POP 5

Lajmet më të lexuara të 5 minutave të fundit

Sport

Ngadalë, por me hapa të sigurt! Elbasani drejt rikthimit në elitën e futbollit, administratori: Çdo vit duam të ngjisim një kategori, tifozët fantastikë

Klubi i ri i futbollit të Elbasanit po vijon me rezultat pozitive, me qëllim për t’u kthyer në elitën e futbollit shqiptar. Për Report TV administrori Marenglen Çoku thotë se qëllimi është të ngjitet çdo vit një kategori, ndërsa falenderon tifozët për mbështetjen masive që i kanë dhënë klubit këtë sezon.

Dalëngadalë, por me hapa të sigurtë Elbasani po i rikthehet elitës së futbollit shqiptar. Pas shkrirjes së klubit historik Akademia e Futbollit Elbasan po vijon me rezultate të kënaqeshme në Kategorinë e Dytë. Sezonin e kaluar militonin në futbollin amator, por tani pretendojnë që sezonin e ardhshëm të jenë në kategorinë e parë. Për këtë të dielën kaluan një transfertë të vështirë në fushën e Memaliaj, duke fituar me rezultatin 0-2.

“Besoj dhe mendoj se ky sezon është mjaft i mirë. Kemi ecur në përputhje me pritshmëritë. Qëllimi është ngritja çdo sezon një kategori më lart për rrjedhojë këtë sezon duam të shkojmë në Kategorinë e Parë,”-u shpreh Marenglen Çoku, administrator i AF Elbasanit.

Këtë sezon AF Elbasani ka patur edhe ndihmën e lojtarit të 12, pasi tifozët ultras e kanë ndjekur në çdo transfertë.

“Duke menduar kategorinë ku jemi besoj se është shumë i kënaqshëm numri i tifozëve që kemi patur. Duhet thënë se ne e kemi të domosdoshme prezencën e tifozëve ultras ‘Tigrat Verdheblu’, por edhe pjesën tjetër të qytetit,”-tha Marenglen Çoku, administrator i AF Elbasanit.

Pas 7 ndeshjeve kampionat në Kategorinë e Dytë grupi B AF Elbasani renditet në vendin e dytë me 17 pikë, 2 më pak se Pogradeci kryesues.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!

25 Dhjetor, 19:46