POP 5

Lajmet më të lexuara të 5 minutave të fundit

Kronikë

Nyje lidhëse për Gjirin e Lalzit, rruga tejet e amortizuar, banorët: Burim aksidentesh

Rruga që lidh njësinë administrative të Ishmit me qytetin e Durrësit, Gjirin e Lalëzit dhe Fushë-Krujën është në gjendje të amortizuar, duke krijuar mjaft peripeci për drejtuesit e automjeteve dhe banorët e zonës.

Rrëshqitjet e dherave në të gjithë gjatësinë e këtij segmenti kanë sjellë shembje të asfaltit duke rrezikuar jetën e drejtuesve të automjeteve që kalojnë në këtë rrugë ku edhe nuk kanë munguar aksidentet me pasoja në jetë njerëzish. Banorët shprehen se shkak i amortizimit është bërë edhe kalimi në të i automjeteve të tonazhit të rëndë,  ndërsa bëjnë apel për ndërhyrje të menjëhershme.

"Rruga është e pa përdorshme është shemb në disa vende makinat me tonazh të rëndë e kanë prishur. Tani fillon plazhi se ku do të shkojnë këto që frekuentonjë plazhin nuk e di, çfarë do të bëhet nuk është marrë asnjë masë. Ka pas shumë raste që shumë makina kanë rënë në greminë. Ky aks rrugor është i shkatërruar" tha njëri nga banorët.

Gjatë verës ky aks është një nyje lidhëse shumë e rëndësishme për turistët që frekuentojnë plazhin e Gjirit të Lalëzit, por pavarësisht kësaj ende nuk është marrë asnjë masë për rehabilitimin e saj.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12