POP 5

Lajmet më të lexuara të 5 minutave të fundit

Sociale

Nisin regjistrimet në universitet 
afatet dhe si shpalleni fitues

Afat 48 orë për t’u regjistruar. Si mund të rishpalleni fitues kur ka kuota të lira
Studentët që nuk janë shpallur fitues në fazën e parë, kanë ende shance për të qënë pjesë Universiteteve publike ose private. Prej datës 1 tetor kanë nisur regjistrimet në faza 48-orëshe për të gjitha kuotat e paplotësuara. Nëpërmjet një udhëzimi të posaçëm, ministrja e Arsimit Lindita Nikolla ka bërë publik hapat që duhet të ndjekin studentët për tu shpallur fitues.

“Periudha 1 tetor deri në 14 tetor është e ndarë në 7 faza 48-orëshe. Secili aplikant ndjek ecurinë e procesit të shpalljes fitues të tij në njërin apo disa programe studimi nga ato që ka përzgjedhur në formularin e aplikimit.
Kur ai është shpallur fitues, duhet të paraqitet pranë IAL-së ku dëshiron të regjistrohet, brenda afatit 48-orësh. Nëse aplikanti nuk regjistrohet brenda afatit 48-orësh, ai humbet të drejtën e regjsitrimit, në ato programe studimi ku ishtë shpalllur fitues në atë fazë. Për programet e studimit të ofruara nga universitetet private të cilat nuk parashikojnë kritere shtesë, nuk aplikohet ndarja në faza 48-orëshe”, - thuhet në udhëzimin e MASR.

Kuotat e paplotësuara
“Në rast se pas çdo faze konstatohen kuota të paplotësuara, zhvendoset vija e kuqe dhe shpallen fitues të rinj të asaj faze. Këta fitues të rinj mund të regjistrohen vetëm në fazën pasardhëse. Këto faza vijojnë deri në plotësimin e kuotave dhe përfundojnë në datën 14 tetor 2017. Për programet e studimit me kuota të paplotësuara të cilat nuk ka aplikantë në pritje, do të rikthehen në garë aplikantët e shpallur fitues në fazat paraardhëse, të cilët nuk rezultojnë të regjistruar në programe të tjera studimi. Rikthimi në garë kryhet sipas listës së renditjes së aplikantëve për raundin e dytë.

Regjistrimi i kandidatit, i cili paraqitet personalisht ose nëpërmjet personit të autorizuar prej tij kryhet pranë sekretarive mësimore nga data 10 deri më 14 tetor, sipas dokumentit të dorëzuar në momentin e aplikimit. Kuotat e paplotësuara, plotësohen me kandidatët e renditur sipas pikëve të fituara mbas vijës së kuqe, brenda datës 24 tetor 2017”,- thekësohet në udhëzimin e Ministrisë së Arsimit.

Kuotat e lira
Vetëm në Universitetin e Tiranës janë më shumë se 1 mijë kuota të lira. “Për raundin e dytë në UT kemi 1020 kuota bosh. Fakulteti i Shkencave Sociale 179, Fakulteti i Shkencave të Natyrës 282, Fakulteti i Drejtësisë 30, Ekonomia 96, Histori dhe Filologjia 102, Gjuhët e Huaja 229”, - tha pak ditë më parë Rektori i UT-së Mynyr Koni.

Redaksia Online
D.T/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27