e Berishës! Fokusi ‘Territorialja’

Në një kohë kur shumica ka rikonfirmuar Enkelejd Alibeajn si kreun e grupit, Luçiano Boçi ka thirrur në një takim deputetët që mbështesin Sali Berishën. Ky është takimi i parë që Boçi do të zhvillojë, në cilësinë e kreut të grupit, ashtu siç Sali Berisha e cilëson.

Shumica njeh Alibeajn, Boçi thërret mbledhjen e parë si kryetar grupi me deputetët e Berishës! Fokusi ‘Territorialja’

Luçiano Boçi

TIRANË- Në një kohë kur shumica ka rikonfirmuar Enkelejd Alibeajn si kreun e grupit, Luçiano Boçi ka thirrur në një takim deputetët që mbështesin Sali Berishën. Ky është takimi i parë që Boçi do të zhvillojë, në cilësinë e kreut të grupit, ashtu siç Sali Berisha e cilëson. Mbledhja do të zhvillohet ditën e nesërme në selinë e PD-së dhe do të nisë në orën 12:00. 

Ndonëse të lënë jashtë Komisionit të Posaçëm për Reformën Territoriale, fokus i kësaj mbledhje do të jenë ndryshimet territoriale, ku grupi i punës i ngritur nga Rithemelimi do të prezantojë propozimet e tyre. Ndërkohë, që edhe deputetët që do të jenë të pranishëm në takim do të japin propozimet e tyre për qarqet që përfaqësojnë.

Nga ana tjetër, grupi i Alibeajt, ka bërë gati draftin për ndryshimet territoriale, që pritet ta paraqesin edhe në Komision. Grupi i Alibeajt propozon hartë të re me 92 bashki dhe 6 rajone. Nga 12 qarqe, propozojnë rigrupimin në 6 Rajone, që përmbledhin Rajonin Tiranë-Durrës; Rajoni Shkodër-Lezhë; Rajonin Kukës-Dibër; Rajonin Gjirokastër-Berat; Rajonin Fier-Vlorë dhe Rajonin Elbasan-Korçë.

Edhe ‘Rithemelimi’ bie dakord për shtimin e numrit të bashkive në 80-90, si edhe ndarjen e vendit ne rajone. Në ndryshim nga Grupi i Alibeajt, Rithemelimi propozon ndarjen e vendit në 5 rajone. Sipas draftit, ata do të jenë Rajoni i Shkodrës, Rajoni i Arbrit, Rajoni Elbasan-Korçë, Rajoni i Muzakajve, Rajoni i Kaonëve.

Këto qëndrime të kundërta mes dy palëve, vënë sërish në dukje përçarjen që vijon mes Partisë Demokratike, edhe në një çështje të rëndësishme siç është kjo e reformës territoriale. Nuk dihet nëse mes dy palëve do të ketë një bashkëpunim sasa i përket kësaj reforme me interes për qytetarët shqiptarë, ndërsa ka qenë vetë kreu i grupit, Alibeaj që i ka bërë thirrje sot të gjithë deputetëve të PD-së, pa dallim, referuar këtu edhe mbështetësve të Berishës, që të bëhen bashkë në këtë çështje me interes për shqiptarët.

“Pushteti vendor u kthye në depozitë për militantët. Kërkon që edhe zgjedhjet e 2023 që t’i fitojë sërish në tavolinë. Kjo na vendos ne deputetëve të PD-së për ta çuar deri në fund. U bëj thirrje të gjithë deputetëve të PD-së, pas asnjë lloj dallimi, pasi na është kërkuar ne. E përsëris thirrjen për të shkuar dhe mbështetur nevojën dhe interesin e shqiptarëve.’- tha Alibeaj.

Shqipëria është pranë realizimit të reformës së radhës territoriale. Brenda 30 qershorit opozita dhe mazhoranca pritet të dorëzojnë rekomandimet e tyre në kuvend, ndërsa puna për reforma zgjedhore pritet të konkretizohet në muajin mars 2023. Sa i përket qëndrimit të PS-së, kreu i Grupit, Taulant Balla tha sot se i qëndrojnë ndarjes aktuale me 12 qarqe dhe 61 bashki.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29