Një amendament i propozuar nga deputetja e Partisë Socialiste Edlira Bode, për ndryshimin e Kodit Penal, duke parashikuar deri në 15 vjet burg për personat që thyejnë karantinën dhe infektojnë të tjerët me pasojë vdekjen, ka prodhuar debate publike. Deputetët Rudina Hajdari, Ralf Gjoni, Andi Përmeti dhe Alban Zeneli, si dhe Komiteti Shqiptar i Helsinkit, i kundërshtojnë këto ndryshime. Ka gjithashtu një pretendim se nismat që kërkojnë shumicë të cilësuar votash nuk mund të miratohen me urgjencë. Po si qëndron e vërteta e ndryshimeve në Kodin Penal? Fillimisht ndryshimet janë propozuar që në datën 10 janar 2020 nga deputetet e Partisë Socialiste, Klotilda Bushka dhe Eglantina Gjermeni. Ndryshimet parashikonin ashpërsimin e dënimit për dhunën në familje, konkretisht deri në 10 vite burg për burrat që rrahin gratë në sytë e fëmijëve si dhe për burrat përsëritës.
Shqyrtimi i këtij projektligji përkoi me situatën e jashtëzakonshme të shkarkuar nga përhapja e covid-19. Në këto kushte, deputetja Edlira Bode propozoi një amendament për këtë projektligj, i cili do të hidhet në votim ditën e nesërme, gjatë seancës plenare. Rregullorja e Kuvendit parashikon të drejtën e çdo deputetit për të propozuar amendament për ligjet që janë në shqyrtim. Neni 71 pika 1 i Rregullores së Kuvendi parashikon që “çdo deputet ose Këshilli i Ministrave ka të drejtë të propozojë amendament/te gjatë shqyrtimit të projektligjit në komisionin përgjegjës. Amendamenti paraqitet me shkrim dhe i arsyetuar”. Ndërkaq, projektligji për disa ndryshime në Kodin Penal ka hyrë në procedurë parlamentare prej disa javësh, duke u shqyrtuar sipas procedurave të zakonshme.
Në këto rrethana ndryshimi i Kodi Penal nuk po bëhet përmes një akti normativ si dhe nuk jemi në kushtet e shqyrtimit me procedurë të përshpejtuar. Kushtetuta, përmes nenit 83 nuk lejon shqyrtimin me procedurë të përshpejtuar të projektligjeve që miratohen me tri të pestat e të gjithë anëtarëve të Kuvendit, me përjashtim të ligjit për gjendjen e jashtëzakonshme. Por, Kushtetuta nuk ndalon propozimin e një amendamenti, gjatë shqyrtimit të një projektligji, siç është rasti konkret projektligji për ndryshimin e Kodit Penal. Gjatë seancës së nesërme, e cila do të mbahet në kushte dhe rrethana të jashtëzakonshme, do të hidhen në votim edhe 23 nisma të tjera ligjore.
Lajme të tjera
-
Çështjet Ligjore/ Debate për buxhetin, deputetja e PD-së sulmon Gjykatën Kushtetuese: Duhet ta rrëzonit marrëveshjen antikombëtare Rama-Meloni! Bushka: Respektoni vendimet e Drejtësisë
13 Nëntor, 11:00 -
S’u parashikua asnjë fond për buxhetin 2025, i paqartë tranzicioni i vetingut! Zbardhen 2 shkresat e Komisionerit Publik drejtuar Kuvendit
10 Nëntor, 09:48
-
Diskutime të forta te Ligjet, Bardhi: ‘Prokurori i Përgjithshëm injoroi Kuvendin, pse nuk vjen të mbrojë Buxhetin?!’ Bushka: Ka angazhime të tjera
8 Nëntor, 13:05 -
'Amerika vendos', Rudina Hajdari zbulon në Report Tv: Votova për Trump! Do i sillte ndryshim botës! Kadilli: Ka alarm në agjencitë e OKB
5 Nëntor, 22:07 -
PD paralajmëron sërish kaos, e deleguara e SHBA-së takon Çupin dhe Bushkën në Kuvend! Ja mesazhi i Ambasadës
2 Tetor, 18:24 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Homazhe në 26-vjetorin e vrasjes së Azem Hajdarit, mungon Berisha në arrest shtëpie! E bija mesazh prekës nga SHBA
12 Shtator, 14:42 -
26 vite nga vrasja e babait të saj, Rudina Hajdari: S’do ta di kurrë çfarë ndodhi vërtetë, por jam e bindur se ishte vrasje politike
10 Shtator, 19:37 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
Çfarë marrëdhënie ka Rudina Hajdari me vjehrrën? E zbulon vetë partneri i ish-deputetes
21 Gusht, 19:20 -
Ditëlindja e veçantë e Rudina Hajdarit, feston me të bijën dhe partnerin e ri (VIDEO)
15 Gusht, 16:17 -
‘Dashuria është nën ujë’, Rudina Hajdari ndan momente nga pushimet me partnerin e saj të ri (VIDEO)
23 Korrik, 12:05
