Nga 1 tetori, çdo kilovat mbi 800 KW do të paguhet me çmim tregu! Konfindustria: Preken 90-130 mijë familje! Kufiri të shkojë në 1200 KW/muaj

Nga 1 tetori, çdo kilovat mbi 800 KW do të paguhet me çmim tregu! Konfindustria: Preken 90-130 mijë familje! Kufiri të shkojë në 1200 KW/muaj

Konfindustria

800 KW/muaj nuk mjaftojnë për të përballuar dimrin e ftohtë. Konfindustria i bën kërkesë qeverisë që të rishqyrtojë vendimin që hyn në fuqi më 1 tetor dhe të vendosë kufirin 1200 KW/muaj.

Sipas Konfindustrisë, rreth 13-20% të abonentëve shpenzojnë 800 KW/muaj në dimër dhe nëse vihet në zbatim vendimi i ri i qeverisë, do të preken të ardhurat e 90-130 mijë abonentëve. Përmes reagimit, thekson se pjesa më e madhe e familjeve, kryesisht në zonat urbane, e kanë të mbështetur ngrohjen përmes energjisë elektrike.

“Konfindustria i kërkon ekzekutivit të rishikojë vendimin për kufirin e konsumit të energjisë elektrike mbi të cilën do të zbatohet pagesa me çmimet e tregut ndërkombëtar për familjarët. Në këtë kuptim kërkohet, që kufiri të jetë jo më pak se 1200 kW/muaj nga 800 kW/muaj të paralajmëruar.

Konfindustria vlerëson, se kufiri prej 800kë/muaj konsum i energjisë elektrike në muajt e ftohtë tejkalohet nga jo më pak se 13-20% e familjeve, varësisht ashpërsisë së kushteve të motit. Sa më sipër do të thotë, që në mënyrë të drejtpërdrejtë do të preken të ardhurat e 90-130 mijë familjeve. Pjesa dërrmuese e familjeve shqiptare sidomos në zonat urbane ngrohjen gjatë muajve të dimrit e kanë mbështetur kryesisht te energjia elektrike. Goditje më të fortë do të marrin buxhetet e familjeve me të ardhura të mesme. Njëkohësisht do të preken edhe më tej familjeve me të ardhura të ulta dhe shtresat në nevojë. Ndikimi i buxheteve familjare do të përcillet me pasoja të rënda shtesë te konsumi, bizneset dhe ekonomia kombëtare”, thuhet në reagimin e Konfindustrisë.

Gjithashtu shton se Shqipëria ka pavarësi të fortë në krahasim me vendet e tjera të Europës. Megjithatë thotë se problremet kryesore në vendin tonë qëndrojnë tek kushtet e motit si dhe në mungesën e shfrytëzimit të prodhimit të energjisë nga burimet diellore apo të erës.

“Shqipëria ka pavarësi të fortë, në jo më pak se 75%, krahasuese me shtetet e tjera të Europës nga ndikimi i çmimeve të energjisë elektrike në bursat ndërkombëtare, përfshi edhe krizën e fundit të gazit rus. Sistemi energjitik shqiptar ka kapacitete të instaluara të prodhimit të energjisë elektrike më të mëdha sesa konsumi. Në vitin 2021 Shqipëria prodhoi 6.5% më shumë energji elektrike sesa nevojat e saj.

Problematikat kryesore qëndrojnë te:- varësia ndaj kushteve të motit, meqënëse ende prodhimi mbështetet te HEC- et si edhe - keqmenaxhimi i sistemit. Niveli i humbjeve teknike dhe jo teknike prej vitesh është mbi 21% të totalit me vlerë mbi 120 milion euro vit. Shumë pak është bërë në shtimin e shfrytëzimit të prodhimit të energjisë nga burimet diellore, të erës, etj. Gjithashtu, në mënyrë të pashpjegueshme TEC- i Vlorës me fuqi afër 100 MGW edhe pas 11 vitesh nuk është në gjendje pune”, thuhet në reagimin e Konfindustrisë.

Nga 1 tetori faturimi i energjisë elektrike nuk do të jetë i njëjtë për të gjithë, si aktualisht me 9.5 lekë për kilovat. Këtë dimër, faturimi do të bëhet me çmim tregu, 42 lekë pa TVSH për çdo kilovat që kalon mbi 800 kWH/muaj. Nën këtë vlerë do paguhet 9.5 lekë/kilovat.

Rendit zhvillimet sipas orarit:
Ora 12:23
Meta dakord me Konfindustrinë: Të rritet fasha e konsumit të energjisë elektrike nga 800 në 1200 KW

1663272344_1663268150eta.jpg

Kryetari i Partisë së Lirisë, Ilir Meta ka mbështetur propozimin e Konfindustrisë për të rritur fashën e konsumit të energjisë elektrike nga 800 në 1200 KW në muaj në mënyrë që familjet të përballojnë muajt e ftohtë të dimrit. Meta thotë se familjet duhen mbështetur jo zhvatur, ndaj është dakord me propozimin që të faturohen më shumë ata që kalojnë kufirin 1200 KW në muaj.

“Mbështes plotësisht propozimin e Konfindustrisë Shqiptare për rritjen e fashës së konsumit të energjisë elektrike, mbi të cilin do të zbatohet pagesa me çmimet e tregut ndërkombëtar për familjarët.

Propozimi për vendosjen e kësaj fashe nga 800KW në 1200KW në muaj është plotësisht i drejtë, pasi me fashën e vendosur nga Qeveria preken financiarisht dhe në mënyrë të konsiderueshme rreth 90.000 deri në 130.000 familje shqiptare, kryesisht ato të shtresës së mesme.

Në kushtet e rritjes të çmimeve të naftës, produkteve të shportës dhe çdo shërbimi, është e pavend të rëndohen edhe më tej buxhetet familjare. Është koha për të mbështetur familjet shqiptare dhe jo për t'i zhvatur ato, me para që përfundojnë për inceneratorët, koncensionet dhe tenderat secrete”, shkroi Meta.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albania: 27/09/2022 07:16

    Posi gjith dimrin u ngroha me gaz dhe me vinte fatura 80 mij e lart dhe 40 mij gjat veres me te njejtat harxhe kushedi sa do vidhet kte dimer.. kto te shikoj kryeministri si vidhet nje familje me te ardhura t pakta dhe sdi ku te gjej zgjidhje

    Përgjigju
  • EDISON: 19/09/2022 11:22

    Une do e kisha ul ne 650KW.

    Përgjigju
  • Drini: 19/09/2022 11:14

    Mund te ndodhe dhe keshtu: nje familje konsumon 1600 kwh ne dy muaj, pra 800 kwh per cdo muaj e rrjedhimisht nuk paguan kwh mbi 800. Faturisti mund te shenoje 600 kwh muajin e pare dhe 1000 kwh muajin e dyte. Pra do paguaje familja 200 kwh me cmim tregu. Si zgjidhet ky ngerc? Sepse rreziku qendron tek abuzimet edhe nga punonjesit qe faturojne. Ti thote dikush kryeministrit qe skema e kursimit duhet me rimbursim te nje pjese te shumes qe kursehet, pra nese konsumonte 1000 kwh dhe tani konsumon 8⁰0 kwh, atehere nje pjese e 200 kwh te kursyer ti rimbursohet familjarit ne faturen e muajit qe vjen.

    Përgjigju
  • Maks: 19/09/2022 11:10

    Po kush i harxhon dot 800 kW ne muaj Nje abonent familiar si harxhon dot as 300 kw ne muaj vetem po te ngrohen gjith diten me korent

    Përgjigju
    • beni: 20/09/2022 18:23

      Po sufllaqja po, ha dhe nje byrek dhe eshte ne rregull se prekin rritjet e cmimeve

  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Ironia e Metës: Fikni televizorët kur del 'Rilindja'! Qytetarët paguajnë për dështimet e qeverisë

Ironia e Metës: Fikni televizorët kur del 'Rilindja'! Qytetarët paguajnë për dështimet e qeverisë