POP 5

Lajmet më të lexuara të 5 minutave të fundit

Sport

‘Off Road’, 60 fouristrada e 25 motorë aventurë në Lurë! Të apasionuarit e terreneve të vështira dhurojnë spektakël

Prej dy ditësh është zhvilluar në Lurë një nga aktivitetet më të mëdha Of Road. Grupe të organizuara nga të gjitha qytetet e Shqipërisë, Kosovës, Maqedonisë së Veriut dhe Malit të Zi u mblodhën në një nga garat më të mëdha të zhvilluara në vendin tonë.

Për dy ditë me radhë në zonën e Lurës në Dibër u organizua gara e “Rally Of Road”, ku morën pjesë dhjetëra të rinj nga Shqipëria, Kosova, Maqedonia dhe Veriut. Synimi i aktivitetit është promovimi i Lurës dhe gjithë Dibrës, thanë organizatorët që janë kujdesur për të mos dëmtuar mjedisin.

Në ditën e parë pjesëmarrësit me makinat e tyre dhanë shfaqje mbresëlënëse dhe me shume adrenalinë për të apasionuarit e sportit “Of Road” të ardhur edhe nga Europa dhe Anglia.

Në ditën e dytë u zhvilluan gara me motorë dhe me makina. Garat ishin plot sfida dhe adrenalinë, kjo edhe për shkak të terrenit të ashpër, 1800 metra mbi nivelin e detit. Në garë morën pjesë 25 motorristë dhe 60 fuoristrada Of Road.

Vendin e parë në garën me motorë, e mori Arbenit Beqiraj nga Kosova, çmimin e dytë Valon Zeqiraj dhe çmimin e tretë Erjus Tufa nga Tirana. Në garën e makinaveçmimin e parë e mori Ilmer Remiki nga Kosova, çmimin e dytë Xhavit Adili nga Tetova, dhe çmimin e tretë Roland Hoxha nga Dibra.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Arrestohet njëri prej autorëve të konfliktit në Peqin, ishte tentativë vrasjeje, i pranishëm ishte dhe kryebashkiaku

Arrestohet njëri prej autorëve të konfliktit në Peqin, ishte tentativë vrasjeje, i pranishëm ishte dhe kryebashkiaku

27 Prill, 11:12