POP 5

Lajmet më të lexuara të 5 minutave të fundit

Sport

'Nuk mori mjekimet e duhura', Ajax nuk harron, dhuron 7.8 milionë € për familjen e 'Appie'

Ishte data 8 korrik e vitit 2017, Ajax po zhvillonte një ndeshje miqësore me Werder Bremen në alpet e Austrisë dhe Nouri befas u gjunjëzua në tokë. Ai humbi ndjenjat dhe një helikopter e nisi në një spital të Insbrukut. Kontrollet zbuluan një problem në tru, teksa më pas erdhi lajmi i tmerrshëm: “Nouri nuk mund të zbresë më në fushë”...

'Nuk mori mjekimet e duhura', Ajax nuk harron, dhuron 7.8 milionë € për familjen e 'Appie'

Abelhak Nouri ishte një talent i jashtëzakonshëm, por edhe shumë i pafat. Ajax ka nxjerrë shumë talente, por mesfushori shtatshkurtër me origjinë nga Maroku, i cili shënoi në ndeshjen debutuese me “Harkëtarët”, ishte unik.

Ishte data 8 korrik e vitit 2017, Ajax po zhvillonte një ndeshje miqësore me Werder Bremen në alpet e Austrisë dhe Nouri befas u gjunjëzua në tokë. Ai humbi ndjenjat dhe një helikopter e nisi në një spital të Insbrukut. Kontrollet zbuluan një problem në tru, teksa më pas erdhi lajmi i tmerrshëm: “Nouri nuk mund të zbresë më në fushë”...

Djaloshi doli nga koma, njohu familjarët, por pas pak kohësh përfundoi sërish në koma. Pas rreth tre vitesh u zgjua përsëri. Nouri vazhdon jetën në karrige me rrota dhe gjithë tifozët e futbollit janë të lumtur për rikthimin e tij në jetë. Shikimi i ndeshjeve e gëzon dhe nuk i mungon buzëqeshja në fytyrë, teksa vëllai i tij zbuloi kohë më parë gjendjen e “Appie”, siç e thërrasin miqtë:

“Abdelhak është zgjuar, arrin të ushqehet, por nuk lëviz dot nga krevati. Në momentet më të mira komunikon duke lëvizur vetullat. Appie është i ndërgjegjshëm se ku ndodhet. Ka rëndësi të madhe për të qëndrimi pranë familjes. Vëmë re se i pëlqen kur shohim ndeshje në televizor, ndonjëherë edhe buzëqesh. Ne bëjmë sikur nuk është i sëmurë dhe i flasim shpesh”.

Tek Ajaxi nuk e kanë harruar. Drejtuesit e klubit të famshëm holandez deklaruan se Nouri nuk mori mjekimet e duhura pas ngjarjes së rëndë, duke marrë përsipër përgjegjësitë për atë që ndodhi. Ditën e sotme, Ajaxi ka njoftuar se do t’i paguajë familjes së 24-vjeçarit plot 7.85 milionë euro si dëmshpërblim.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça