Presidentja e Kosovës, Vjosa Osmani, ka thënë se autoritetet kosovare duhet të konsultohen dhe koordinohen me NATO-n në veçanti për ndërtimin e një plani të përbashkët për hapjen e urës në Mitrovicë.
Osmani i bëri këto komente gjatë një takimi të hënën me komandantin e misionit të NATO-s në Kosovë, KFOR, Ozkan Ulutas, njoftoi Presidenca.
Derisa e përsëriti qëndrimin e saj se çështja e hapjes së urës nuk duhet të bëhet temë e dialogut me Serbinë, Osmani ritheksoi se hapja e urës “si akt normalizimi e integrimi është në interes të të gjithë qytetarëve, pa dallim etnie”.
Qeveria e Kosovës njoftoi në fillim të gushtit synimet e saj për ta hapur urën mbi lumin Ibër edhe për qarkullim të automjeteve, e cila ndan Mitrovicën në jug me shumicë shqiptare dhe në veri me shumicë serbe, me gjithë kundërshtimin nga SHBA-ja, BE-ja dhe vendet e QUINT-it.
Kjo nxiti edhe protestë të serbëve të Kosovës në veri javën e kaluar, të cilët e kundërshtojnë hapjen e urës.
Kosova dhe Serbia u pajtuan më 2014, gjatë dialogut të ndërmjetësuar nga BE-ja, që ura të hapet për qarkullim, por kjo nuk është realizuar kurrë në praktikë.
Tani ura është e hapur vetëm për këmbësorë dhe ushtarët italianë të KFOR-it ndodhen në të. Pjesëtarët e Policisë së Kosovës ndodhen afër saj gjithashtu.
Javën e kaluar, ambasadori i amerikan në Kosovë, Jeffrey Hovenier, tha në një intervistë për Radion Evropa e Lirë se ka rrezik të vërtetë se hapja e urës në Mitrovicë në këtë kohë mund të ndikojë në sigurinë e ushtarëve të NATO-s, përfshirë ata amerikanë.
Po ashtu javën e kaluar, Osmani u kërkoi autoriteteve në vend që të sigurohen që ura në veri të hapet në atë mënyrë që nuk nxit konflikt me aleatët e vendit, e as prani të shtuar të KFOR-it në atë pjesë të vendit.
KFOR-i ka paralajmëruar disa herë se nuk do të hezitojë të veprojë për t’iu përgjigjur zhvillimeve të lidhura me sigurinë./ REL
Lajme të tjera
-
Kosovë/ Goditet nga rrufeja, vdes 64-vjeçarja në Prevallë! 4 të tjerë të plagosur
18 Gusht, 14:44 -
Kimete Berisha: Një fund i keq
18 Gusht, 14:19
-
Masat e BE-së ndaj Kosovës dëmtuan ekonominë, kërkohet shfuqizimi i sanksioneve
18 Gusht, 12:45 -
Ruzhdi Qarri, ndër zanatçinjtë e fundit të djepave në Gjakovë! Artizani 71-vjeçar: Të kisha jetë tjetër, sërish këtë zanat do zgjidhja
18 Gusht, 09:30
-
Mero Baze: Presidentja Osmani është përgjegjëse për reagimin e saj dhe jo xhaxhain e burrit
17 Gusht, 19:37
-
Detajet nga vrasja në dasmën në Kosovë/ 89-vjeçari i vrarë i afërm i Osmanit, media: Dyshohet për pedofili! Presidentja: Sulm politik, unë dhe burri s’kemi lidhje me ngjarjen
17 Gusht, 17:16 -
Vuçiç për hapjen e Urës së Ibrit: Nuk ka vullnet për dialog, pres provokime dhe probleme shtesë
17 Gusht, 16:33 -
Vrasja e xhaxhait të bashkëshortit së Vjosa Osmani, reagon Presidentja e Kosovës: Nuk kemi asnjë lidhje me ngjarjen
17 Gusht, 16:04 -
Kosovë/ KFOR zhvillon patrullime në Komunën e Leposaviqit
17 Gusht, 15:53 -
Mbyllet furra e bukës në Prishtinë, dyshohet se u helmuan 20 persona
17 Gusht, 13:11 -
Dasma që u kthye në mort/ Foto e policit që ekzekutoi me armë xhaxhain e bashkëshortit të Vjosa Osmanit
17 Gusht, 08:17 -
Kosovë/ Efektivi i Policisë vret një person jashtë një lokali dasmash në Ferizaj
16 Gusht, 21:35
