Nishani akuzon Ramën se po blen një karrige 20 mijë euro, por replikon ashpër me komentuesin/ Ja debati

Ish-presidenti i Republikës Bujar Nishani, kohët e fundit është shfaqur në rolin e analistit, ku me shkrimet e tij kritikon qeverinë Rama.

Në komentin e fundit që ka bërë në rrjetet sociale, Nishani ka akuzuar qeverinë se ka rritur ekstremisht numrin e tenderave pa garë.

Ish-Kreu i Shtetit ka shkuar edhe më tej, duke denoncuar se kryeministri Rama, në një tender për të blerë 12 karrige për kryeministrinë, po shpenzon para të barabarta me ndihmë sociale të 1.000 familjeve, ose më saktë 20 mijë euro për një karrige.

LEXO EDHE:
Komisionet miratojnë projektligjin për prokurimin publik! Tenderat dhe vlerësimi do bëhet online, ofertat fiktive skualifikohen nga gara

Por për mendimin e tij, Nishani ka replikuar me një komentues, i cili e ka akuzuar se në kohën kur ai ishte president, nuk bëri asgjë për t’i zgjidhur problemet e vendit, por vetëm sa mori rrogën.

Ja debati i Nishanit me qytetarin:

Te pakten mos na trego se vjedh shteti popullin e vet,se e dime,ti sa ishe president cfare bere konkretisht qe punet te rregullohen, apo more rrogen,keshilla jote nuk vlen me! 

Simon Ndoci

Simon së pari të këshilloj të lexosh Kushtetutën e Shqipërisë, pjesën e kompetencave të Presidentit të Republikës. Aty ke dhe përgjigjen time për ju. Së dyti nuk është normale ti thuash kujdo mos denonco. Këshilla ime është për ata që e pranojnë atë, për askënd që nuk e do. Gjithsesi unë uroj që ju të ndiheni mirë në këtë realitet që kemi. 

Bujar Nishani

Debati mes qytetarit dhe Bujar Nishanit në Facebook

Ja komenti i Nishanit për tenderat:

Agjencia e Prokurimeve Publike raporton se vitin e kaluar qeveria bëri 2234 tendera të mbyllur.

Kjo do të thotë se një e treta e tenderave me paratë e shtetit bëhen pa garë, çka rrit abuzimin skandaloz me paratë publike.

Sipas të dhënave të vetë Agjensisë, rezulton se qeveria ka shpenzuar vitin e kaluar mbi 60 milionë euro në tendera ku ka caktuar fituesin drejtpërdrejtë pa garë. Vlera fituese ka rezultuar sa 99.3 për qind e fondit limit.

Kur nuk ka garë, fituesi i paracaktuar abuzon me maksimumin e fitimit për veten e tij dhe shpenzimin maksimal të parave publike.

Kjo është thjesht dhe troç, grabitje e parave të buxhetit të shtetit !

Konkurimi në tendera bëhet pikërisht për të siguruar ofertën më të leverdisëshme dhe standardin më të lartë që paraqitet nga konkuruesit.

Deri në vitin 2013 këto tenderime bëheshin vetëm elektronikisht, ku askush nuk kishte mundësi të zbulonte paraprakisht ofertat.

Tani hajdutëria ka mbërritur në kup të qiellit.

Pa konkurim fare !!!

Më tej, kur shikon se shumica e këtyre tenderave bëhen jo për shërbime publike por për zyra, makina, palma rrugësh dhe roje, kupton pse nuk dalin paratë për spitale dhe shkolla, për rrogat dhe pensionet, për shërbimet sociale ndaj të pamundurve.

Media njofton se Kryeministria ka hapur një tender për të blerë 12 karrige për zyrën e kryeministrit.

Fondi për këtë blerje rezulton se një karrige e tillë do të kushtonte rreth 26 milion lekë ose rreth 20 mijë euro. Kjo vlerë është e barabartë me asistencën sociale të 1000 familjeve të varfëria që mbajnë frymën për një muaj.

Thënë ndryshe, 12 karriget e kryeministrit kushtojnë sa asistenca sociale e 12 mijë familjeve.

Një shumë e tillë do të ishte e mjaftueshme për një Qëndër Shëndetësore lokale diku.

Një qëndër shëndetësore që qytetarët nga Kukësi apo Tepelena, Peshkopia apo Berati, Lezha apo Lushnja, Rrësheni apo Saranda të mos torturoheshim rrugëve për të mbërritur në spitalet e Tiranës e qëndronin me orë pas dyerve në rradhë të gjata që të kujtojnë kohën e diktaturës përpara dyqaneve të ushqimit.

Kjo shumë do të ishte e mjaftueshme për të rikonstruktuar disa shkolla në zonat rurale ku fëmijët e shqiptarëve qëndrojnë si rifuxho në pikun e acarit dhe torturës njerëzore të dimrit zbuluar.

Por normalja nuk funksionon në Shqipëri. Arsyeja jemi ne, jo qeveria të dashur miq, fatkeqësisht !

Në një shtet normal, do të funksiononin institucionet, të paktën.

Por, sa kohë institucionet antikorrupsion të qeverisë nuk funksionojnë, i del përgjegjësia opozitës jo vetëm ti denoncoj këto afera por të krijojë pranë saj një ekip të gjërë juristësh dhe të pregatisë të gjitha dosjet penale për çdo rast të makutërisë qeveritare me paratë e shqiptarëve.

Ato ti bëjë publike dhe depozitoj në prokurori.

Shqiptarët do ta duartrokisnin këtë akt !

Bujar Nishani, ish-president i Republikës

TAG:
• Bujar Nishani
• tenderat

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1552

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq