POP 5

Lajmet më të lexuara të 5 minutave të fundit

Sport

'Orikun e kemi fqinj, por s'e falim!' Flamurtari në eufori, drejtori sportiv pasi 'shkatërruan' Dinamon: Kreu, i yni deri në fund të kampionatit

Te Flamurtari janë të bindur se derbi kundër Orikut do përfundojë me fitore. Madje te vlonjatët euforia është rritur shumë pas 3 pikëve me rezultat tenistik kundër Dinamos. Drejtori i klubit thotë se Flamurtari nuk do ta lëshojë deri në fund kreun e kategorisë së parë.

Të hënën rrëmbeu kreun e Kategorisë së Parë, ndërsa këtë të dielë Flamurtari luan derbin me Orikun.

“Oriku e di se kush jemi, por ne i respektojmë të gjithë. Pavarësisht se e kemi ngjitur, fqinj, ata e dinë shumë mirë kush është Flamurtari. Objektivi jonë është gjithmonë për të fituar dhe për të marrë 3 pikët,”-u shpreh Alfred Ferko, drejtori sportiv i Flamurtarit.

Nisja e sezonit ishte e dobët për vlonjatët në Kategorinë e Parë, por fitorja e fundit tenistike 1-5 kundër Dinamos i barazoi në krye me 14 pikë. Për rrjedhojë tani optimizmi është shumë i madh te Flamurtari

“Ishim të bindur se do fillonim të ngrihemi sepse kemi shumë kualitete. I kemi thënë futbollistëve se tani të tjerët do na ndjekin. Nuk e lëshojmë kreun deri në fund,”-tha Alfred Ferko, drejtori sportiv i Flamurtarit.

Kundërshtari i Flamurtarit të dielën në orën 12:30 është Oriku, që renditet në vendin e gjashtë me 10 pikë në Kategorinë e Parë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Dhunoi të dashurën kur ishte pjesë e Partizanit, sulmuesi përfiton nga amnistia penale dhe del nga burgu! Rikthehet në ekip

Dhunoi të dashurën kur ishte pjesë e Partizanit, sulmuesi përfiton nga amnistia penale dhe del nga burgu! Rikthehet në ekip

25 Prill, 10:53