POP 5

Lajmet më të lexuara të 5 minutave të fundit

Kronikë

OBSH: Maska duhet të përdoret gjithmonë. A do të fillojë edhe Ogerta Manastirliu ta shpjegojë atë në Shqipëri?

Kush e di nëse tani Ogerta Manastirliu dhe ekspertët e saj më në fund do të fillojnë tjua kujtojnë shqiptarëve se maska është e domosdoshme për t’u përdorur, pasi ministrat dhe ekspertët nga pjesa tjetër e Evropës e kanë bërë me muaj të tërë

Në dallim nga këshillat e Ministrisë së Shëndetësisë, Organizata Botërore e Shëndetit ka vendosur që maska ​​të mbahen në vende publike dhe jo më vetëm nga punonjësit e shëndetit, pacientët Covid-19 dhe ata që i ndihmojnë. Organizata Botërore e Shëndetit ka lëshuar udhëzime të reja për përdorimin e pajisjeve mbrojtëse që kanë qenë në përdorim prej muajsh për emergjencën e koronavirusit, edhe pse ato nuk janë të mjaftueshme, siç konfirmohet nga Drejtori i përgjithshëm, Tedros Adhanom Ghebreyesus, por ndihmojnë për tu "mbrojtur kundër Covid-19".

Pothuajse në të gjitha vendet e Bashkimit Evropian, Itali mbi të gjitha, përdorimi i maskës ka qenë i detyrueshëm për javë me radhë në të gjitha mjediset e mbyllura, supermarkete, dyqane, zyra. Në Shqipëri, ky detyrim ishte i parashikuar (por jo dhe i reklamuar) për gjimnazistët që ktheheshin në klasë. Por për çudi, Ministria e Shëndetësisë shqiptare nuk po bën ndonjë promovim për përdorimin e maskës si një sistem i përhapur i mbrojtjes nga Covid19, dhe është mjaftuar vetëm me sugjerimin paraprak të larjes së duarve. Distanca sociale në Shqipëri gjithashtu duket një parim tashmë i harruar, sepse Ogerta Manastirliu dhe grupi tekniko-shkencor, nga ana tjetër, nuk insistojnë, siç ndodh në Itali dhe në Evropë, për nevojën për të përdorur një maskë sa herë që njerëzit takohen jashtë me njerëz të tjerë bërthamës familjare të tyre.

Tani, në dritën e provave të reja për transmetimin e infeksionit, organizata duket se ka bërë hapa pas.

"Në dritën e situatës aktuale, OBSH rekomandon qeveritë të inkurajojnë përdorimin e maskave, ku ekziston mundësia e një përhapje te gjerë te virusit dhe distanca fizike është e vështirë për tu mbajtur, siç është transporti publik, dyqanet ose mjediset e tjera të mbushura me njerëz ”, tha drejtori i Organizatës.

Kush e di nëse tani Ogerta Manastirliu ekspertët e saj më në fund do të fillojnë tjua kujtojnë shqiptarëve se maska është e domosdoshme për t’u përdorur, pasi ministrat dhe ekspertët nga pjesa tjetër e Evropës e kanë bërë me muaj të tërë.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjini: 06/06/2020 13:37

    Thuaj OBSh ta vejne dhe ne bythe masken

    Përgjigju
  • Raku: 06/06/2020 11:17

    Obsh ca thote sot nuk thote neser.E pame sa efiçente ishte kur fshehu te dhenat e Kines.Vetem per maskat kane ndryshuar 4 versione.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21