Ditën e hënë do të finalizohet ngritja e Prokurorisë së Posaçme, e projektuar për të luftuar krimin dhe korrupsionin në të gjitha nivelet, por sidomos në radhët pushtetarëve dhe ish-pushtetarëve që nga vitet ’90. Anëtarët e parë të Prokurorisë së Posaçme janë: Altin Dumani, Arben Kraja, Behar Dibra, Edvin Kondilli, Elida Celami (Kaçkini), Ened Nakuçi, Enkeleda Millonai dhe Klodian Braho. Kompetencat e Prokurorisë së Posaçme ndahen në tre degë.
Dega e parë përfshin çdo vepër penale e kryer nga Presidenti dhe ish-presidentët, nga kryetari i Kuvendit dhe ish-kryetarët e Kuvendit, nga kryeministri dhe ish-kryeministrat, nga ministrat dhe ish-ministrat, nga gjyqtarët dhe ish-gjyqtarët e Gjykatës Kushtetuese dhe Gjykatës së Lartë, nga kryeprokurori dhe ish-kryeprokurorët, nga deputetët dhe ish-deputetët, nga kryebashkiakët dhe ish-kryebashkiakët, nga zëvendësministrat dhe zëvendësministrat, nga anëtarët e Këshillit të Lartë Gjyqësor dhe të Këshillit të Lartë të Prokurorisë, nga drejtuesit e institucioneve qendrore ose të pavarura të përcaktuara në Kushtetutë ose në ligj.
Dega e dytë e kompetencave të Prokurorisë së Posaçme, Byrosë Kombëtare të Hetimit dhe Gjykatave Speciale përfshin 18 vepra penale të parashikuara në nenin 75/a të Kodit të Procedurës Penale. Kushdo që dyshohet se ka kryer një nga këto 18 vepra penale do të jetë objekt i SPAK-u. Këto vepra penale kanë të bëjnë me korrupsionin aktiv dhe pasiv të të gjitha kategorive ushtrimin e ndikimit të paligjshëm, përfitimin e paligjshëm i interesave dhe shkeljen e barazisë në tendera apo ankande publike. Çdo shtetas që i kryen këto vepra do të hetohet nga SPAK. Dega e tretë përfshin çdo vepër penale që kryhet në kuadër të grupit të strukturuar kriminal dhe bandave kriminale.
Ligji për SPAK parashikon afatin dhe mënyrën e marrjes së kompetencave nga Prokuroria e Posaçme për të ushtruar ndjekjen penale dhe përfaqësimin e akuzës në gjyq. Sipas nenin 57 të këtij ligjit gjitha dosjet nën hetim apo ato të referuara në gjykatë, për kategoritë dhe veprat penale të lartpërmendura, kalojnë automatikisht në duart e Prokurorisë së Posaçme. Dosjet duhet të kishin kaluar që në vitin 2017, por për shkak të moszgjidhjes në kohë të anëtarëve të Prokurorisë së Posaçme, ky afat nuk u respektua. Me ngritjen e Prokurorisë së Posaçme, nga java që vjen, dosja e ish-kryeprokurorit Adriatik Llalla, kalon automatikisht në duart e SPAK-ut. Llalla është aktualisht nën hetim për pastrim parash. Ai është subjekt i Prokurorisë së Posaçme në cilësinë e ish-kryeprokurorit.
Një tjetër dosje që kalon automatikisht në duart e Prokurorisë së Posaçme është ajo e kryetarit të Partisë Demokratike, Lulzim Basha, i cili akuzohet për falsifikim të formularëve. Basha është objekt i SPAK-ut në cilësinë e ish-deputetit, ish-kryebashkiakut dhe ish-ministrit. Kushtetuta dhe ligji për SPAK-un parashikon që çdo akuzë ndaj ish-ministrave, ish-kryetarëve të bashkive dhe ish-deputetëve është në kompetencë të Prokurorisë së Posaçme. Struktura e re anti-korrupsion do të vendosë për fatin e Lulzim Bashës si dhe do të përfaqësojë akuzën në Gjykatën Speciale. Për shkak të cilësisë së ish-deputetit, në duart e SPAK-ut do të kalojë edhe Arben Ristani, i cili është pjesë e dosjes së Bashës.
Automatikisht në zyrat e Prokurorisë së Posaçme kalon edhe dosja e ish-kryetarit të Bashkisë së Vorës, Agim Kajmaku, i shpallur në kërkim. Kajmaku është subjekt i SPAK-ut në cilësinë e ish-kryebashkiakut. Prokuroria e Posaçme do të trajtojë edhe kallëzimin e Presidentit Ilir Meta kundër kryetarit të Këshillit të Emërimeve në Drejtësi, Ardian Dvrorani. Ky i fundit përfshihet në kompetencat e SPAK-ut në cilësinë e anëtarit të Gjykatës së Lartë.
Nenet për dosjet që kalojnë në duart e SPAK
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
Kane marre mjaftueshem brisqe dhe shkume rroje?askush nuk denohet ne vendin e kusareve pervec ndonje fukarai qe nuk e njeh kush.Kjo propagande do vazhdoje vite te tera per ti hedhur hi syve atyre qe jane akoma te lekundur se te tjeret qe i kane dy pika mend e dine kete gje.
PërgjigjuThat’s a great job; good luck,you are blessed!This is the miracle!Albania is very dirty from corruption and can’t be cleaned right away but soo far so good!
Përgjigju