'Njësia e re për anti-korrupsion dhe anti-evazion në krijim e sipër'/ Lleshaj nga Vlora: Lufta kundër krimit pa kufizime gjeografike (VIDEO)

VLORE- Njësia e re për anti-korrupsion dhe anti-evazion e paralajmëruar nga kryeministri Edi Rama gjatë vizitës së tij në SHBA është në krijim e sipër. Kjo ka qenë deklarata e ministrit të Brendshëm Sandër Lleshaj i cili ishte sot në Prefekturën e Vlorës ku adresoi disa problematika të rendit dhe sigurisë. Lleshaj tha se lufta kundër krimit nuk do të ketë kufizime gjeografike dhe do të shtrohet në të gjithë territorin e Republikës.

"Njësia është në krijim e sipër, sepse nuk mund të them se si do të jetë trajta përfundimtare e saj por bëhet fjalë për krijimin e një strukture, e cila do të adresojë me theks të veçantë krimin ekonomik dhe korrupsionin, dy fusha të cilat meritojnë qasje të re. Vetëm kaq mund të them sot. Kur të formalizohet do të dini detajet. Lufta kundër krimit nuk ka kufizime gjeografike, ajo do të shtrihet në të gjithë territorin e Republikës së Shqipërisë.

Situata, jo vetëm në Vlorë, por në të gjithë Shqipërinë, statistikisht është më e mira se sa të gjitha vitet që kemi kaluar, por sigurisht kjo nuk është një arsye që ne të flemë. Përkundrazi ne synojmë të shtojmë intensitetin e punës së policisë dhe strukturave të tjera për ta përmirësuar më tej rendin, sigurinë publike në Vlorë. Ne sigurisht, mendojmë dhe besojmë fort që mbështetja e policisë është mbështetje për qytetarët, dhe ne do të vazhdojmë ta mbështesim policinë në mënyrë që ajo t’i ketë të gjitha atributet për ta plotësuar misionin  e saj mjaft të ndërlikuar dhe të vështirë. Ligji i parashikon këto situata. Ligji nuk konkurron, nuk krijon situata konkurruese midis procedurave të ndryshme. Nëse ka procedura që po zhvillohen ndërkohë nga gjykata, ligji nuk vepron", tha Lleshaj.

LEXO EDHE:
I pandehur për shkelje të barazisë në tenderë, deputeti i PS, Plarent Ndreca 4 orë në SPAK: Flas në momentin e duhur

Gjatë mbledhjes Lleshaj u shpreh se gjatë vitit 2020, prioritet mbetet rindërtimi pas tërmetit të 26 nëntorit, por nuk la pa përmendur edhe sigurinë rrugore dhe lirimin e hapësirave publike përgjatë vijës bregdetare. Ndërsa nuk la pa theksuar edhe emërtimet e rrugëve, shesheve, proces i cili siç ai tha do t'i besohet institucionit të prefekturës.

"Viti 2020, i rëndësishëm dhe prioritet është rindërtimi i vendit pas tërmetit të nëntorit. Qëllimi tjetër mbetet goditja e krimit të organizuar dhe kryesisht financat e tyre. Krimi ka ngritur një biznes të dëmshëm për vendin. Goditja e krimit mes financave të tyre është prioritet dhe kryesore. Për këtë kërkohet angazhimi i të gjitha institucioneve dhe jo vetëm policisë. Flas për ato institucione që merren me tatimet apo taksat.

Siguria rrugore qëllim i rëndësishëm. Viti 2020 i rëndësishëm për një siguri të lartë rrugorre.

Lirimi i hapësirave publike përgjatë vijës bregdetare. Vitin e shkuar ndërhymë për të larguar ata që kishin ndërhyrë në mënyrë të paligjshme. Por tashmë do të vihen para përgjegjësisë ata që nuk ndërhyjnë sipas ligjit.

Nëse të gjitha institucionet do ta bëjnë si duhet punën e tyre,  nuk ka sesi të kete raste kultivimi. Vjet ka qenë maji,  kur i thamë policisë çfarë kapet brenda kësaj date është merita juaj, çfarë bëhet pas kesaj date është përgjegjësia juaj. Këtë vit ky afat është Marsi. Jam i bindur se kjo do të realizohet si objektiv. Por nuk është vetëm  përgjegjësi e policisë, por edhe administratorët lokal, kryepleqtë dhe pushteti vendor etj.

Edhe ne këtë rast policia do të merret me personat  përgjegjës  jo me bimët. Pra jo të kosisë me male, kjo është qasja  dhe jo objektiv. Nëse është territor privat është e thjeshtë përgjegjësia, nëse është territor shtetëror është e qartë përgjegjësia. Fenomeni është minimizuar, por po  punojmë ti shterojmë një burim financiar krimit në përgjithësi.  Çështje tjetër e rëndësishme ka te bëjë me emërtimet e rrugëve, shesheve banesave  për tu mundësuar, një administrim normal  i territorit. Integrimi i regjistrimit, të adresave me atë të gjendjes civile. Ky proces do ti besohet  prefekturës si proces", tha Lleshaj.

TAG:
• Sander Lleshaj
• anti kck
• prefektura e vlores

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1543

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq