POP 5

Lajmet më të lexuara të 5 minutave të fundit

Sociale

'Pa Gjurmë'/ Denoncohet humbja e 63-vjeçarit me sklerozë, djali: Mami u mundua ta ndalonte, por ai hipi në furgon dhe iku

Ermal Shkreta ka denoncuar këtë të martë në studion e emisionit "Pa Gjurmë" humbjen e babait të tij, Ded Shkreta. Ky i fundit, i cili vuan prej kohësh nga skleroza, rezulton i humbur që prej datës 25 janar. Ermal Shkreta ka rrëfyer për moderatoren Odeta Dume momentin e fundit që ka parë të atin, si dhe përpjekjet për t'u vendosur në gjurmët e tij. 

'Pa Gjurmë'/ Denoncohet humbja e 63-vjeçarit me sklerozë, djali: Mami u mundua ta ndalonte, por ai hipi në furgon dhe iku

I djali i të humburit, Ermal Shkreta

Humbja e një 63-vjeçari me sëmundjen e sklerozës është denoncuar këtë të martë në studion e emisionit "Pa Gjurmë" në Report Tv. Ded Shkreta, 63 vjec u largua nga shtëpia e tij më datë 25 janar. Ndonëse bashkëshortja e tij ishte munduar ta ndalonte, i veshur me xhaketë të bardhë, pantallona e kapelë të zezë dhe me një qese në dorë, Ded Shkreta mori një drejtim të paditur.

Sot në studion e "Pa Gjurmë" ka qenë i pranishëm djali i tij, Ermal Shkreta, i cili ka rrëfyer për gazetaren Ledina Jakimi se babai i tij ka hipur në një furgon i cili ka ndaluar në Mamurras. "Ne mendonim se ai ishte nisur për në Laç, por pasi pyetëm drejtuesin e furgonit, u njoftuam se ai kishte mbërritur në Mamurras", u shpreh Ermal Shkreta, i cili tregoi më pas se ka kontrolluar gjithandej për të atin dhe se gjurma më e fundit prej tij i ka rezultuar në Fushë-Mamurras Adriatik. "Përmes pamjeve filmike të një kamere, e kemi parë se ai ka kaluar në Fushë-Mamurras në orën 17:20 të darkës", tha ai. 

Ndonëse familja Shkreta gjendet në hasmëri, Ermal Shkreta insistoi për moderatoren Odeta Dume se babai i tij nuk është rikthyer në shtëpi vetëm për shkak të sëmundjes së tij.

I shqetësuar për fatin e të atit, Ermali iu drejtua në fund të gjithë ndjekësve të televizionit Report Tv që sapo të hasen me Ded Shkretën, ta njoftojnë menjëherë për vendndodhjen dhe gjendjen e tij. Fill pas kësaj thirrjeje, një telefonatë ka ardhur në studion e emisionit "Pa Gjurmë", përmes së cilës një qytetar ka bërë dije se e ka parë Ded Shkretën në një kryqëzim në Fushë-Krujë.

Ndërkohë, kërkimet vijojnë për gjetjen e 63-vjeçarit. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06