POP 5

Lajmet më të lexuara të 5 minutave të fundit

Ekonomi

Kriza e çmimeve ngadalëson ekonominë e vendit! Në tremujorin e dytë u rrit me vetëm 2.2%, ndikim negativ ndërtimi dhe energjia

Sipas Instat Produkti i Brendshëm Bruto (P.B.B) në tremujorin e dytë të vitit 2022 vlerësohet me rritje prej 2,23%, kundrejt tremujorit të dytë të vitit 2021

Kriza e çmimeve ka dhënë rezultatet e para në shifra në ekonominë e vendit, e cila është ngadalësuar ndjeshëm në tremujorin e dytë të luftës, që përkon me muajit e pas nisjes së luftës. INSTAT raporton se në tremujorin e dytë të vitit rritja ekonomike ishte vetëm 2.23%, nga 5.97% që ishte në tremujorin e parë të vitit. Për gjashtëmujorin e parë të vitit rritja ekonomike kalkulohet në 4.1%.

Ky ngadalësim i ekonomisë është pasojë direkte e krizës së çmimeve që ka shkaktuar lufta, e cila po shoqërohet me vlera rekord inflacioni. Ndikimin më të madh në ngadalësimin e rritjes ekonomike e ka dhënë rënia sektorit të ndërtimit dhe energjisë elektrike. 

Kjo ulje e ritmit të rritjes vjen pas një ecuri pozitive të vitit të kaluar, kur vendi po rimëkëmbej nga goditja që mori nga pandemia COVID-19.

“Kontribut pozitiv kanë dhënë degët: Tregti, Transport, Akomodim dhe Shërbim ushqimor me +1,68 pikë përqindje, Aktivitete të pasurive të paluajtshme me +0,65 pikë përqindje, Aktivitete profesionale dhe Shërbime administrative me +0,33 pikë përqindje, Bujqësi, Pyje dhe Peshkim me +0,31 pikë përqindje, Aktivitete Financiare dhe të Sigurimit me +0,26 pikë përqindje, Informacioni dhe Komunikacioni me +0,06 pikë përqindje. Negativisht kontribuuan aktivitetet: Ndërtimi me -0,49 pikë përqindje, Industri, Energji dhe Uji me -0,46 pikë përqindje, Administrata publike, Arsimi dhe Shëndetësia me -0,32 pikë përqindje, Arte, argëtim dhe çlodhje; aktivitete të tjera shërbimi me -0,09 pikë përqindje. Taksat Neto mbi produktet kontribuuan pozitivisht me +0,29 pikë përqindje”, thuhet në raportin e INSTAT.

Sa i përket ndryshimeve në krahasim me tremujorin paraardhës, treguesi i Produktit të Brendshëm Bruto vlerësohet me një rënie prej 1,16%. Aktiviteti i Artë, argëtim dhe çlodhje, aktivitete të tjera shërbimi u shfaq me një rënie prej 0,16%. Taksat Neto mbi produktet patën një rënie me 0,24%.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28