'New York Times' shkruan për tubimin e Metës: Opozita mbështet protestën kundër qeverisë

'New York Times' shkruan për tubimin e Metës: Opozita mbështet protestën kundër qeverisë

Foto nga protesta

Protesta e organizuar nga presidenti Ilir Meta kundër qeverisë në pushtet po zhvillohet me qytetarët e mbledhur në bulevardin “Dëshmorët e Kombit”.

Media e famshme amerikane “New York Times” i ka kushtuar një shkrim këtij zhvillimi në Shqipëri.

Media ka shkruar se opozita i është bashkuar tubimit të presidentit kundër qeverisë në pushtet të kryesuar nga kryeministri Edi Rama.

Gjithashtu ka shtuar se presidenti po e zhvillon protestën duke e akuzuar partinë socialiste për shkelje të kushtetutës dhe lidhje me krimin e organizuar.

Mijëra shqiptarë janë mbledhur kundër qeverisë së majtë të vendit, duke iu përgjigjur një thirrje të presidentit i cili e akuzon për shkelje të kushtetutës dhe lidhje me krimin e organizuar.

Protesta e Ilir Metës u mbështet nga opozita, e cila dëshiron zgjedhje të reja për të zgjidhur krizën politike.

Meta akuzon qeverinë e Partisë Socialiste të Kryeministrit Edi Rama për shkeljen e kushtetutës së vendit duke tejkaluar fuqitë e saj, si dhe për marrjen e kompetencave të tij duke emëruar 9 kandidatë për gjashtë vendet e lira në Gjykatën Kushtetuese.

Trazirat politike vijnë ndërsa kombi i Ballkanit me afro 3 milionë njerëz ka miratuar reforma me shpresën për të marrë një dritë jeshile për të filluar bisedimet e anëtarësimit në BE’, ka shkruar "New York Times".

Foto nga shkrimi i New York Times

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ditë me diell e temperatura deri në 28 gradë celsius, parashikimi i motit për sot

Ditë me diell e temperatura deri në 28 gradë celsius, parashikimi i motit për sot