Agron Selimi është i vetmi që ndërthur punimin e instrumentit popullor me interpretimin. Tashmë në pension e kalon kohën në një qoshe të qytetit duke punuar në mënyrë artizanale cyle e dyjare...
75-vjeçari nga Tepelena është një personazh i dashur për vendasit pasi prej 45 vitesh ka marrë pjesë në grupin polifonik të Bënçës.
“Kam qenë në Festivalin e Gjirokastrës. Kam qenë në skenë se grupi i Bënçes bënte lidhjen e të gjithë festivalit aty me këngë dhe valle”- tha ai.
Veglat e punës për të janë daltat, zdrukthi, sqepari, apo dhe teknikë motorrike për përsosmërinë e instrumenteve. Na tregon se brenda katër ditëve, drurin e panjës apo të piksit, e kthen në dyjare, një instrument tipik për zonën e Labërisë.
‘Këto dyjare që bëj unë bëhen me 4-5 lloje drurësh . I pari është druri piks, është dru i qeshur në vetvete që jep tingëllim. Pastaj është duri i panjës. Edhe dëllënja e arra është e mirë”’- shpjegoi Selimi.
Cylet, dyjaret, apo instrumente të tjera prodhohen me një cilësi absolute, e më pas, zbukurohen me motive popullore përmes daltës së mjeshtrit.
”Nga anët tona sekush e ka në qark cylen dyjare. Ajo është instrumenti më i kënqshëm. Është dhe fyeli i gjytë, por shpesh cylja dyjare është e shkurtër. E merr me vete dhe nuk të rëndon shumë si instrument cylja dyjare.”- tha 75-vjeçari.
E rëndësishme është që Agron Selimi, asnjëherë nuk ua shet qytetarëve instrumentet pa i akorduar, pasi siç thotë ai, akordimi është procesi që e bën të këndueshëm instrumentin.
“E tëra është artizanale sepse kjo nga një dru i trashë kërcu, do përpunuar të gjitha deri sa arrin që të futësh melodi, zbukurime. Nuk është kollaj që të bësh sulën dyjare.”- nënvizoi ai.
Zona e Labërisë, ka pasur një traditë të hershme të instrumentistëve popullore, shumica barinj që luanin melodi baritore teksa kullosin bagëtitë. Sot Agron Selimi, ndoshta mund të jetë i vetmi që ka mbetur në Tepelenë dhe që ruan me fanatizëm punimet e drurit siç është kjo faqe muri për të cilën thotë ai, e pati punuar 40 vite më parë.
“E kam punuar komplet me dorë, pa makineri pa gjë”- tha ai.
Meraku i tij është mungesa e trashëgimisë së zanatit, pasi sot të rinjtë marrin udhët e mërgimit.
Lajme të tjera
-
Krishtlindja/ Urime për paqe dhe dashuri nga Gjirokastra
25 Dhjetor, 12:00 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin
22 Dhjetor, 16:59
-
Gjirokastër/ Banesa përfshihet nga zjarri, shkak një defekt në bombulën e gazit! Shpëtojnë mrekullisht familjarët
21 Dhjetor, 15:40 -
Gjirokastër/ Makina del nga rruga te 'Ura e Kardhiqit', vdes drejtuesi 62-vjeçar
20 Dhjetor, 08:02 -
AMP arreston 2 policë! Njëri u denoncua nga ish-bashkëshortja, theu urdhrin e mbrojtjes dhe i vodhi valixhen me 5 milion lekë
19 Dhjetor, 10:58 -
‘Aperitivo italiano’, jazz & soul në Gjirokastër! Koncert me këngët më të bukura të muzikës italiane
16 Dhjetor, 14:52
-
Media spanjolle 'ABC': Shqipëria fiton popullaritet në mesin e turistëve ndërkombëtarë
15 Dhjetor, 08:14
