POP 5

Lajmet më të lexuara të 5 minutave të fundit

Ekonomi

Nuk realizohet buxheti 2019, mungojnë 216 mln euro! Ministria e Financave: Goditja më e madhe u shkaktua nga TVSH-ja

Buxheti i shtetit për vitin 2019 nuk është realizuar në masën e 216 milionë eurove. Në total sipas të dhënave të Ministrisë së Financave të ardhurat arritën në 460.3 miliardë lekë. Ndërkohë goditja më e madhe në mosrealizimin e të ardhurave është dhënë nga Tatimi mbi Vlerën e Shtuar.

TIRANE- Buxhetit të shtetit për vitin 2019 i mungojnë rreth 216 milionë euro, për shkak të mosrealizimit të zërave buxhetor. Në total të ardhurat në fund të dhjetorit arritën në 460.3 miliardë lekë, duke mos arritur të realizohet as plani fillestar i buxhetit, as akti normativ dhe as parashikimet e publikuara në fletoren zyrtare për kuadrin makroekonomik 2021-2023.

Pak ditë më parë me miratimin e kuadrit makroekonomik qeveria rishikoi edhe rritjen ekonomike në nivelin e 2.7%. Goditjen më të madhe financat publike e kanë marrë nga mungesa e të ardhurave nga TVSH-ja. Edhe pse 2019 është shoqëruar me një aksion kundër evazionit fiskal të vazhdueshëm, arkës së shtetit vetëm nga ky zë i mungojnë 18.9 miliardë lekë.

Ndërkohë janë tejkaluar parashikimet për dy zëra atë të tatimit mbi fitimin pasi janë mbledhur 3 miliardë më shumë duke arritur në 36.5. Po ashtu edhe të ardhurat nga tatimi mbi të ardhurat personale ka kaluar pritshmëritë pasi janë mbledhur  4.2 miliardë lekë më shumë se plani përfundimtar duke arritur në 46.1 miliardë në total. Të ardhurat nuk janë realizuar as nga pushteti vendor pasi mungojnë rreth 2.5 miliardë ndërsa në total janë mbledhur 23 miliardë lekë.

Ndërkohë në vitin 2018, diferenca në mosrealizimin e të ardhurave ishte vetëm 11 miliardë dhe nga TVSH-ja mosrealizimi ishte në vlerën e 3 miliardë lekëve.

Po ashtu vihet re se qeveria e ka pasur të pamundur të realizojë edhe shpenzimet e parashikuara, që ishin në nivelin e 519.5 miliardë lekë pasi ka realizuar vetëm 491.8 miliardë lekë, duke penalizuar kështu edhe investimet e parashikuara. Pasi ka pasur një mosrealizim në shpenzimet kapitale në vlerën e 11 miliardë lekëve, ndërsa shpenzimet kapitale nuk janë realizuar me më shumë se 13 miliardë lekë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dori: 27/02/2020 07:42

    Per nje mall ne supermarket qe kushton 1500 leke te vjetra ,,taksa eshte 200 leke...kjo eshte shume e larte,,taksa duhet te jete 5%...

    Përgjigju
  • Shqip: 19/02/2020 21:59

    Keshtu esht kur i mbyll t gjitha zoti rama sikur sikur vu fabrikat n shqiperi edhe zvajti njeri dhe ato vende pune q jan jan me 300milek q nuk dalin as per buk that leri t tjerat

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça