Dy turistet kanadeze kaluan ditë të mrekullueshme në Sarandë. Përditë e përsërisnin se Shqipëria është një vend i mrekullueshëm, se ishin ndjerë më mirë se në Greqi, më mirë se në Kroaci, më mirë se në Itali. Çmimet, natyra dhe mikpritja i entuziazmuan shumë. Deri ditën e fundit.
Ditën e fundit porositën hotelin luksoz që patën frekuentuar gjatë gjithë qendrimit, për një taksi për Tiranë. Ia përsëritën disa herë recepsionistes se i duhej një makinë e re, që të mbante bagazhet e shumta, sigurisht dhe me ajër të kondicionuar. “Pa merak. Pa merak!”. Siguroi recepsionistja, e cila, me siguri, ndërkohë kalonte nëpër mend se sa “bakshish” do të fitonte nga Xhepi (emri jo real) po të rekomandonte taksitë e tij për shërbimin.
Ditën e nisjes Xhepi u paraqit para hotelit luksoz buzë detit në Sarandë, por taksia e tij ishte totalisht jashtë kushteve që dy turistet kanadeze kërkuan. Makinë e vjetër dhe e vogël, e papërshtatshme si për bagazhet, ashtu dhe për cilësinë e udhëtimit të gjatë. Turistet refuzuan të hipnin në atë taksi, por Xhepi, i shkathët dhe llogaritës i mirë i fitimit, këmbënguli: “Pa merak! Pa merak! Te zyrat kam makina shumë të mira, ikim dhe zgjidhni atë që ju pëlqen”.
Edhe “flota” e parkuar e taksive të Xhepit, nuk përshtatej ndaj kërkesave të qarta dhe të thjeshta të dy turisteve kanadeze. Por Xhepi këtu nis e bëhet nervoz. “Ju më keni prenotuar, ose më jipni lekët ose unë nuk ju lë të ikni me taksi tjetër!”. Kërkon që të firmosin dokumente, turistet nisin të ndjejnë panik. “Nuk e duam më shërbimin tuaj!”, i thanë duke qarë. Do të gjejmë taksi tjetër!”. Xhepi nis kërcënimet. “Po morët taksi tjetër, du ju zë pritë dy kilometra më tutje dhe do ju bllokoj!”. Nga tmerri që sa vinte dhe shtohej, i shpëton një tjetër mik shqiptar. Turistet i telefonojnë dhe ai si babaxhan, i gjen menjëherë një taksi tjetër, të mirë, të madhe dhe të freskët dhe me siguri i bën të qartë Xhepit se vajzat nuk janë vetëm fillikat në këtë botë.
Ne shqiptarët vazhdojmë të jetojmë në këto kontraste të tmerrshme njerëzore, ku bashkëjetojnë ngjitur me njëri-tjetrin gjigandë me zemër të madhe dhe të gatshëm të të ndihmojnë sapo ke nevojë, por edhe monstra që shndërrohen në përthithës energjie, parash dhe prodhues të së keqes nga të cilët vetëm fati apo ndërhyrje të forta mund të të shpëtojnë.
Në një shkrim të mëparshëm, në vëzhgimin tim modest brigjeve të bukura të Shqipërisë, më patën rënë në sy “djemt të fortë” e nervozë që kanë marrë në dorë menaxhime lodrash dhe mjete lundruese. Dikush është impenjuar të heqë plehrat e të pastrojë brigjet tona nga papastërtitë, por dikush tjetër, edhe më hileqar, i ka mbushur ato me “plehra” njerëzore, që nuk kanë respekt as për pleq, as për fëmijë. Dhe këto “plehra njerëzore” mbijetojnë rehat mes nesh. Respektohen, ndihmohen, adhurohen, derisa nuk këpusin kokën dikujt të pafajshëm, si Jonadës së vogël, për të nisur në kor të gjithë mallkimet e qarjet. Vetëm në këtë moment ne shohim monstruozitetin e tyre që e kishim përditë si shërbim para syve, shijojmë kafen me ujë që mund t'ja lejojmë vetes, vetëm të ulemi në baret dhe restorantet luksoze të tyre.
Gazetarë që punojnë me trafikantë, elitë që frekuenton “të fortë”, që ngre në piedestal luksin ndërthurur me vesin e të jashtëligjshmen, janë të përzier në mënyrë të padallueshme përditë, kudo. Dhe kjo përzierje, kaq e padallueshme tashmë, është e vështirë të ndahet në të mirë e të këqinj, vetëm kur ndodhin tragjeditë! Për ta bërë këtë ndarje duhet një revolucion i fortë individual. Nga cila anë dëshiron të qëndrosh për gjithmonë, jo vetëm kur një gomone vret një engjëll që pas dy ditësh e harron?
Komente
Lajme të tjera
-
Përplasi për vdekje me skaf 7-vjeçaren në Himarë, Prokuroria kërkon 15 vite burg për ish-policin Tase: Ishte me shpejtësi, motorët prenë trupin e vajzës
8 Maj, 16:12 -
Vdekja e 7-vjeçares Jonada Avdia, shtyhet sërish seanca! Gjyshi i së miturës: Skenar, Gjykata e Vlorës do që të japë dënim minimal për autorët
20 Dhjetor 2023, 14:06 -
'Jonada ime mbeti në helikat e motorit të njeriut që duhej ta mbronte!' Gjyshi i 7 vjeçares që humbi jetën në Himarë kërkon drejtësi
1 Dhjetor 2023, 14:31 -
Aksidentoi për vdekje me skaf 7-vjeçaren Jonada Avdia në 2022, ndahet dosja për ish-policin Arjan Tase! Gjyshi i të miturës: Gjykata të bëj drejtësi
1 Dhjetor 2023, 13:55 -
Një vit nga tragjedia e Potamit, 7-vjeçarja Jonada Avdia u përplas për vdekje me gomone nga ish-polici Arjan Tase
2 Gusht 2023, 10:44 -
Përplasi për vdekje me gomone Jonada Avdinë një vit më parë, Arjan Tase merret i pandehur! Nën akuzë edhe 8 policë
11 Korrik 2023, 11:18 -
Siguria në plazhe, nis nga puna Njësia Policore Detare me 104 policë! 35 jet ski për të monitoruar detin! Rama: Rasti 'Jonada' nuk përsëritet më
6 Maj 2023, 12:39 -
Pas tragjedisë në Himarë, abuzuesit nuk 'zënë mend'! 3 'Jet Ski' bllokohen në Ranën e Hedhun, s'kishin dokumente
16 Gusht 2022, 09:20 -
Pas tragjedisë në Himarë, skafi kalon zonën e kufizuar në plazhin e Potamit! Gjobitet pronari me 200 mijë lekë dhe bllokohet mjetin lundrues
13 Gusht 2022, 13:46 -
Mbërrin në Durrës peticioni 'Drejtësi për Jonadën', qytetarët mblidhen për ta nënshkruar
11 Gusht 2022, 11:36 -
Tragjedia në Himarë/ Qytetarët sërish në protestë, lyejnë me bojë të kuqe Ministrinë e Brendshme: Është gjaku i Jonadës! Ulen këmbëkryq para kryeministrisë
8 Gusht 2022, 19:42 -
‘Qytetarët ankohen për ju, policë të korruptuar e arrogantë’, Nano mesazh vartësve: Reflektoni urgjent
8 Gusht 2022, 19:10
Jo moj shoqe jo. Duhet nje revolucion kolektiv i joni si individe per ti treguar vendin monstrave qe njehere jane me fytyren e Sales apo Metes dhe per 9 vitet e fundit me ate te padrino Rames. Nje monster nuk eshte mebe mire sepse eshte ortaku yt.
Përgjigju