'O shpirt i motrës...' Duartrokitjet e gëzimit dhe heshtja e kobshme pas shuarjes së familjes Greku në Thumanë

Të gjithëve na prekën lotët, ankthi dhe dëshpërimi i një zonje teksa kërkonte vëllain, nusen dhe djalin e tyre dhe priste me shpresë që një mrekulli t'i kishte lënë ata gjallë nën rrënojat e pallati të shembur në Thumanë. Por fati që i ndoqi ishte tragjik, të tre u nxorën të pajetë. Pëllumb Greku 57 vjeç, bashkëshortja e tij Çelike 57 vjeç dhe djali i tyre Saimir 31-vjeçar, u nxorën të pajetë nga rrënojat. Shpëtimi i tij u prit me duartrokitje nga forcat e ushtrisë dhe të policisë që prej orësh të tëra kryenin një nga operacionet më të vështirë. Por ky gëzim u kthye në heshtje të kobshme pasi u riu ndërroi jetë në duart e mjekëve në spital.

Motra e Pëllumbit e kërkonte e përlotur teksa nga dhimbja iu drejtua për ndihmë edhe kryeministrit Edi Rama gjatë një prej vizitave të tij pranë të prekurve nga tërmeti në Thumanë. Saimiri u nxorr me shenja jete nga gërmadhat e pallatit pas orëve të tëra nën to, por nuk mundi të mbijetojë dhe ndërroi jetë në spitalin e Traumës në Tiranë. Për orë të tëra gruaja priti të merrte lajme të mira nga grupet e kërkim-shpëtimit me fijen e shpresës së në mesin e rrënojave, të afërmit e saj të zemrës do të dilnin gjallë. Por familja Greku nuk e pati këtë fat, u larguan përfundimisht nga kjo botë, të tre së bashku.

O shpirt i motrës, o Pëllumb! Nëse do të kisha mundësi - thoshte ajo një ditë më parë - do të ndërhyja vet për të parë nëse janë mirë ose jo. Teksa ekipet e shpëtimit mundoheshin ta qetësonin...

Lajmi kryesor:

HISTORITË rrëqethëse të personave të vdekur nën rrënoja që na bënë të gjithëve të përlotemi (VIDEO)

G.M./B.K./Shqiptarja.com

TAG:
• termet me viktima ne Shqiperi
• histori njerezore
• Historite e viktimave te termetit