TIRANË- Zyra e kryeministrit Edi Rama duket se i ka lënë një mbresë të veçantë homologut të tij holandez, Mark Rutte, i cili është ndalur për vizitë edhe në ambientin e punës së Ramës.
Rama i ka treguar homologut të tij çdo detaj në zyrë, nga pikturat që ai pikturon e më pas i kthen në letër murale, kravatat e bëra nga vetë Rama, një bust të Lincoln që lexon 'Twitter'-in e Donald Trump, portreti i Ismail Qemalit e një letër nga Papa Francesku.
Të gjitha këto tërhoqën vëmendjen e Mark Rutte, por në veçanti letra murale me pikturat e kryeministrit.
Pjesë nga biseda:
Rama: Dhe këtu Lincolni që lexon twitter-in e Trump-it
Rutte: Kjo është e mahnitshme. Më pëlqen shumë.
Rama: Këto janë gjithashtu kravata që kam bërë.
Rutte: Keni gjithmonë një kravatë artistike.
(...)
Rutte: Ky është i famshmi...
Rama: Ky është babai ynë themelues (Ismail Qemali). Ai shpalli pavarësinë nga Perandori Osmani dhe ngriti flamurin në 1912.
Rutte: Kjo ishte hera e parë që flamuri u dizajnua kështu?
Rama: Po.
(...)
Rutte: Gjithashtu më pëlqen shumë letra juaj e murit. Ju e dizenjuat këtë apo jo?
Rama: Vizatimet që bëj aty, i marr dhe përmes kompjuterit bëhen letër murale. Kjo është e para që kam bërë, dhe kam katër të tilla.
Rutte: Pra kur erdhi ti në këtë zyrë, Berisha kishte qenë para jush.
Rama: Po
Rutte: Dhe ishe pak a shumë kështu?
Rama: Jo ishte ndryshe. I solla unë mobiliet.
Kryeministri i Holandës, Mark Rutte ishte ditën e sotme në një vizitë zyrtare në Tiranë, ku u prit me ceremoni shtetërore nga kryeministri Edi Rama. Në konferencën e përbashkët për shtyp, Rutte tha se Shqipëria ka bërë progresin e duhur për të hapur negociatat dhe mbajtur Konferencën e Parë Ndërqeveritare para dhjetorit. Sipas tij, BE duhet të tregohet e drejtë me Shqipërinë dhe se Bullgaria nuk mund të mbajë më peng këtë proces për shkak të vetos që i ka vendosur Maqedonisë së Veriut.
Gjatë vizitës kryeministrit holandez Mark Rutte, përveç pritjes zyrtare, Rama ka pasur edhe një takim të ngrohtë me homologun e tij, të cilit i ka dhuruar një sërë dhuratash. Rama kishte përgatitur dhuratat më të veçanta, nga kravata e punuar nga vetë ai, mentesha e këmishës me simbolin e shqiponjës, tre shishe vere të dizenjuara nga Rama, një libër për historinë e Shqipërisë të përkthyer në holandisht, si edhe një tjetër libër për kolonelin e famshëm holandez, Tomson.
Biseda e plotë:
Rama: Kjo është vizita jote e parë, 2015-a. Duhej të vije që në 2015-ën, po nuk erdhe, kështu që kjo është dhurata e vizitës tënde të parë. Po te pret qysh prej 2015-ës. Ky është koloneli i famshëm holandez, Tomson.
Rutte: Po, absolutisht. Kaloj çdo të shtunë me biçikletë nga statuja e tij, pranë nipit tim, në Thomsonplein (sheshi “Tomson”). Është fiks e njëjta pamje si këtu.
Rama: Kjo është një poezi, një elegji kushtuar atij nga një prej figurave tona më të rëndësishme historike, i cili ishte përkthyes, shkrimtar, poet, kryeministër dhe përfundoi kryepeshkop...
Rutte: Oh, ç’karrierë!
Rama: Ai ishte njeriu që shpalli pavarësinë e kishës ortodokse shqiptare. Një burrë i madh. Kjo është dhurata e vizitës së parë. Kurse kjo është e imja. Është prodhim i imi... Europa... Si BE-ja natën... Është diçka e thjeshtë.
Rutte: Qenka brenda në kuti. Këto janë butona për mansheta.
Rama: Po, butona me shqiponjën shqiptare.
Rutte: Janë me shqiponjën shqiptare. E keni edhe sipër derës
Rama: Praktikisht, kjo është shqiponja e Skënderbeut dhe helmeta e Skënderbeut.
Rutte: ...dhe këto u kthyen pas vitit 1990?
Rama: Po.
Rutte: I ke dizenjuar ti?
Rama: Po.
Rutte: Kjo është çanta numër një.
Rama: Kjo është e vizitës së dytë Mark. Është në vitin 2017. Ky është një libër për Tomsonin...
Rutte: Vizita e dytë...
Rama: Vizita e dytë. Këtu ke një letër prej meje, të 2017-ës, që ka shpjegime për Tomsonin, Shqipërinë e gjithçka tjetër.
Rutte: E mrekullueshme! Pra, Tomsoni është i famshëm këtu?
Rama: Po. Ka edhe një statujë në Durrës. Kjo është vizita e tretë, Mark, 2019-a. Kjo është vera ime. Unë bëj shishet, një mik i imi bën verën. Kjo është një kravatë, që ti nuk e vë, po mund ta mbash në zyrë si vepër arti.
Rutte:. Shumë e bukur.
Rama: Po nuk e mban.
Rutte: Nuk e mbaj dot kur takoj mbretin...
Rama: Nejse, kur të gjesh rastin, vëre...
Rutte:. Është me vizatimet e tua?
Rama: Po, po. Dhe e fundit është e vizitës së sotme. Për vizitën sot, është ky libër i jashtëzakonshëm, që ka dalë javën e kaluar në Holandë. Është diçka e jashtëzakonshme rreth Shqipërisë përpara rënies së komunizmit. Është historia e një familjeje gjatë komunizmit.
Rutte:. Është përkthyer në holandisht?
Rama: Po.
Rutte: ... dhe e ka shkruar një profesore e teorisë politike në London School of Economics.
Rama: Do të të pëlqejë shumë. Këtu ke një dedikim të gjatë. Vizita e katërt ka dedikim të gjata.
Rutte: Faleminderit.
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16
