POP 5

Lajmet më të lexuara të 5 minutave të fundit

Politikë

Brukseli: Qeveria dhe opozita të rifillojnë dialogun, miratoni reformën zgjedhore

E dërguara e Komisionit Europian për Ballkanin Perëndimor, Genovefa Ruiz Calavera e cila është edhe shefja e Operacionit të Monitorimit Ndërkombëtar për zbatimin e reformës së drejtësisë në Shqipëri pas takimeve sot në Tiranë me qeverinë dhe opozitën u ka bërë apel palëve që të ulen për të zgjidhur krizën politike dhe të miratojnë reformën zgjedhore.

Brukseli: Qeveria dhe opozita të rifillojnë dialogun, miratoni reformën zgjedhore

Ambasadori i BE-së, Luigi Soreca dhe Genovefa Ruiz Calavera gjatë takimeve sot në Tiranë

E dërguara e Komisionit Europian për Ballkanin Perëndimor, Genovefa Ruiz Calavera e cila është edhe shefja e Operacionit të Monitorimit Ndërkombëtar për zbatimin e reformës së drejtësisë në Shqipëri pas takimeve sot në Tiranë me qeverinë dhe opozitën u ka bërë apel palëve që të ulen për të zgjidhur krizën politike dhe të miratojnë reformën zgjedhore. "BE pret që dialogu ndërpartiak të rifillojë në mënyrë konstruktive. Është shumë e rëndësishme për qeverinë që të përparojë me shpejtësi në zbatimin e rekomandimeve të ODIHR-it nën kompetencën e saj të drejtpërdrejtë" shkruan Genovefa Ruiz Calavera. 

Kreu i qeverisë tha të mërkurën se nuk mund të presë PD-në pas 5 majit, dhe nëse Komisioni Evropian e sheh reformën si kyçe për raportin e progresit të qershorit për çeljen e negociatave, atëherë Kodi i ri zgjedhor do të miratohet pa PD-në e vjetër, me votat e opozitës së re, vetëm sipas rekomandimeve të OSBE/ODIHR dhe asnjë sugjerimi të jashtëm (pa kërkesën e PD-së për votim dhe numërim elektronik dhe të PS-së për drejtën e votës për emigrantët). 

Për miratimin e saj duhen 84 vota, pra edhe votat e deputetëve të rinj nga opozita. Shefi i mazhorancës tha se me opozitën e re do të votohen ndryshime të tjera të Kodit, pasi pritet të ketë ndërhyrje për të miratuar votën e emigrantëve. Po ashtu do të duhet vota e tyre edhe për ndryshimet penale për ndëshkimin e shit-blerjes së votës. Nëse do të miratohet para vendimit për hapjen e negociatave sikur paralajmëroi Rama, reforma zgjedhore do të zbatohej për herë të parë në zgjedhjet e ardhshme parlamentare të 2021.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu