Prokuroria e Tiranës përfundon hetimet për 17 nga 27 anëtarët e grupit të shpërndarjes së drogës arrestuar nën operacionin e koduar “Epilog” dhe kërkon 170 vite burg për ta.

Sipas hetimeve ky grup i arrestuar nëntorin e vitit 2015 shpërndanin drogën në zonat si ish Blloku, Rr, Elbasanit, Pallatet e njohura si Lulishtja 1 Maji, Qytet Studenti, me një xhiro mujore 50 mijë euro.

Të veçuar nga njëri tjetri për të mos u identifikuar asnjëherë lideri i grupit dhe bashkëpunimi mes tyre, këta shtetas thotë prokuroria paçka se tregtonin drogën secili për llogari të vetë në fund ishin të lidhur.

Veç arrestimit të personave të dyshuar policia mundi të zbulojë dhe laboratorin e përpunimit të kokainës ku me përzierës duke përdorur dhe paracetamolin sasia dy dhe trefishohej për çdo dozë deri sa shitej.

Në hetim dhe gjatë gjykimit, Prokuroria e Tiranës arriti të provonte se anëtarët e këtij grupi funksiononin në bazë të hierarkisë, me role të ndara: furnizues, transportues, shpërndarës.

Dënimet më të mëdha akuza i ka kërkuar për Julian Bushati me 14 vite, Alfred Naco 13 vite, Armando Murati 12 vite.
Për pjesën tjetër janë kërkuar dënime nga 11vite dhe deri në dy vite për Indrit Sallahun që akuzohet për mos kallëzim krimi.

Pas 4 seancave për këtë grup kriminal të trafikut të drogës prite vendimi i treshes gjykues drejtuara nga gjyqtari Arjan Kaliaj.

grupi i dorges

Ja komunikata e Prokurorisë
Prokuroria e Tiranës kërkon dënimin me 170 vjet burgim për 17 anëtarë të një grupi të gjerë që shpërndante lëndë të forta narkotike në disa zona të Tiranës. Këta persona, së bashku me disa të tjerë që po gjykohen në procese të ndara, akuzohen se kishin krijuar një rrjet të sofistikuar shpërndarje heroine dhe kokaine në zonat e Tiranës së Re, ish-Bllokut, Sauk, Rr.Elbasanit, etj., dhe xhiroja e tyre llogaritej në rreth 50 mijë euro në muaj.
Prokuroria e Tiranës nisi hetimin ndaj këtij grupi, në bazë të disa referimeve të veçuara të Policisë së Shtetit. Nga analiza hetimore e realizuar nga prokuroria, u konstatua se anëtarët e këtij grupi, pavarësisht se vepronin si të veçuar, në fakt kishin lidhje me njëri-tjetrin. Për këtë arsye, u kryen veprimet e nevojshme hetimore, në bazë të të cilave, në nëntor 2015, u arrestuar në total 23 persona, ndërkohë që disa të tjerë ishin arrestuar më parë.
Në hetim dhe gjatë gjykimit, Prokuroria e Tiranës arriti të provonte se anëtarët e këtij grupi funksiononin në bazë të hierarkisë, me role të ndara: furnizues, transportues, shpërndarës.
Organizatorët e grupit kishin krijuar edhe kushtet teknike për përpunimin dhe ndarjen e lëndës narkotike. Personat krysesore siguronin 150-200 gramë lëndë narkotike të fortë në ditë, të cilën e përpunonin në një mini-laborator të krijuar në një apartament në Tiranë. Nga përpunimi, sasia e lëndës narkotike trefishohej me anën e përzierësve.
Në përfundim të gjykimit, i cili u zhvillua me procedurë të shkurtuar, për pjesën më të madhe të anëtarëve të grupit, Prokuroria e Tiranës kërkoi dënimin, si vijon:
 
1.      Julian Bushati, të dënohet me 14 vjet burgim
2.      Alfred Naço, të dënohet 13 vjet burgim
3.      Armando Murati, të dënohet 12 vjet burgim
4.      Alkan Markaj, të dënohet 11 vjet burgim
5.      Astrit Beka, të dënohet 11 vjet burgim
6.      Bledi Çarçani, të dënohet 11 vjet burgim
7.      Donard Belaj, të dënohet 11 vjet burgim
8.      Eni Malaj, të dënohet 11 vjet burgim
9.      Gentian Xhelili, të dënohet 11 vjet burgim
10.  Rudolf Kallbaqi, të dënohet 11 vjet burgim
11.  Spartak Piciri, të dënohet 11 vjet burgim
12.  Dardan Jaku, të dënohet 10 vjet burgim
13.  Aurora Liço, të dënohet 9 vjet burgim
14.  Sali Sallaku, të dënohet 8 vjet burgim
15.  Toni Naço, të dënohet 8 vjet burgim
16.  Atrias Çizmja, të dënohet 6 vjet burgim
17.  Indrit Sallahu, të dënohet 2 vjet burgim (moskallëzim krimi)
 
Ndërkohë, vijon gjykimi për pjesën tjetër të anëtarëve të këtij grupi, i cili në total kishte të përfshirë 26 persona të identifikuar.

Reaksia Online
(F.T/shqiptarja.com)