Qitësja gjeorgjiane Nino Salukvadze, në moshën 55-vjeçare është bërë gruaja e parë që ka marrë pjesë në 10 Lojëra Olimpike dhe i vetmi person që e arrin këtë shifër me pjesëmarrje radhazi. Ajo mori pjesë në raundin e kualifikimit me pistoletë me ajër 10 metra.
Garën e përfundoi në vendin e 38, larg tetëshes që hyn në finale, por prania e saj e lejoi të jetë e barabartë me kalorësin kanadez Ian Millar, i cili konkurroi në 10 Lojëra midis viteve 1972 dhe 2012. Millar humbi vetëm Olimpiadën e Moskës 80, për shkak të bojkotit.
Qitësja gjeorgjiane është shprehur: “Nuk mendoj se do të vazhdoj pas këtyre lojërave. Koka ime është ende në formë, nuk e humb teknikën, por sytë e mi nuk e shohin më të njëjtën gjë. Nuk mund ta ndalosh kohën, plakesh dhe ndihet në shikim”.
Salukvadze fitoi biletën për në Paris pasi u rendit e katërta në garën me pistoletë 25 metra në Lojërat Evropiane të mbajtura në Krakov, në vitin 2023.
Ajo mori pjesë në Lojërat e saj të para në moshën 19-vjeçare, në “Seul 88”. Atëherë garoi nën flamurin e Bashkimit Sovjetik, duke fituar medaljen e artë në garën me pistoletë 25 metra dhe argjendin në 10 metra pistoletë me ajër.
Katër vjet më vonë, ajo shkoi në “Barcelona 92” si pjesë e Ekipit të Unifikuar, emër i përdorur nga Komiteti Olimpik Ndërkombëtar për delegacionet sportive të ish-republikave të Bashkimit Sovjetik.
Që nga “Atlanta 96”, Salukvadze ka konkurruar për Gjeorgjinë. Salukvadze fitoi një tjetër bronz në Lojërat e Pekinit. Imazhi i saj në podium bëri xhiron e botës.
Në mes të luftës mes Gjeorgjisë dhe Rusisë, 10 herë olimpistja nuk ngurroi të përqafonte dhe puthte rusen Natalia Paderina, e cila kishte fituar medaljen e argjendit.
“Ne i tregojmë të gjithë botës se sporti është paqe. Lojërat Olimpike ndalojnë luftërat dhe promovojnë paqen. Ky gjest ishte një mënyrë për të mbështetur paqen”, pati thënë atëherë gruaja nga Gjeorgjia.
Në “Londër 2012” ajo ishte mbajtësja e flamurit për vendin e saj në ceremoninë e hapjes. Në “Rio 2016” ajo hyri në histori duke konkurruar përkrah djalit të tij.
Asnjëherë më parë nënë e bir nuk kishin marrë pjesë në të njëjtin edicion të Lojërave. Tsotne Machavariani, i biri, debutoi në moshën 18-vjeçare në garën me pistoletë 25 metra. Pranë tyre ishte Vakhtang Salukvadze, babai i Ninos dhe gjyshi i Tsotne, i cili është trajneri i tyre.
Në Tokio, gruaja e rekordeve përfundoi e 32-ta në pistoletë 10 metra dhe e 25-ta në pistoletë 25 metra. Në Paris i ka mbetur ende testi i pistoletës 25 metra, të cilin do ta garojë të premten, më 2 gusht, duke filluar nga ora 9:00.
Lajme të tjera
-
VIDEO/ Bëri kryqin në Lojërat Olimpike të Parisit, sportisti serb pezullohet me 5 muaj
20 Shtator, 11:53 -
Rama nderon medalistët e Lojërave Olimpike: Ftoj më shumë sportistë të huaj të garojnë me fanelën e Shqipërisë, pa i ndryshuar emrin as ngjyrën (dhe një mesazh për hudhrat)
4 Shtator, 11:04 -
Bënë ‘seflie’ me sportistët e Koresë së Jugut, lojtarët e pingpongut të Koresë së Veriut rrezikojnë ndëshkimin
2 Shtator, 20:50 -
Thierry Henry jep dorëheqjen nga drejtimi i kombëtares së Shpresave të Francës
19 Gusht, 16:09 -
Mero Baze: Sulmi fizik ndaj ekipit olimpik, është qëndrimi zyrtar i PD
15 Gusht, 19:21
-
Shtëpia është e Zotit, mikut… por dhe e medalsjellësit
15 Gusht, 11:55
-
Shkruan historinë olimpike për Shqipërinë në ‘Paris 2024’, qeveria shpërblim 14.7 milionë lekë për dy mundësit Valiev dhe Dudaev! Përfitojnë edhe trajnerët
15 Gusht, 07:32 -
Paris 2024/ Fitoi medaljen e parë të artë për vendin e tij, në Pakistan e presin si hero
14 Gusht, 15:47 -
Medalistët serbë të Paris 2024, festojnë me këngë nacionaliste për Kosovën
13 Gusht, 15:19 -
Paris 2024/ Rekorde dhe kuriozitete nga Lojërat Olimpike
13 Gusht, 13:59 -
Shqipëria synon medaljen e artë në Olimpiadë, Federata e Mundjes ankimon në CAS padrejtësinë kundër Chermen Valiev në 'Paris 2024'
13 Gusht, 12:02 -
Burgu i Rusisë dhe podiumi në Paris, atletja i provon të gjitha për 24 muaj
13 Gusht, 11:30
