POP 5

Lajmet më të lexuara të 5 minutave të fundit

Ekonomi

Nga 2022, tavan për interesat e kredive konsumatore! BSH: Mbrojmë qytetarët nga devijimet e tregut! Mikrofinanca: Kemi interesa të larta për shkak të rreziqeve që marrim përsipër

Nga viti i ardhshëm do të marrin fund abuzimet me interesat e kredive konsumatore, të cilat vendoseshin pa asnjë kontroll nga institucionet ne mikrokredive. Këshilli mbikëqyrës i Bankës së Shqipërisë ka vendosur tavan për këto interesat, gjë që sipas shoqatës së Mikrofinancës pritet të mbrojë konsumatorët.

Nga data 31 dhjetor, për të gjitha kreditë konsumatore do të ketë një tavan për interesat. Sipas rregullores së re të miratuar nga Këshilli Mbikëqyrës i Bankës së Shqipërisë, ky nivel interesi do të vendoset bazuar në mesataren e thjeshtë të normës efektive të interesit për kredinë konsumatore, duke i shtuar një të tretën e saj. Për shembull nëse mesatarja e normave për një gjashtëmujor është 12%, tavani maksimal do të jetë 16%, duke i shtuar 1/3 e mesatares.

Një masë e tillë sipas Bankës së Shqipërisë është ndërmarrë për të mbrojtur qytetarët nga interesat e larta deri në abuzive. Ky vendim duket se prek më shumë institucionet e mikro-kredisë (institucionet jo bankare) pasi ato aplikojnë norma interesi më të larta. Sekretarja e përgjithshme Shoqatës  së ‘Mikrofinancës’ Brunilda Isaj thotë se ata kanë dhënë shpjegime për normat që aplikojnë.

“Sigurisht që mbrojtja e konsumatorit dhe kundrimi i produkteve financiare për të shmangur teprime, apo mbiçmime në produktet e kredisë ishte objektivi i këtyre përpjekjeve. Sigurisht që ne kemi dhënë arsyetime dhe shpjegime në vendosjen e këtyre çmimeve dhe të gjithashtu kemi bërë përpjekjet e duhura për të informuar klientët dhe për të rritur transparencën”, u shpreh Brunilda Isaj.

Sipas Isajt, institucionet jo banka aplikojnë norma më të larta interesi për shkak se u shërbejnë klientëve që nuk kanë të mundur të lënë kolateral. Subjekte këto që sipas Mikrofinancës nuk arrijnë të marrin kredi nëpër banka.

“Ne vazhdimisht e kemi thënë që institucionet e mikrokredisë punojnë me fonde të marra hua dhe kostoja e fondeve është shumë më e lartë krahasimisht me sektorin bankar. Ky është një elementët që ndikon në rritjen e çmimit të kredisë. Elementi i dytë është risku i marrë përsipër, pra institucionet e mikrokredisë janë shumë më të aksesueshme dhe pranojnë si klientë të tyre qytetar që nuk kanë akses nëpër banka pasi nuk i plotësojnë kriteret, pasi kanë elementë më të lartë risku, të ardhurat e tyre nuk janë të stabilizuara, implikimet që mund të ofrojnë për garancinë nuk janë shumë të forta kështu që institucionet e mikrofinancës për shkak të këtyre segmenteve të cilëve ata ju shërbejnë janë të detyruar që të vendosin një marzh tjetër shtesë për riskun e marrë përsipër. Po ashtu ka edhe elemente të tjera, pasi ka institucione që të ofrojnë kredinë për 5-10 minuta”, pohon Isaj.

Sipas rregullores së re norma maksimale e interesit do të ndahet sipas 3 shumave të kredive konsumatore. Pra për kreditë deri në 200 mijë lekë do të ketë një tavan, për ato mbi 200 deri në 2 milionë do të ketë një normë tjetër dhe për kreditë mbi 2 milionë lekë deri në 10 milionë lekë do të ketë një tjetër tavan norme interesi.

Tavan për normën e interesit do të ketë edhe për bankat tregtare, por që në shpjegimet e Bankës qendrore ende nuk është specifikuar nëse do të jetë i njëjti tavan si për bankat ashtu edhe për institucionet jo-banka.

Shembull

PËRCAKTIMI I TAVANIT PËR INTERESAT

Interesi mesatar në 6-mujor          12%

Shtohet 1/3                                      4%

Tavani maksimal i interesit           16%

(Kliko këtu për rregulloren për kredinë konsumatore & kredinë hipotekare)

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agron: 03/09/2021 17:02

    O profesora qe ju dhemb shpirti po sja futet popullit,po dhe tani (kredo dhe iute)10 % i kane interesat por sec kane shpikur ca gjera tjera psh komision angazhimi 800 mij lek per 1 milion lek te vjetra komision angazhimi ,nese do ishin serioz vendosnit tavan per gjithe shumen e abuzimit jo vetem tavan per interesat.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Neymar do të bëhet baba për herë të katërt

Neymar do të bëhet baba për herë të katërt

26 Dhjetor, 18:21