POP 5

Lajmet më të lexuara të 5 minutave të fundit

Sociale

Matura 2024, nesër 28 mijë maturantë testojnë njohuritë në “Gjuhën e huaj”! Ministria: 2900 vëzhgues, tre nivele vështirësie, 70% e sallave me kamera

Të hënën nisin provimet e maturës shtetërore për rreth 28 mijë maturantë në të gjithë vendin. Provimi i parë është ai i “Gjuhës së Huaj”, ndërsa Ministria e Arsimit thotë për Report TV se ka marrë gjithë masat e nevojshme për të garantuar një proces të qetë e të  barabartë për të gjithë maturantët.

Nga e hëna e 3 qershorit rreth 28 mijë maturantë në të gjithë vendin do t’i nënshtrohen testit të parë të Maturës Shtetërore, atij të gjuhës së huaj.  Drejtoresha e Përgjithshme e Politikave Arsimore Parauniversitare, Zamira Gjini garanton maturantët që testi është i hartuar me tre nivele vështirësie, dhe bazuar në programin e tyre mësimor.

“Dua të garantoj maturantët që testet janë hartuar në bazë të programit orientues që ato kanë të maturës shtetërore me të cilin ato kanë punuar. Janë teste të të njëjtit model që ato kanë punuar  dhe zhvilluar më parë në shkollat e tyre. Është i hartuar me të tre nivelet e arritjeve, dhe secili maturantë do të marr atë që meriton sipas përgjigjes që do të jap në testin e maturës shtetërore”.

Provimet e maturës do të zgjasin 2 orë e 30 minuta, dhe do të zhvillohen në salla të mëdha. Sipas Gjinit rreth 70% e qendrave të provimit janë të pajisura me kamera, që do të monitorojnë procesin e maturës shtetërore.

“Provimi do të zhvillohet në 144 qendra provimi, të shpërndara në të gjitha qytetet e Shqipërisë. Dhe nga MAS janë marrë masa që të zhvillohet në standardet më të larta, në mënyrë që procesi të jetë i njëjtë i barabartë për maturantët. Provimi në salla, por edhe në ambiente palestrash”, thotë ajo.

Këtë vit do të jenë 2000 maturantë më pak që do t’i nënshtrohen Maturës Shtetërore, ndërsa janë rreth 2900 punonjës të të gjithë strukturave të MAS të angazhuar në administrimin e maturës shtetërore. Pas provimit të gjuhës së huaj, Letërsia do të jetë më 10 qershor, Matematika më 18 qershor, dhe provimi i fundit me zgjedhje më datën 24 qershor.

K.T./K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56