Niveli më i ulët prej vitit 2021, inflacioni zbret në 2.3 %! INSTAT: Mallrat po shtrenjtohen, përveç karburantit

Për të dytin muaj radhazi inflacioni në vend ka rezultuar më i ulët se objektivi i Bankës së Shqipërisë prej 3%. Instituti i Statistikave thotë se inflacioni në muajin mars ishte 2.3%, që është niveli më i ulët që prej korrikut të vitit 2021, kur sapo kishte filluar të jepte shenjat e kriza e çmimeve që kulmoi në vitin 2022. Ndërsa në muajin shkurt inflacioni ishte 2.6%.

Edhe pse rritja e çmimeve është ngadalësuar përsëri inflacioni vijon të dominohet nga produktet e shportës, që janë shtrenjtuar me 1% krahasuar me muajin paraardhës.

Ndërsa në raport me marsin e vitit të kaluar, INSTAT thotë se rritja më e madhe e çmimeve u regjistruar tek mobiliet e mirëmbajtja e shtëpisë me 4,2 %, ndjekur nga “Argëtim dhe kulturë” me 3,8 %, “Hotele, kafene dhe restorante” me 3,5 %, “Pije alkoolike dhe duhan”, “Veshje dhe këpucë” dhe “Mallra dhe shërbime të ndryshme” me 3,3 % secili, “Qira, ujë, lëndë djegëse dhe energji” me 2,4 %, “Shërbimi arsimor” me 2,3 %. Ndërsa ushqimet u shtrenjtuan me 2%, më pas është shëndeti e komunikimi me rritje 1.9% dhe 0.2%. Vetëm çmimet e transportit shënuan ulje me 0,3 %.

“Brenda grupit të ushqimeve çmimet e nëngrupit “zarzavate përfshirë patatet” patën një rritje me 4,7 %, pasuar nga nëngrupet “peshk” me 4,6 %, “sheqer, reçel, mjaltë, çokollata dhe ëmbëlsira” me 4,4 %, “qumësht, djathë dhe vezë” u rritën me 4,0 %, “mish” me 3,7 %”, thotë INSTAT.

Banka e Shqipërisë thotë se çmimet në vend po ulen, për shkak të rënies së inflacionit në tregjet e huaja, por kostot e prodhimit në tregun vendas mbeten të larta. Edhe pse inflacioni në shkurt e në mars ishte më i ulët se 3%, banka e Shqipërisë gjykon se është ende herët për të ulur normën bazë të interesit.

 

K.T./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Shpërthim me tritol në banesën e 50-vjeçarit në Fushë-Krujë (EMRI)

Shpërthim me tritol në banesën e 50-vjeçarit në Fushë-Krujë (EMRI)