POP 5

Lajmet më të lexuara të 5 minutave të fundit

Sociale

Nëntë specialistë të rinj në Spitalin e Lezhës, Manastirliu: Këtë vit nis ndërtimi i maternitetit të ri

Janë 350 milion lekë nga buxheti i shtetit, të cilat do të investohet për ndërtimin e maternitetit të ri në Lezhë. Godina e re e maternitetit do të ketë të gjitha shërbimet, duke filluar nga urgjenca, sallat e lindjes, dy salla operacioni, me një kapacitet 50 shtretër.

“Materniteti i ri i Lezhës nis të ndërtohet brenda këtij viti”. Gjatë prezantimit të ekipit të ri të mjekëve specialistë, të cilët i janë bashkuar spitalit rajonal të Lezhës, Ministrja e Shëndetësisë dhe Mbrojtjes Sociale Ogerta Manastirliu, prezantoi projektin për transformimin e spitalit të Lezhës, që nis me ndërtimin e maternitetit të ri.

 “Kemi finalizuar projektin për transformimin e spitalit rajonal Lezhë, që nis këtë vit me ndërtimin e maternitetit të ri, i cili do të jetë pjesë e korpusit spitalor”, tha Manastirliu gjatë takimit me mjekët e këtij spitali.

Janë 350 milion lekë nga buxheti i shtetit, të cilat do të investohet për ndërtimin e maternitetit të ri në Lezhë. Godina e re e maternitetit do të ketë të gjitha shërbimet, duke filluar nga urgjenca, sallat e lindjes, dy salla operacioni, me një kapacitet 50 shtretër.

Duke deklaruar se ky është investimi më i rëndësishëm prej më shumë se 2 dekadash në këtë spital, Ministrja Manastirliu tha se projekti do të vijojë edhe në dy faza të tjera, me rehabilitimin e Poliklinikës së spitalit dhe rehabilitimin e plotë të godinës qendrore të spitalit të Lezhës.

Këto deklarata Ministrja Manastirliu i bëri gjatë prezatimit të 9 mjekëve specialistë në shërbimet e gjinekologjisë,  kardiologjisë, kirurgjisë, urgjencës, reumatologjisë, onkologjisë, mikrobiologjisë dhe mjekësisë transfuzive, duke mundësuar edhe shërbime që nuk ofroheshin më parë në këtë spital.

“E kemi dëgjuar shpesh që mungojnë mjekët specialistë. Politika e bllokimit të specializimeve për 4 vite patjetër që shkaktoi probleme dhe mungesa, por sot, pas katër vitesh specializim ja ku janë mjekët e rinj që po ofrojnë shërbime të specializuara. Janë 167 mjekë specialistë me kontratë me Ministrinë e Shëndetësisë, që prej muajit Mars janë atashuar pranë spitaleve rajonale dhe bashkiake në vend”, tha Manastirliu.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Fieri, Durrësi dhe Lushnja në terr, ndërpritet energjia elektrike (VIDEO)

Fieri, Durrësi dhe Lushnja në terr, ndërpritet energjia elektrike (VIDEO)

5 Janar, 17:44