Deputeti socialist Petro Koçi në një lidhje për “Studio Live” në Report Tv shpjegoi arsyet pse propozoi nismë që të mos kandidojnë apo emërohen në funksione publike persona që përdhosin simbolet kombëtare.
Koçi e cilësoi si një projektligj që plotëson dekriminalizimin.
“Ky është projektligj që plotëson ligjin e dekriminalizimit. Zgjedhja do të thotë që ti t'i shërbesh me adhurim republikës. Është fare pa sens që KQZ e ka të pamundur të ndalojë persona që janë dënuar për përdhosje të simboleve kombëtare. Pseduhet që persona që e urrejnë republikën dhe kanë përdhosur simbolet e saj të kandidojnë e me demek të përfaqësojnë republikën”, tha ai në një intervistë për gazetarin Arbër Hitaj.
Kjo iniciativë spunton e ka marrë nga rasti i Fredi Belerit, shtoi Koçi.
“Spunton e ka marrë nga Beleri. Ky projektligj i shpëton dhe partitë politike nga mëkati. Edhe PD e LSI do ta kenë të pamundur nesër që të kandidojnë figura që janë përfshirë në ngjarje të rënda apo që janë dënuar nga gjykata për përdhosje të republikës.
Kjo është një çështje që lidhet me standardet ligjore të republikës së Shqipërisë. Si ndalohet një spiun i shërbimeve sekrete që ta ndalosh të kandidojë për kryetarë partie.”
Kjo nismë depozituar në Kuvend nga deputeti socialist Petro Koçi parashikon ndalimin e ushtrimit të funksioneve publike për ata persona që i ka cilësuar si “tradhtarët e Kombit”. Për juristin Rome Kara ky ligj duhet të ishte standard edhe për certifikimin e personave që merren ne jetë publike përveç atyre të politikës.
"Ky ligj duhet të ishte standard për certifikimin e personave që merren me politikë dhe për personat që merren me jetë publike e pastaj edhe në administratë e sektorë të tjerë me rëndësi. Ne e kemi të parashikuar në kod penal që ndjekin penalisht dhe persona që nuk kanë shtetësi shqiptare që përdhosin simbolet tona. Jashtë shqiptarët edhe kur nuk arrijnë të përvetësojnë mirë e jo më të mos respektojnë historinë në Britani dhe në vende të tjera nuk e marrin atë shtetësinë dhe pashaportën, pra këtu duhet të jemi shumë të kujdesshëm. Jemi në një udhëkryq interesash. Jemi bërë shesh betejë edhe të zbulimeve tuaja por në mënyrë të tillë që të krenohen njerëzit që janë anti- shqiptar që të përdhosin dinjitetin e këtij vendi nuk do lejohen".
Një retorikë të ashpër ka përdorur Juristi Romeo Kara ndërsa komentoi në “Studio Live” në Report Tv deklaratat e kreu të PL Ilir Meta ndaj kreut të SPAK Altin Dumani. Një njeri që ka bërë krime, e quajti Kara kreun e PL-së, për të cilin tha se e konsideron veten të paprekshëm.
“SPAK ka bërë gabime të mëdha se duhet ta kishte kapur Metën në majë të paraleles për veshi me gjithë familjen e vetë që e ka zhytur në krim. Me gjithë bandën LSI, që nëse i merr 1 më 1 ish drejtorët që edhe kur nuk kishin njerëzit para për të paguar për të hyrë në punë punonin 6 muaj falas e pastaj vazhdonin punën. Kur të flet Meta për moral është për t’i rënë murit me kokë. Për këtë ka faj SPAK që rri nga 7 vjet dhe i vjen vërdallë këtij personi. Që duke i ardhur vërdallë këtij i është mbushur mendja se është i paprekshëm. Dhe guxon ky merret dhe me Amerikën. Se ai tallet me këta të huajt. Është miliarder. Një njeri që ka bërë krime. Jam dakord me Berishën që nja dy i ka lënë te mali me gropa. S’ka lënë gjë të zezë pa bërë del e na shet dokrra. Se nuk e njohim ne ilir Metën apo ilir Metajn”, tha Kara në një intervistë me gazetarin Arbër Hitaj.
Të pashpresë e konsideroi juristi Metën, ndërsa zhurmën që ka krijuar së fundi ia atribuoi pasigurive që ai ka.
“Për herë të parë që u janë plotësisht dakord me Berishën që ai është një kokë e qelbur dhe një kokë e krimit. Besoj se ky kokë 18 cepësh për mua që është kokë e qelbur dhe e krimit është thjesht i pashpresë. E kam thënë se personi më i zhurmshëm nuk është më i forti por më i pasigurti. Ai e shef të ardhmen e tij katastrofë".
Edhe ish-anëtari i Këshillit të PD-së, Skerdjan Dhuli e quajti autogol gjuhën e ashpër të Metës ndaj SPAK.
“Kam pasur kontestime ndaj SPAK, por diferenca mes kontestimeve dhe gjuhës së ashpër është e madhe, në përplasjen mes metës dhe dumanit dikur do t’i duhet ti mbyllet karriera. Dhe këtu mendoj se mbyllet karriera e Metës. Retorika është e papranueshme, aman kjo kurrsesi nuk mundet të jetë një mbështetje pa kushte ndaj SPAK. SPAK e mbështes edhe unë. Ama nuk mund të thuash sot se spak është në vijën e duhur. S’po gjen dot një person të arrestuar në detyrë. S’po gjen dot një zyrtar të arrestuar në detyrë. Meta po bën gafë trashanike në mënyrën si i drejtohet spak. Po bën autogol. Duam apo jo, SPAK është institucion kushtetues", u shpreh Dhuli.
Lajme të tjera
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Petro Koçi ironizon PD-në: Keni kaluar nga një kryetar që vetëm flinte, në një që nuk e zë gjumi nga hallet me drejtësinë! Bëtë 3 grushte shteti
12 Dhjetor, 20:10 -
'PD-PS, një tenxhere me kapak, duhet të marrin fund!', avokatët përplasen në 'Studio Live', Alesia Balliu: Berisha është kryetari i partisë sime, jo pronari im
5 Dhjetor, 18:04 -
Petro Koçi në Report Tv: Berisha skenar ogurzi si i ’97-ës, fshihet pas qeverisë teknike! Protestë me akte guerrile, duhet të gjykohet edhe për 21 janarin
28 Nëntor, 19:01 -
Lirimi i Berishës, Romeo Kara: Vendim i frymëzuar nga pazari politik! Ish- shoferi i tij gjyqtar i dha vulën e PD, kërcënoi trupën e prokurorëve! Kuçana: Kemi bërë gabime, në 2013 ikëm nga pushteti
28 Nëntor, 17:59 -
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
'Duhet të arrestohen me qindra veta në ditë', shpërthen avokati Romeo Kara: Ata janë agallarë për sa kohë i mbajmë mbi qafën tonë
5 Nëntor, 20:07 -
Arrestimi i Metës, Romeo Kara: Përgëzime policisë! Edhe aleati i vet në kat të 8-të e ka quajtur koka e krimit! Demiraj: U tërhoq zvarrë për të panikosur opozitarët
22 Tetor, 21:40 -
'Kam qenë i motivuar se kisha protestë brenda vetes', flet kallëzuesi i CEZ/DIA: Meta duhej marrë zvarrë! Këta kanë dorëzuar shtetin në dorë të kriminelëve
21 Tetor, 19:50 -
Tensione në Kuvend/ Albana Vokshi i afrohet Petro Koçit për ta sulmuar! Spiropali: S’keni të drejtë të dhunoni deputetët!
17 Tetor, 10:31 -
PD dogji karriget e Kuvendit, Koçi në ‘Repolitix’ Krim i organizuar, duan qeveri teknike që bandat elektorale të kenë liri! Kthupi: Kompromis Rama-Berisha
15 Tetor, 22:35
